IPL ୨୦୨୫: ଦିଲ୍ଲୀ କ୍ୟାପିଟାଲ୍ସର ବୋଲିଂ କୋଚ୍ ମୁନାଫ ପଟେଲଙ୍କୁ ଜରିମାନା, ଜାଣନ୍ତୁ କେଉଁ ଭୁଲ ପାଇଁ ମିଳିଲା ଦଣ୍ଡ
ନୂଆଦିଲ୍ଲୀ: ରାଜସ୍ଥାନ ରୟାଲ୍ସ ବିପକ୍ଷ ମ୍ୟାଚ୍ ସମୟରେ ଆଇପିଏଲ୍ ଆଚରଣ ସଂହିତା ଉଲ୍ଲଂଘନ କରିଥିବାରୁ ଦିଲ୍ଲୀ କ୍ୟାପିଟାଲ୍ସ ବୋଲିଂ କୋଚ୍ ମୁନାଫ ପଟେଲଙ୍କୁ ତାଙ୍କ ମ୍ୟାଚ୍ ଫି’ର ୨୫ ପ୍ରତିଶତ ଜରିମାନା କରାଯାଇଛି ଏବଂ ଗୋଟିଏ ଡିମେରିଟ୍ ପଏଣ୍ଟ ମଧ୍ୟ ଦିଆଯାଇଛି । ବୁଧବାର ଖେଳାଯାଇଥିବା ଏହି ମ୍ୟାଚ୍ ବହୁତ ରୋମାଞ୍ଚକର ଥିଲା, ଯେଉଁଥିରେ ଦିଲ୍ଲୀ ସୁପର ଓଭରରେ ଜିତିଥିଲା ।
ଆଚରଣ ସଂହିତା ଉଲ୍ଲଂଘନର ଏକ ମାମଲା :
ଆଇପିଏଲ ବୟାନ ଅନୁଯାୟୀ, ‘ପୂର୍ବତନ ଭାରତୀୟ ଦ୍ରୁତ ବୋଲର ଆଇପିଏଲ ଆଚରଣ ସଂହିତାର ଖେଳ ଭାବନାର ବିପରୀତ ଆଚରଣ କରିବା ସମ୍ବନ୍ଧୀୟ ର ଧାରା ୨.୨୦ ଅନୁଯାୟୀ ସ୍ତର ୧ ଅପରାଧ ସ୍ୱୀକାର କରିଛନ୍ତି ।’ ରାଜସ୍ଥାନ ରୟାଲ୍ସ ବିପକ୍ଷ ମ୍ୟାଚ୍ ସମୟରେ ଆଇପିଏଲ୍ ଆଚରଣ ସଂହିତା ଉଲ୍ଲଂଘନ କରିଥିବାରୁ ଦିଲ୍ଲୀ କ୍ୟାପିଟାଲ୍ସ ବୋଲିଂ କୋଚ୍ ମୁନାଫ ପଟେଲଙ୍କୁ ତାଙ୍କ ମ୍ୟାଚ୍ ଫିର ୨୫ ପ୍ରତିଶତ ଜରିମାନା କରାଯାଇଛି ଏବଂ ଗୋଟିଏ ଡିମେରିଟ୍ ପଏଣ୍ଟ ଦିଆଯାଇଛି । ମୁନାଫ ମ୍ୟାଚ୍ ରେଫରିଙ୍କ ଏହି ନିଷ୍ପତ୍ତିକୁ ଗ୍ରହଣ କରିଛନ୍ତି ।
ବିବୃତ୍ତିରେ କ’ଣ ଭୁଲ ଥିଲା ତାହା ସ୍ପଷ୍ଟ ନଥିଲା:
ବିବୃତ୍ତିରେ ମୁନାଫ କ’ଣ ଭୁଲ କରିଥିଲେ ତାହା କୁହାଯାଇ ନଥିଲା କିନ୍ତୁ କୁହାଯାଏ ଯେ ତାଙ୍କୁ ଜଣେ ମ୍ୟାଚ୍ ଅଧିକାରୀଙ୍କ ସହ ଯୁକ୍ତିତର୍କ କରିବା ପାଇଁ ଦଣ୍ଡ ଦିଆଯାଇଛି । ମୁନାଫ ତାଙ୍କର ଜଣେ ଖେଳାଳିଙ୍କୁ ବାର୍ତ୍ତା ଦେବା ପାଇଁ ପଡ଼ିଆକୁ ପଠାଇବାକୁ ଚାହୁଁଥିଲେ କିନ୍ତୁ ମ୍ୟାଚ୍ ଅଧିକାରୀମାନେ ତାଙ୍କୁ ଏହା କରିବାକୁ ଅନୁମତି ଦେଇ ନଥିଲେ ।