(Video) ୮୮ ବର୍ଷ ବୟସରେ ଏକା ଭୋଟ ଦେବାକୁ ଗଲେ ଧର୍ମେନ୍ଦ୍ର, ହେମା ମାଳିନୀ ଏବଂ ଇଶା ଦେଓଲ ବି କଲେ ମତଦାନ
ମୁମ୍ବାଇ: ଦେଶରେ ଲୋକସଭା ନିର୍ବାଚନ ୨୦୨୪ ର ଆଜି ପଞ୍ଚମ ପର୍ଯ୍ୟାୟରେ ଭୋଟିଂ ଚାଲିଛି । ଯେଉଁଥିପାଇଁ ଆଜି ମୁମ୍ବାଇରେ ସକଳୁ ସକାଳୁ ମତଦାନ କେନ୍ଦ୍ର ବାହାରେ ଲମ୍ବା ଲାଇନ ଲାଗିଛି । ସାଧାରଣ ଜନତାଙ୍କ ଠାରୁ ନେଇ ଫିଲ୍ମ ଷ୍ଟାରମାନଙ୍କୁ ମତଦାନ କରୁଥିବାର ଦେଖିବାକୁ ମିଳିଛି । ଏହି ତାଲିକାରେ ଅକ୍ଷୟ କୁମାର, ଫରହାନ ଅଖତର, ଜାନଭୀ କପୁର ଏବଂ ରାଜକୁମାର ରାଓ ସାମିଲ ଅଛନ୍ତି ।
ତେବେ ବର୍ତ୍ତମାନ ଦେଓଲ ପରିବାର ମଧ୍ୟ ଭୋଟ ଦେବା ଲାଗି ମତଦାନ କେନ୍ଦ୍ରରେ ପହଞ୍ଚିଛନ୍ତି । ବଲିଉଡ ଅଭିନେତା ଧର୍ମେନ୍ଦ୍ର ୮୮ ବର୍ଷ ବୟସରେ ମଧ୍ୟ ଭୋଟ ଦେବାକୁ ମତଦାନ କେନ୍ଦ୍ରରେ ପହଞ୍ଚିଛନ୍ତି । ତାଙ୍କ ଶରୀର ବର୍ତ୍ତମାନ ଅସୁସ୍ଥ ରହିଛି ବୋଲି କୁହାଯାଉଛି । ଏଥିସହ ଏହି ବୟସରେ ସେ ଭୋଟ ଦେବା ଯୁବ ପିଢିଙ୍କ ପାଇଁ ଏକ ପ୍ରେରଣା । ଏହି ସମୟରେ ଧର୍ମେନ୍ଦ୍ର ମତଦାନ କେନ୍ଦ୍ରରେ ଏକା ନଜର ଆସିଛନ୍ତି ।
ଭୋଟ ଦେବାପରେ ଧର୍ମେନ୍ଦ୍ର ମିଡିଆ ସହ କଥା ହୋଇଛନ୍ତି । ତାଙ୍କୁ ଭୋଟ ଅପିଲ କରିବା ନେଇ ପ୍ରଶ୍ନ ପଚରାଯାଇଥିଲା । ସେ ଉତ୍ତର ଦେଇ କହିଥିଲେ ଯେ, ଜନତା ଜାଣିଛନ୍ତି ଯେ, କିପରି ଏକ ଭଲ ଭାରତୀୟ ହେବା ଏବଂ ଭାରତର କିପରି ଅଗ୍ରଗତି ହେବ । ମୋର ବିଶ୍ୱାସ ରହିଛି ସେ ଜଣେ ଭାରତୀୟ ଅଟେ ।
#WATCH | Veteran actor Dharmendra casts his vote at a polling booth in Mumbai.#LokSabhaElections2024 pic.twitter.com/FqXmZ5jFPG
— ANI (@ANI) May 20, 2024
ଧର୍ମେନ୍ଦ୍ରଙ୍କ ବ୍ୟତୀତ ତାଙ୍କ ସ୍ତ୍ରୀ ଅଭିନେତ୍ରୀ ହେମା ମାଳିନୀ ମଧ୍ୟ ଭୋଟ ଦେବାକୁ ପହଁଚିଛନ୍ତି । ଏହି ସମୟରେ ଇଶା ଦେଓଲ ମଧ୍ୟ ନଜର ଆସିଛନ୍ତି । ଦୁଇ କଳାକାର ଭୋଟିଙ୍ଗର ସ୍ୟାହି ଦେଖାଉଥିବାର ନଜର ଆସୁଛନ୍ତି । ତେବେ ଦେଓଲ ପରିବାରର ଏହି ଭିଡିଓ ଭାଇରାଲ ହେବାରେ ଲାଗିଛି ।
#WATCH | Mumbai, Maharashtra: Actress and BJP MP Hema Malini, her daughter and actress Esha Deol show indelible ink marks on their fingers after casting their votes at a polling booth in Mumbai #LokSabhaElections2024 pic.twitter.com/T3I2wmA0H0
— ANI (@ANI) May 20, 2024
