ମା’ ହେବାକୁ ଯାଉଛନ୍ତି କମେଡି କୁଇନ୍ ଭାରତୀ, ଭିଡିଓ ସେୟାର କରି ଦେଲେ ଖୁସିଖବର
ନୂଆଦିଲ୍ଲୀ: ବଲିଉଡର କମେଡି କୁଇନ୍ ଭାରତୀ ସିଂ ଖୁବଶୀଘ୍ର ମା’ ହେବାକୁ ଯାଉଛନ୍ତି । ସେ ନିଜ ସାଙ୍ଗମାନଙ୍କ ସହିତ ଏକ ଫଟୋ ସେୟାର କରି ଗର୍ଭବତୀ ଥିବା ଖବରକୁ ସ୍ପଷ୍ଟ କରିଛନ୍ତି । ସ୍ୱାମୀ ହର୍ଷ ଲିମ୍ବାଚିୟା, ଜସ୍ମିନ୍ ଭସୀନ୍ ଓ ଅଲୀ ଗୋନିଙ୍କ ସହିତ ଭାରତୀ ଏହି ଖୁସିଖବରକୁ ନିଜ ଫ୍ୟାନ୍ସମାନଙ୍କୁ ଶୁଣାଇଛନ୍ତି । ଫଟୋରେ ଭାରତୀଙ୍କ ବେବୀ ବମ୍ପ ନଜର ଆସିଛି । ଏହାକୁ ନେଇ ତାଙ୍କ ମୁହଁରେ ଗ୍ଲୋ ବି ଦେଖିବାକୁ ମିଳିଛି ।
ନିକଟରେ ଭାରତୀ ସିଂ ନିଜ ଓଜନ କମ୍ କରିବାକୁ ନେଇ ଚର୍ଚ୍ଚାରେ ଥିଲେ । ଏହା ସହିତ ଭାରତୀ ସୋସିଆଲ ମିଡିଆରେ ଏକ ଭିଡିଓ ମଧ୍ୟ ସେୟାର କରିଥିଲେ, ଯେଉଁଥିରେ ତାଙ୍କ ଫ୍ୟାନ୍ସମାନେ ପ୍ରତିକ୍ରିୟା ପ୍ରକାଶ କରିଥିଲେ । ଅନ୍ୟପଟେ ଗର୍ଭବତୀ ହେବା ଘଟଣାକୁ ଶୁଣି ଭାରତୀ କିପରି ଖୁସି ହୋଇଥିଲେ, ତାହା ଏହି ଭିଡିଓକୁ ଦେଖି ଆପଣ ବି ଜାଣିପାରିବେ…
View this post on Instagram
ତେବେ ଭାରତୀ ୨୦୧୭ ଡିସେମ୍ବର ୩ରେ ହର୍ଷଙ୍କ ସହିତ ବିବାହ ବନ୍ଧନରେ ବାନ୍ଧି ହୋଇଥିଲେ । ବାହାଘର ପୂର୍ବରୁ ତାଙ୍କର ରିଲେସନସିପ ବିଷୟରେ କାହାକୁ ବି ଜଣାପଡିନଥିଲା । କିନ୍ତୁ ଆଜିର ସମୟରେ ଭାରତୀ ଓ ହର୍ଷ ଟିଭିର ସବୁଠାରୁ ଲୋକପ୍ରିୟ ଦମ୍ପତ୍ତି ଭାବେ ଚର୍ଚ୍ଚିତ ।
View this post on Instagram
