କେବଳ ଭାରତ ନୁହେଁ, ପୃଥିବୀର ଏହି ୧୦ଟି ଦେଶରେ ମଧ୍ୟ ପାଳନ ହୁଏ ଦୀପାବଳି: ଦେଖନ୍ତୁ ଲିଷ୍ଟ

ଓଡ଼ିଶା ଭାସ୍କର: ଦୀପାବଳି ହେଉଛି ଆଲୋକ ଉଦ୍ଧୀପନାର ପର୍ବ  । ହିନ୍ଦୁ ଧର୍ମର ପୌରାଣିକ ମାନ୍ୟତା ଅନୁଯାୟୀ, ଏହି ଦିନ ଭଗବାନ ରାମ ୧୪ ବର୍ଷ ବନବାସ ଜୀବନ ବିତାଇବା ପରେ ଅଯୋଧ୍ୟାକୁ ଫେରିଥିଲେ ଏବଂ ଏହି ଖୁସିରେ ଭଗବାନଙ୍କ ରାମଙ୍କ ସ୍ୱାଗତରେ ଅଯୋଧ୍ୟାବାସୀ ସମଗ୍ର ଅଯୋଧ୍ୟାକୁ ଦୀପ ଦ୍ୱାରା ସଜାଇଥିଲେ । କିନ୍ତୁ କ’ଣ ଆପଣ ଜାଣନ୍ତି କି ଦୀପାବଳିର ମହାନ ପର୍ବ କେବଳ ଭାରତରେ ସୀମିତ ନୁହେଁ  । ଭାରତ ବ୍ୟତୀତ ଅନେକ ଦେଶରେ ପାଳନ କରାଯାଇଥାଏ ଦୀପାବଳି ।

ଫିଜି: ଫିଜିରେ ବହୁ ସଂଖ୍ୟାରେ ଭାରତୀୟ ରହିଛନ୍ତି । ଏଠାରେ ବଡ଼ ଉତ୍ସବ ଭାବରେ ଦୀପାବଳି ପାଳନ କରାଯାଏ ।  ଦୀପାବଳି ଦିନ ଏଠାରେ ସାର୍ବଜିନକ ଛୁଟି ଘୋଷଣା କରାଯାଇଥାଏ । ଲୋକମାନେ ପରସ୍ପରକୁ ବଡ଼ ଆକାରରେ ଉପହାର ଦିଅନ୍ତି ଏବଂ ଖୁସି ମନାଇଥାନ୍ତି ।

ଇଣ୍ଡୋନେସିଆ: ଯଦିଓ ଇଣ୍ଡୋନେସିଆରେ ଏତେ ବଡ଼ମାତ୍ରାରେ ଭାରତୀୟ ଜନସଂଖ୍ୟା ନାହିଁ, ତଥାପି ଦୀପାବଳି ଏଠାରେ ଏକ ବଡ଼ ପର୍ବ ଭାବେ ପାଳନ କରାଯାଏ । ଭାରତର ଦୀପାବଳିରେ କରାଯାଉଥିବା ପ୍ରାୟ ସମସ୍ତ ରୀତିନୀତି ମଧ୍ୟ ଇଣ୍ଡୋନେସିଆରେ ପାଳନ କରାଯାଏ  ।

ମାଲେସିଆ: ଭାରତଠାରୁ ଭିନ୍ନ, ମାଲେସିଆର ଦୀପାବଳିକୁ ସବୁଜ ଦୀପାବଳୀ କୁହାଯାଏ । ଏଠାରେ ସମସ୍ତ ରୀତିନୀତି ଭାରତ ଠାରୁ ମଧ୍ୟ ଭିନ୍ନ । ଦିନର ଆରମ୍ଭରେ ଲୋକମାନେ ତେଲରେ ସ୍ନାନ କରନ୍ତି ଏବଂ ପରେ ବିଭିନ୍ନ ମନ୍ଦିରରେ ପୂଜା କରନ୍ତି । ଯେହେତୁ ମାଲେସିଆରେ ବାଣ ବିକ୍ରୟ ନିଷେଧ ରହିଛି, ଲୋକମାନେ ଉପହାର, ମିଠା ବାଣ୍ଟି ଉତ୍ସବ ପାଳନ କରନ୍ତି  ।

ମରିସସ୍: ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ମରିସସ୍ ଜନସଂଖ୍ୟାର ୫୦ ପ୍ରତିଶତ ହିନ୍ଦୁ ଅଟନ୍ତି । ଏଠାରେ ମଧ୍ୟ ଦୀପାବଳି ଖୁବ୍ ଉତ୍ସାହର ସହ ପାଳନ କରାଯାଏ ।

