ଗରମ ସିଜିନରେ ନିଶ୍ଚୟ ଖାଆନ୍ତୁ ଏହି ଖାଦ୍ୟ, ରହିବେ ବିଲକୁଲ୍ ଫିଟ୍

ଗରମ ସିଜିନରେ ଫିଟ୍ ରହିବା ପାଇଁ ନିଜର ଦୈନନ୍ଦିନର ଖାଦ୍ୟକୁ ପରିବର୍ତ୍ତନ କରିବା ଆବଶ୍ୟକ । ଗ୍ରୀଷ୍ମଋତୁରେ ଖାଇବା ପିଇବା ଆମର ସ୍ୱାସ୍ଥ୍ୟ ଉପରେ ଅନେକ ପ୍ରଭାବ ପକାଇଥାଏ । ସାମାନ୍ୟ ବ୍ୟତିକ୍ରମ ହେଲେ ଅନେକ ସ୍ୱାସ୍ଥ୍ୟଗତ ସମସ୍ୟା ଦେଖାଦେଇଥାଏ । ଏହି ସିଜିନରେ ଅଧିକାଂଶ ଲୋକ ଡିହାଇଡ୍ରେସନର ଶିକାର ହେବା ସହ ଭିଟାମିନ୍, ମିନେରାଲ୍ସ ଆଦିର ଅଭାବ ଦେଖାଦେଇଥାଏ । ଆସନ୍ତୁ ଜାଣିବା ଗରମରେ ସୁସ୍ଥ ରହିବା ପାଇଁ କେଉଁ ଖାଦ୍ୟ ସବୁକୁ ସାମିଲ କରିବା ଉଚିତ ।

– ଟମାଟୋରେ ଆଣ୍ଟିଅକ୍ସିଡେଣ୍ଟ ଓ ଭିଟାମିନରେ ଭରପୁର ରହିଥାଏ । ଏଥିରେ ଲାଇକୋପିନ ନାମକ ଏକ ଉପକାରୀ ଫାଇଟୋକେମିକାଲ୍ସ ଥିବାରୁ ତାହା କ୍ୟାନସର ପରି ଭୟଙ୍କର ରୋଗରୁ ରକ୍ଷା କରିଥାଏ । ଗରମ ସିଜିନରେ ଟମୋଟା ଖାଇବା ଶରୀର ପାଇଁ ଲାଭକାରୀ ହୋଇଥାଏ ।

– ଗରମ ସମୟରେ କାକୁଡ଼ି ଖାଇବା ନିହାତି ଦରକାର । ପେକ୍ଟିନ ନାମକ ଏକ ଫାଇବର କାକୁଡ଼ିରୁ ମିଳିଥାଏ, ଯାହାକି ହୃଦରୋଗକୁ ଦୂର କରିବାରେ ସହାୟକ ହୋଇଥାଏ । କାକୁଡ଼ି ଶରୀରରେ କୋଲେଷ୍ଟରଲର ମାତ୍ରାକୁ ମଧ୍ୟ ହ୍ରାସ କରିଥାଏ ।

– ଭରପୁର ପ୍ରୋଟିନ ଥିବା ଦହି ଗରମ ଦିନରେ ଖାଇବା ଶରୀରକୁ ଅନେକ ଫାଇଦା ଦେଇଥାଏ । ଦହି ଖାଇବା ଦ୍ୱାରା ପେଟ ପୂର୍ଣ୍ଣ ରହିବା ସହ ଦୀର୍ଘ ସମୟ ପର୍ଯ୍ୟନ୍ତ ଭୋକ ଲାଗେ ନାହିଁ । ଦହିରେ ପ୍ରୋବାୟୋଟିକ୍ସ ରହିଥିବାରୁ ତାହା ପାଚନ ତନ୍ତ୍ରକୁ ଠିକ ରଖିବାରେ ସହାୟକ ହୋଇଥାଏ ।

– ଗରମ ଦିନରେ ଶରୀରକୁ ଥଣ୍ଡା ରଖିବା ସହ ଡିହାଇଡ୍ରେସନ ଦୂର କରିବା ପାଇଁ ତରଭୁଜ ଖାଇବା ନିହାତି ଦରକାର । ତରଭୁଜରେ ଅଧିକ ମାତ୍ରାରେ ଜଳୀୟ ଅଂଶ ଥିବାରୁ ଏହାକୁ ଖାଇବା ପରେ ଜଲଦି ଭୋକ ଲାଗେ ନାହିଁ । ଗରମ ସିଜିନରେ ସ୍କିନକୁ ବାହ୍ୟ ସଂକ୍ରମଣରୁ ତରଭୁଜ ରକ୍ଷା କରିଥାଏ ।