ମମତା ଦେଲେ ଚେତାବନୀ …..କହିଲେ ଯାହା କରୁଛ କର କିନ୍ତୁ ବିବାଦ ଆରମ୍ଭ କରିବନାହିଁ ନଚେତ
ନୂଆଦିଲ୍ଲୀ: ଚଳିତ ବର୍ଷ ପଶ୍ଚିମବଙ୍ଗରେ ରାମ ନବମୀକୁ ବଡ଼ ଧୁମଧାମରେ ପାଳନ କରିବାକୁ ବିଜେପି ନିଷ୍ପତ୍ତି ନେଇଛି। ପାର୍ଟି ଅନେକ ସ୍ଥାନରେ ବିଶାଳ ଶୋଭାଯାତ୍ରା କରିବାକୁ ପ୍ରସ୍ତୁତ ହେଉଛି। ତେବେ ଏହା ଭିତରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଏହାକୁ ଟାର୍ଗେଟ କରି ବିଜେପି କର୍ମୀଙ୍କୁ ଚେତାବନୀ ଦେଇଛନ୍ତି। ମମତା ବାନାର୍ଜୀ କହିଛନ୍ତି ଯେ ସେ ରାମ ନବମୀ ଉପରେ ଶୋଭାଯାତ୍ରା ବନ୍ଦ କରିବେ ନାହିଁ, କିନ୍ତୁ ଯଦି କେହି ଭୁଲ କରିବାକୁ ଚେଷ୍ଟା କରନ୍ତି, ତେବେ ତାଙ୍କୁ କଦାପି କ୍ଷମା କରାଯିବ ନାହିଁ।
ମମତା ବାନାର୍ଜୀ କହିଛନ୍ତି ଯେ କିଛି ଗୁଣ୍ଡା କହିଛନ୍ତି ଯେ ରାମ ନବମୀ ଦିନ ଆମେ ଅସ୍ତ୍ରଶସ୍ତ୍ର ନେଇ ବାହାରିବୁ। ମୁଁ ରାମ ନବମୀରେ ହେବାକୁ ଥିବା ଶୋଭାଯାତ୍ରା ବନ୍ଦ କରିବି ନାହିଁ, କିନ୍ତୁ ଯଦି ଅସ୍ତ୍ରଶସ୍ତ୍ର ବାହାରେ ତେବେ ସରକାର ଏହା ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବେ। ରମଜାନ ମାସ ମଧ୍ୟ ଚାଲିଛି ଏବଂ ଏହି ସମୟ ମଧ୍ୟରେ ଯଦି କେହି ଭୁଲ କାମ କରିବାକୁ ଚେଷ୍ଟା କରନ୍ତି, ତେବେ ତାଙ୍କୁ ରକ୍ଷା କରାଯିବ ନାହିଁ। ଏଠି ଦଙ୍ଗା କରିବାର କାହାର ଅଧିକାର ନାହିଁ।
ଏଥର ପଶ୍ଚିମବଙ୍ଗରେ ରାମ ନବମୀ ପାଇଁ ବିଜେପି ବଡ ପ୍ରସ୍ତୁତି ଚଳାଇଛି। ପଶ୍ଚିମବଙ୍ଗ ବିଧାନସଭାରେ ବିରୋଧୀଦଳର ନେତା ତଥା ବିଜେପି ନେତା ସୁଭେନ୍ଧୁ ଅଧିକାରୀ କହିଛନ୍ତି ଯେ ଗୁରୁବାର ଦିନ ପଶ୍ଚିମବଙ୍ଗର ରାସ୍ତାରେ ଏକ କୋଟି ରାମ ଭକ୍ତ ବାହାରକୁ ଆସିବେ। ତେବେ ଏହା ପ୍ରଥମ ଘଟଣା ନୁହେଁ ଏହାପୂର୍ବରୁ ମଧ୍ୟ ବଙ୍ଗଳାରେ ବିଜେପି ଆଉ ଟିଏମସି ମଧ୍ୟରେ ଏଭଳି ଅନେକ ବିବାଦ ଦେଖିବାକୁ ମିଳିଛି। ଏହାକୁ ନେଇ ନାରାବାଜି ମଧ୍ୟ ଦେଖିବାକୁ ମିଳିଛି ।