ନେପାଳ: ଦୀପାବଳି ନେପାଳରେ ତିହାର ନାମରେ ଜଣାଶୁଣା ଏବଂ ଭାରତ ପରି ଉତ୍ସାହର ସହିତ ଏଠାରେ ପାଳନ କରାଯାଏ  । ଯେହେତୁ ନେପାଳ ଭାରତ ସୀମା ସହ ରହିଛି, ଏହା ସାଧାରଣ ଯେ ଭାରତରେ ଦୀପାବଳି ପରି ମାହୋଲ ନେପାଳରେ ମଧ୍ୟ ଦେଖାଯାଏ । ଘର ସଜାଇବା, ପରସ୍ପରକୁ ଉପହାର ଦେବା ଏବଂ ଦେବୀ ଲକ୍ଷ୍ମୀଙ୍କୁ ପୂଜା କରିଥାନ୍ତି ଲୋକମାନେ । ଦୀପାବଳି ନେପାଳର ଦ୍ୱିତୀୟ ବୃହତ୍ତମ ପର୍ବ  ।

ଶ୍ରୀଲଙ୍କା: ଶ୍ରୀଲଙ୍କା ରେ ମଧ୍ୟ ଏକ ବୃହତ ହିନ୍ଦୁ ଜନସଂଖ୍ୟା ରହିଛି ଏବଂ ଏହି କାରଣରୁ ଦୀପାବଳି ମଧ୍ୟ ଏଠାରେ ବହୁତ ବଡ଼ ଉତ୍ସବ ଭାବରେ ପାଳନ କରାଯାଏ  । ଦୀପାବଳି ପଛରେ ଥିବା କାହାଣୀ ମଧ୍ୟ ଶ୍ରୀଲଙ୍କା ସହିତ ଜଡିତ, ଯେଉଁଥିପାଇଁ ଏହା ଶ୍ରୀଲଙ୍କାରେ ଏକ ପର୍ବ ପରି ପାଳନ କରାଯାଏ  ।

କାନାଡା: ବହୁ ସଂଖ୍ୟକ ପଞ୍ଜାବୀ ବସବାସ କରୁଥିବାରୁ କାନାଡାକୁ ଅନଔପଚାରିକ ଭାବରେ ‘ମିନି ପଞ୍ଜାବ’ କୁହାଯାଏ । କେବଳ ସେତିକି ନୁହେଁ, କାନାଡା ସଂସଦରେ ପଞ୍ଜାବୀ ହେଉଛି ତୃତୀୟ ସରକାରୀ ଭାଷା । ତେଣୁ ଏହା କହିବା ଦରକାର ନାହିଁ ସେଠାରେ କାହିଁକି ଦୀପାବଳି ପାଳନ କରାଯିବନାହିଁ ।

ସିଙ୍ଗାପୁର: ଭାରତ ପରେ ଯଦି ଦୀପାବଳି ଅନ୍ୟ କୌଣସି ସ୍ଥାନରେ ସବୁଠାରୁ ଭବ୍ୟ ଭାବରେ ପାଳନ କରାଯାଏ ତାହା ହେଉଛି ସିଙ୍ଗାପୁର ।

ବ୍ରିଟେନ: ବ୍ରିଟେନର ଅନେକ ସହର, ବିଶେଷକରି ବର୍ମିଂହାମ ଏବଂ ଲିସେଷ୍ଟରରେ ବଡ଼ ଧରଣର ଦୀପାବଳି ପାଳନ କରାଯାଏ । ସେଠାରେ ଭାରତୀୟମାନଙ୍କର ଏକ ବୃହତ ସମ୍ପ୍ରଦାୟ ବାସ କରନ୍ତି  ।

କାରିବିଆନ୍ ଦ୍ୱୀପ: ଆପଣ ଜାଣି ଆଶ୍ଚର୍ଯ୍ୟ ହେବେ ଯେ କାରିବିଆନ୍ ଦ୍ୱୀପର ତ୍ରିନିଦାଦ ଏବଂ ଟୋବାଗୋର କେବଳ ଦୀପାବଳି ପାଳନ କରାଯାଏ ନାହିଁ, ବରଂ ରାମଲୀଳା ମଧ୍ୟ ମଞ୍ଚସ୍ଥ ହୋଇଥାଏ ।