(Video) ଏୟାରପୋର୍ଟରେ ଗରବା ଖେଳିଲେ କର୍ମଚାରୀ: ତାଳରେ ତାଳ ମିଶାଇ ନାଚିଲେ ଯାତ୍ରୀ…

ନବରାତ୍ରିରେ ଗରବା ଖେଳିବାକୁ କିଏ ବା’ ପସନ୍ଦ ନକରେ । ନବରାତ୍ରି ସତେ ଯେପରି ଗରବା ବିନା ଅଧୁରା । ଏଥିପାଇଁ ତ’ ଅନେକ ସ୍ଥାନରେ ନବରାତ୍ରିରେ ବିଭିନ୍ନ ସ୍ଥାନରେ ସ୍ୱତନ୍ତ୍ର କାର୍ଯ୍ୟକ୍ରମର ଆୟୋଜନ କରାଯାଇଥାଏ । ଯେଉଁଥିରେ ହଜାର ହଜାର ସଂଖ୍ୟାରେ ଲୋକମାନେ ଏକାଠି ହୋଇ ଗରବା ଖେଳିଥାନ୍ତି । ଗରବା ଖେଳିବାକୁ ଲୋକଙ୍କ ମନରେ ଏକ ଅପୂର୍ବ ଉତ୍ସାହ ଭରିରହିଥାଏ । ତେବେ ବର୍ତ୍ତମାନ ଏହି ଗରବାକୁ ନେଇ ଏକ ଭିଡିଓ ଖୁବ୍ ଭାଇରାଲ ହେବାରେ ଲାଗିଛି । ଯାହାକୁ ଦେଖିଲେ ଆପଣବି ଖୁସିରେ ନାଚିଉଠିବେ ।

କାରଣ ଏଠାରେ ଗରବା କୌଣସି କାର୍ଯ୍ୟକ୍ରମରେ ଖେଳାଯାଉନାହିଁ । ଏହି ଗରବା ଖେଳାଯାଉଛି ପୁଣି ଏୟାରପୋର୍ଟ ଭିତରେ । ଆଜ୍ଞା ହଁ, ବର୍ତ୍ତମାନ ସୋସିଆଲ ମିଡିଆରେ ଏପରି ଏକ ଭିଡିଓ ଭାଇରାଲ ହେବାରେ ଲାଗିଛି । ଯାହାକୁ ଦେଖିଲେ ଆପଣ ହୁଏତ ନିଶ୍ଚୟ ଖୁସିରେ ହୋଇଯିବେ । କାରଣ ଭିଡିଓରେ ଦେଖାଯାଉଛି ଯେ ଏକ ବେସରକାରୀ ବିମାନ କମ୍ପାନୀର କର୍ମଚାରୀ ଏବଂ ପାସେଞ୍ଜରମାନେ ଏବଂ ବିମାନ ବନ୍ଦରର କିଛି ସୁରକ୍ଷା ଅଧିକାରୀର ଗରବା କରୁଛନ୍ତି । ଭିଡିଓଟି ଭୋପାଳର ରାଜାଭୋଜ୍ ଏୟାରପୋର୍ଟର ।

ପ୍ରକୃତରେ କିଛି ଯାତ୍ରୀ ଭୋପାଳ-ଅହମ୍ମଦାବାଦ ଇଣ୍ଡିଗୋ ବିମାନର ଅପେକ୍ଷା କରିଥିଲେ । କିନ୍ତୁ କୌଣସି କାରଣରୁ ବିମାନ ଉଡ଼ାଣରେ ବିଳମ୍ବ ହୋଇଥିଲା । ଆଉ ଏହାପରେ ବିମାନ କମ୍ପାନୀର ଷ୍ଟାଫ୍ ମୋବାଇଲରେ ଗରବା ଟ୍ୟୁନ୍ ଲଗାଇଥିଲେ ଆଉ ନାଚିବାକୁ ଆରମ୍ଭ କରିଦେଇଥିଲେ । ତା’ପରେ ଆଉ କ’ଣ ଦେଖୁ ଦେଖୁ ସେମାନଙ୍କ ସହ କିଛି ଯାତ୍ରୀ ଏବଂ ଦୁଇ ଜଣ ସୁରକ୍ଷା କର୍ମୀ ମଧ୍ୟ ନାଚିବାକୁ ଲାଗିଥିଲେ । ଯାହାର ଭିଡିଓ ଏବେ ଖୁବ୍ ଭାଇରାଲ ହେବାରେ ଲାଗିଛି । ସତରେ ଏହାହିଁ ତ’ ହେଉଛି ଆମ ଭାରତୀୟ ପରମ୍ପରା । ଯାହାକି ଆମ ସମସ୍ତଙ୍କୁ ଏକ ନିଆରା ସମ୍ପର୍କରେ ବାନ୍ଧିରଖିଛି । ଦେଖନ୍ତୁ ଭିଡିଓ…

Flight late
So
don't wait
&
Do Garba
On
Exit gate

Due to the delay of Ahmedabad flight at Bhopal airport on the last day of Navratri, for the first time inside the airport, air hostess, airport staff all started enjoing Garba on Main gate of in side Exit area of Bhopal AirPort pic.twitter.com/wFxCPiUm5d

— Govind Gurjar ('भोजपाली') (@Gurjarrrrr) October 3, 2022