ବିଶ୍ୱର ସବୁଠାରୁ ଦାମୀ ପରିବା: ଯାହାର ଏକ କିଲୋଗ୍ରାମ ମୂଲ୍ୟ ଜାଣିଲେ ହେବେ ଆଶ୍ଚର୍ଯ୍ୟ

ଯେତେବେଳେ ଆମେ ପନିପରିବା କିଣିବାକୁ ବଜାରକୁ ଯାଇଥାଉ ଆମେ ପ୍ରାୟତଃ ୧୦୦-୨୦୦ ଟଙ୍କା ମୂଲ୍ୟର ପରିବା ମହଙ୍ଗା ବୋଲି ଭାବିଥାଉ । ତେବେ କିଛି ପରିବାର ମୂଲ୍ୟ କିଲୋଗ୍ରାମ ପ୍ରତି ୨୦୦ ରୁ ୪୦୦ ଟଙ୍କା ମଧ୍ୟ ହୋଇଥାଏ । ତେବେ ଆପଣ କେବେ ଭାବିଛନ୍ତି କି ଏମିତି ଏକ ପରିବା ଅଛି ଯାହା କିଲୋଗ୍ରାମ ପ୍ରତି ହଜାରେ ଟଙ୍କା ମୂଲ୍ୟରେ ବିକ୍ରି ହେଉଛି । ଆଜି ଆମେ ଆପଣଙ୍କୁ ଏପରି ଏକ ପରିବା ବିଷୟରେ ଜଣାଇବୁ ଯାହାର ମୂଲ୍ୟ ଆପଣଙ୍କୁ ଆଶ୍ଚର୍ଯ୍ୟ କରିବ ।

ଏହି ପରିବାର ମୂଲ୍ୟ ଏତେ ଅଧିକ ଯେ ସମାନ ମୂଲ୍ୟରେ ସୁନା କାନଫୁଲ କିଣାଯାଇପାରିବ, ଏହି ମୂଲ୍ୟରେ କେବଳ ଏକ କିଲୋଗ୍ରାମ ପରିବା କିଣାଯାଇପାରିବ । ଆପଣ ଭାବୁଥିବେ ଯେ ଏହି ପରିବାରେ ଏତେ ବିଶେଷ କ’ଣ ରହିଛି? ତେବେ ଆସନ୍ତୁ ଜାଣିବେ ଦୁନିଆର ସବୁଠୁ ଦାମୀ ପରିବା ବିଷୟରେ, ଯାହା ୮୦ ହଜାରରୁ ୮୫ ହଜାର ଟଙ୍କା ପ୍ରତି କିଲୋଗ୍ରାମରେ ବିକ୍ରି ହୁଏ ।

ଦୁନିଆର ସବୁଠୁ ଦାମୀ ପନିପରିବା ନାମ- ହପ୍ ଶୁଟ୍ । ଆପଣ ଏହାକୁ କୌଣସି ବଜାର କିମ୍ବା ଷ୍ଟୋର୍ରେ ସହଜରେ ପାଇପାରିବେ ନାହିଁ କାରଣ ଏହା ବିୟର ତିଆରିରେ ବ୍ୟବହୃତ ହୁଏ । ଏହାର ଫୁଲକୁ ହପ୍ କୋନ୍ସ କୁହାଯାଏ, ଯାହା ବିୟର ତିଆରିରେ ବ୍ୟବହୃତ ହୁଏ । ଏହାର ଡାଳଗୁଡିକ ପିଆଜ ପରି ସାଲାଡରେ ବ୍ୟବହାର କରାଯାଏ କାରଣ ଏହାକୁ କଞ୍ଚା ମଧ୍ୟ ଖାଇ ହୁଏ । ଏହାର ଆଚାର ମଧ୍ୟ କରାଯାଇଥାଏ ଯାହା ଅତ୍ୟନ୍ତ ସ୍ୱାଦିଷ୍ଟ ଏବଂ ଲାଭଦାୟକ ହୋଇଥାଏ । ଏହା ସୂର୍ଯ୍ୟ କିରଣ ଦ୍ୱାରା ଦିନକୁ ୬ ଇଞ୍ଚ ପର୍ଯ୍ୟନ୍ତ ବୃଦ୍ଧି ପାଇଥାଏ । ବିଦେଶୀ ଦେଶରେ ଏହି ପରିବାର ମୂଲ୍ୟ କିଲୋଗ୍ରାମ ପ୍ରତି ୧୦୦୦ ୟୁରୋ ରଖାଯାଇଛି, ଏହାର ମୂଲ୍ୟ ବିଭିନ୍ନ ଦେଶରେ ଭିନ୍ନ ହୋଇଥାଏ । ଭାରତରେ ଏହାର ମୂଲ୍ୟ ପ୍ରାୟ ୮୦ ହଜାର ଟଙ୍କା । ଏହା ଭାରତରେ ଚାଷ କରାଯାଏ ନାହିଁ।