ସାବଧାନ୍! ଆଧାର ଅପଡେଟ କରୁଥିବା ବେଳେ କରନ୍ତୁ ନାହିଁ ଏହି ଭୁଲ୍, ନଚେତ୍ ବାତିଲ୍ ହେବ ନାଁ ଓ ଜନ୍ମତିଥି ପରିବର୍ତ୍ତନ

ନୂଆଦିଲ୍ଲୀ: ଆଧାର କାର୍ଡ ବର୍ତ୍ତମାନର ସମୟର ଏକ ଗୁରୁତ୍ୱପୂର୍ଣ୍ଣ ପ୍ରମାଣପତ୍ରରେ ପରିଣତ ହୋଇଛି । ଆଜିର ସମୟରେ ସରକାରୀ ଓ ବେସରକାରୀ କାର୍ଯ୍ୟ ଆଧାର କାର୍ଡ ବିନା ହୋଇପାରିବ ନାହିଁ । ପିଲାମାନଙ୍କର ସ୍କୁଲ ଆଡମିଶନ ଠାରୁ ଆରମ୍ଭ କରି ବ୍ୟାଙ୍କରେ ଆକାଉଣ୍ଟ ଖୋଲିବା, ବ୍ୟାଙ୍କରେ କାରବାର, ଗାଡ଼ି ବା ସମ୍ପତ୍ତି କିଣିବା ପର୍ଯ୍ୟନ୍ତ ଅନେକ କାର୍ଯ୍ୟରେ ଆଧାର କାର୍ଡ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଏହା ବ୍ୟତୀତ ସରକାରୀ ସୁବିଧାର ସୁଯୋଗ ନେବାକୁ ଆଧାର ମଧ୍ୟ ବାଧ୍ୟତାମୂଳକ କରାଯାଇଛି । ଯଦି ଆଧାର କାର୍ଡରେ କିଛି ଭୁଲ୍ ଅଛି, ତେବେ ଏହାକୁ ତୁରନ୍ତ ସଂଶୋଧନ କରାଯିବା ଉଚିତ୍ । ନଚେତ୍ ଅନେକ କାର୍ଯ୍ୟ ଅଟକି ଯାଇପାରେ । ୟୁଆଇଡିଏଆଇର ପୋର୍ଟାଲ ଯାଇ ଆପଣ ସାବଧାନର ସହିତ ଜନ୍ମ ତାରିଖ, ନାମ ଏବଂ ଠିକଣାର ପରିବର୍ତ୍ତନ କରିପାରିବେ । ଆପଣଙ୍କର ଆଧାର କାର୍ଡରେ ପରିବର୍ତ୍ତନ କରିବା ପରେ ଭିଜିଟ ପରି ଅପଡେଟ ସ୍ଥିତି ବିଷୟରେ ଯାଞ୍ଚ କରିପାରିବେ ।

ଆଧାର କାର୍ଡ ତିଆରି କରୁଥିବା ୟୁଆଇଡିଏଆଇ ଆଧାରରେ ପରିବର୍ତ୍ତନ କରିବାକୁ ଅତି ସହଜ ଓ ସରଳ ନିୟମ କରିଛି । ଯେକୌଣସି ବ୍ୟକ୍ତି ସେମାନଙ୍କର ଆଧାର କାର୍ଡରେ ନାମ, ଜନ୍ମ ତାରିଖ, ଫଟୋ ଓ ଠିକଣା ବଦଳାଇ ପାରିବେ । କିନ୍ତୁ ଆଧାରରେ ଏହି ଜିନିଷଗୁଡିକ ପରିବର୍ତ୍ତନ କରିବା ସମୟରେ ଭୁଲ୍ କରନ୍ତୁ ନାହିଁ, ନଚେତ୍ ଆପଣ ଆଧାରରେ କରିଥିବା ପରିବର୍ତ୍ତନଗୁଡିକ ବାତିଲ ହୋଇଯିବ ।

ଆଧାର କାର୍ଡ ଅପଡେଟ୍ କରିବାବେଳେ ଏହି ଭୁଲ୍ କରନ୍ତୁ ନାହିଁ…
– ମୋବାଇଲ୍ ଏବଂ ଆଧାର କାର୍ଡରେ ଅନ୍ୟ ମୋବାଇଲ୍ ନମ୍ବର ଦେବା ଭୁଲ୍ ।
– ସଂଶୋଧନ କରିବା ସମୟରେ Transliteration error ହେବା ।
– ସହାୟକ ପ୍ରମାଣପତ୍ର ବାସିନ୍ଦାଙ୍କର ନହୋଇଥିଲେ ।
– ଆଧାରରେ ଭୁଲ୍ Proof of Address/Proof of identity ପ୍ରମାଣପତ୍ର ଅପଲୋଡ କରିବା ।
– ଯଦି PoA/PoI ଡକ୍ୟୁମେଣ୍ଟ୍ ଆତ୍ମ-ପ୍ରମାଣିତ ନହୁଏ ।
– ଅନଲାଇନ୍ ଏସଏସୟୁପି ପୋର୍ଟାଲରେ ଅପଲୋଡ୍ ହୋଇଥିବା ଡକ୍ୟୁମେଣ୍ଟଗୁଡିକ ମୂଳ ଡକ୍ୟୁମେଣ୍ଟଗୁଡିକରର ସ୍କାନରେ ମେଳ ଖାଉନଥିଲେ ଆଧାର ପରିବର୍ତ୍ତନ ବାତିଲ ହୋଇଯିବ ।