କେଦାରନାଥଙ୍କୁ ଦର୍ଶନ କରିବା ପାଇଁ ଚାଲିକି ଯିବାକୁ ପଡୁଛି 24 କିଲୋମିଟର, ପାହାଡ ଉପରୁ ପଡୁଛି ପଥର

ଉତ୍ତରାଖଣ୍ଡ: ବାବା କେଦାରନାଥଙ୍କୁ ଦର୍ଶନ କରିବା ପାଇଁ ଚାଲିକି ଯିବାକୁ ପଡୁଛି ୨୪ କିଲୋମିଟର। ପାହାଡ ଉପରୁ ପଥର ପଡୁଥିବାରୁ ଦେଖାଦେଇଛି ସମସ୍ୟା। ଉତ୍ତରାଖଣ୍ଡର ସୋନପ୍ରୟାଗରୁ ଦୁଇ କିଲୋମିଟର ଦୂରରେ ଥିବା ମୁଙ୍କଟିଆ ଅଞ୍ଚଳ କେଦାରନାଥ ଧାମ ଯାତ୍ରା ପାଇଁ ଏକ ସମସ୍ୟା ପାଲଟିଛି।

କେଦାର ଘାଟିରେ ବର୍ଷା ଯୋଗୁଁ, ମୁଙ୍କାଟିଆରେ ପାହାଡ଼ରୁ ପଥର ପଡ଼ି ରାସ୍ତା ଅବରୋଧ ହେଉଛି। ଯାହାଫଳରେ ଭକ୍ତମାନେ ଅସୁବିଧାର ସମ୍ମୁଖୀନ ହେଉଛନ୍ତି।

ପଥର ପଡି ରାସ୍ତା ଅବରୋଧ: ଆଜି ରୁଦ୍ରପ୍ରୟାଗ ଜିଲ୍ଲାର କୋତୱାଲି ସୋନପ୍ରୟାଗ ଅଞ୍ଚଳର ମୁନକାଟିଆ ନିକଟରେ ଥିବା ପାହାଡ଼ରୁ ବହୁ ପରିମାଣର ଭଗ୍ନାବଶେଷ ଏବଂ ପଥର ଖସି ପଡ଼ିଛି। ଏହି କାରଣରୁ ସୋନପ୍ରୟାଗରୁ ଗୌରୀକୁଣ୍ଡ ଯିବା ରାସ୍ତା ଅବରୋଧ ହୋଇଛି।

ଯାତ୍ରା ପରବର୍ତ୍ତୀ ଚାରିରୁ ପାଞ୍ଚ ଘଣ୍ଟା ପାଇଁ ବନ୍ଦ କରାଯାଇଛି। ଯାହା ଯୋଗୁଁ ଯାତ୍ରୀମାନଙ୍କୁ ସମସ୍ୟାର ସମ୍ମୁଖୀନ ହେବାକୁ ପଡିବ। ଯେଉଁ ରାସ୍ତାକୁ ଅବରୋଧ କରାଯାଇଛି ତାହା ସଟଲ୍ ସେବା ପରିଚାଳନା ପାଇଁ ବ୍ୟବହୃତ ରାସ୍ତା। ଏଠାରେ ରାସ୍ତାଟି ଯାନବାହାନ ଚଳାଚଳ ପାଇଁ ସମ୍ପୂର୍ଣ୍ଣ ବନ୍ଦ।

24 କିଲୋମିଟର ପଦଯାତ୍ରା: ପ୍ରଶାସନ ଅସ୍ଥାୟୀ ଭାବରେ ପଥଟିକୁ ଚାଲିବା ପାଇଁ ଉପଯୁକ୍ତ କରିଛି। ଯେଉଁଥିପାଇଁ ଭକ୍ତଙ୍କୁ ଗୌରୀକୁଣ୍ଡରୁ କେଦାରନାଥ ଧାମ ପର୍ଯ୍ୟନ୍ତ 24 କିଲୋମିଟର ଲମ୍ବା ପଦଯାତ୍ରା କରିବାକୁ ପଡୁଛି। ସେଥିପାଇଁ, ଶ୍ରୀ କେଦାରନାଥ ଧାମକୁ ଆସୁଥିବା ଭକ୍ତମାନଙ୍କୁ ପାଣିପାଗ ପୂର୍ବାନୁମାନ ଅନୁସାରେ ସେମାନଙ୍କ ଯାତ୍ରା ଯୋଜନା କରିବାକୁ ନିବେଦନ କରାଯାଇଛି।