ଆପଣଙ୍କୁ ଥଣ୍ଡା,ଜ୍ୱର, କାଶ ହେଉଛି କି ? ତେବେ ହେଇପାରେ ଆପଣ ମଧ୍ୟ H3N2 ଭାଇରସରେ ଆକ୍ରନ୍ତ…..ଯାଞ୍ଚ କରନ୍ତୁ ICMR ନିର୍ଦ୍ଦେଶ
ନୂଆଦିଲ୍ଲୀ:ଯଦି ଆପଣ ଦୀର୍ଘ ସମୟ ଧରି ଜ୍ୱର ଏବଂ କାଶରେ ଅସୁବିଧାରେ ପଡ଼ନ୍ତି, ତେବେ ସତର୍କ ରୁହନ୍ତୁ । ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ (ଆଇସିଏମ୍ଆର୍) ନିଶ୍ଚିତ କରିଛି ଯେ ଦେଶରେ ପ୍ରବଳ ମାତ୍ରାରେ ଜ୍ୱର ଏବଂ କାଶର ସଂକ୍ରମଣ H3N2 ସ୍ୱାଇନ୍ ଫ୍ଲୁ ହେତୁ ମାଡିଚାଲିଛି । ICMR ଅନୁଯାୟୀ, H3N2 ଅନ୍ୟ ଜୀବାଣୁ ଅପେକ୍ଷା ଅଧିକ ପ୍ରଭାବଶାଳୀ।ଏଥିରେ ପୀଡିତ ଲୋକମାନେ ଶୀଘ୍ର ଡାକ୍ତରଖାନାରେ ଭର୍ତ୍ତି ହେଉଛନ୍ତି। ଭାଇରସ୍ ରିସର୍ଚ୍ଚ ଏବଂ ଡାଇଗ୍ନୋଷ୍ଟିକ୍ ଲାବୋରେଟୋରୀ (VRDLs) ର ନେଟୱାର୍କ ମାଧ୍ୟମରେ ICMR ଏହି ଜୀବାଣୁ ଦ୍ୱାରା ହେଉଥିବା ରୋଗ ଉପରେ ନିରନ୍ତର ନଜର ରଖିଥାଏ।
ଆଇସିଏମଆର ଏପିଡେମୋଲୋଜିର ମୁଖ୍ୟ ଡ଼ ନିବେଦିତା ଗୁପ୍ତା TOI କୁ କହିଛନ୍ତି ଯେ ଗତ ବର୍ଷ ଡିସେମ୍ବର ୧୫ ଠାରୁ ସ୍ୱାଇନ୍ ଫ୍ଲୁ ସଂଖ୍ୟା ବୃଦ୍ଧି ପାଇଛି । ଡକ୍ଟର ଗୁପ୍ତା କହିଛନ୍ତି ଯେ ତାପମାତ୍ରା ବୃଦ୍ଧି ପାଇବା ପରେ ମାର୍ଚ୍ଚ ଶେଷ କିମ୍ବା ଏପ୍ରିଲର ପ୍ରଥମ ସପ୍ତାହରୁ ଏହି ଜୀବାଣୁଙ୍କର ପ୍ରଭାବ ହ୍ରାସ ପାଇବ ବୋଲି ଆଶା କରାଯାଉଛି।ବିଶେଷଜ୍ଞଙ୍କ ଅନୁଯାୟୀ, ଜୀବାଣୁରେ ପୀଡିତ ରୋଗୀମାନେ ଆଣ୍ଟିବାୟୋଟିକ୍ର ଅତ୍ୟଧିକ ବ୍ୟବହାରରୁ ଦୂରେଇ ରହିବା ଉଚିତ ଏବଂ ଡାକ୍ତରଙ୍କ ସହ ସମ୍ପର୍କ ରଖିବା ଅତ୍ୟନ୍ତ ଜରୁରୀ ଅଟେ।
କଣ ରହୁଛି ଲକ୍ଷଣ :
ଆଇସିଏମଆର ଅନୁଯାୟୀ, ଡାକ୍ତରଖାନାରେ ଭର୍ତ୍ତି ହୋଇଥିବା H3N2 ରୋଗୀଙ୍କ ମଧ୍ୟରୁ ୯୨% ଜ୍ୱର, ୮୬% କାଶ, ୨୭% ନିଶ୍ୱାସ ପ୍ରଶ୍ୱାସରେ ଅସୁବିଧା ହେଉଥିବା ସୂଚନାମିଳୁଛି । ଏଥିସହ, ଆଇସିଏମଆର ସର୍ବେକ୍ଷଣରୁ ଜଣାପଡିଛି ଯେ ଏହିପରି ୧୬% ରୋଗୀଙ୍କ ନିମୋନିଆ ଏବଂ ୬% ରୋଗୀଙ୍କର ଆକ୍ରାନ୍ତ ହୋଇଛି।ଆଇସିଏମଆର ଅନୁଯାୟୀ, ‘H3N2 ଜୀବାଣୁରେ ପୀଡିତ ଗୁରୁତର ରୋଗୀଙ୍କ ମଧ୍ୟରୁ ପ୍ରାୟ ୧୦% ରୋଗୀ ଅମ୍ଳଜାନ ଆବଶ୍ୟକ କରନ୍ତି ଏବଂ ୭% ଆଇସିୟୁ ଯତ୍ନ ଆବଶ୍ୟକ କରନ୍ତି।’
ସୂଚନାମୁତାବକ ଅନ୍ୟ ସ୍ୱାଇନ୍ ଫ୍ଲୁ ଜୀବାଣୁ ଅପେକ୍ଷା H3N2 ଅଧିକ ଗୁରୁତର ଅଟେ। ଯଦିଓ ଏହା ଏକ ନୂଆ ଭାଇରସ୍ ନୁହେଁ ।ଏହା ପ୍ରାୟ ଦଶନ୍ଧି ଧରି ରହିଆସିଛି । ୧୯୬୮ ମସିହାରେ ହଂକଂରେ ଏହି ଜୀବାଣୁ ଏକ ବଡ଼ ଧରଣର ମହାମାରୀ ସୃଷ୍ଟି କରିଥିଲା ବୋଲି ସୂଚନାମିଳିଛି । ସେ ସ୍ପଷ୍ଟ କରିଛନ୍ତି ଯେ ଏହି ଜୀବାଣୁରେ ପୀଡିତ ଜଣେ ରୋଗୀ ସର୍ବଦା ଉଚ୍ଚ ଜ୍ୱରରୁ ଥଣ୍ଡା ଏବଂ କ୍ରମାଗତ କାଶରୁ ଆରମ୍ଭ ହୁଏ, ଯାହାକି ଅନେକ ଦିନ ପର୍ଯ୍ୟନ୍ତ ରହିଥାଏ ।
