ସକାଳୁ ଥରିଲା ହିମାଚଳ, ଧର୍ମଶାଳାରେ ଭୂକମ୍ପ ଅନୁଭୂତ
Advertisement
ଧର୍ମଶାଳା:ହିମାଚଳ ପ୍ରଦେଶର ଧର୍ମଶାଳା ଠାରୁ ୨୨ କିଲୋମିଟର ପୂର୍ବରେ, ଆଜି ସକାଳ ୫:୧୭ ରେ ଏକ ଭୂକମ୍ପ ଅନୁଭୂତ ହେଇଛି । ରିଚ୍ଟର ସ୍କେଲରେ ଏହାର ତୀବ୍ରତା ୩.୨ ମ୍ୟାଗ୍ନିଚ୍ୟୁଡର ଥିଲା। ଜାତୀୟ ଭୂକମ୍ପ ବିଜ୍ଞାନ କେନ୍ଦ୍ର ଏହି ସୂଚନା ଦେଇଛି । ହିମାଚଳ ପ୍ରଦେଶ ଏକ ପାହାଡ଼ିଆ ରାଜ୍ୟ, ଯାହା ଭୂମିକମ୍ପ ବିପଦ ପାଇଁ ଅତ୍ୟନ୍ତ ସମ୍ବେଦନଶୀଳ ଅଞ୍ଚଳ ଭାବେ ବିବେଚନା କରାଯାଏ। ଏହା ସର୍ବାଧିକ ଭୂକମ୍ପ ବିପଦ ଜୋନ୍ ୪ ଏବଂ ୫ ରେ ଅନ୍ତର୍ଭୂକ୍ତ କରାଯାଇଛି। ଏଠାରେ ପ୍ରାୟତଃ ଭୂକମ୍ପର ସାମାନ୍ୟ କମ୍ପନ ଅନୁଭୂତ ହୁଏ ।
୧୬ ଡିସେମ୍ବର ରାତିରେ ହିମାଚଳ ପ୍ରଦେଶରେ ମଧ୍ୟ ଭୂକମ୍ପ ଅନୁଭୂତ ହୋଇଥିଲା। ରାତି ପ୍ରାୟ ୧୦ ଟାରେ ଘଟିଥିବା ଏହି ଭୂକମ୍ପର ତୀବ୍ରତା ରିଚ୍ଟର ସ୍କେଲରେ ୩.୪ ନୋଟ କରାଯାଇଥିଲା | ଏହି ଭୂକମ୍ପର କେନ୍ଦ୍ରସ୍ଥଳ ରାଜ୍ୟର କିନ୍ନର ଆଦିବାସୀ ଜିଲ୍ଲାର ଚାଙ୍ଗୋରେ ହୋଇଥିଲା। ନ୍ୟାସନାଲ ସେଣ୍ଟର ଫର ସେସମୋଲୋଜି ଅନୁଯାୟୀ ଏହି ଭୂକମ୍ପର କେନ୍ଦ୍ରସ୍ଥଳ ଭୂମି ଭିତରେ ୫ କିମି ଥିଲା। ଏକ ଗଭୀରତାରେ ଥିଲା। ଏହାର ଏକ ମାସ ପୂର୍ବରୁ, ନଭେମ୍ବର୧୬ ରେ, ହିମାଚଳ ପ୍ରଦେଶରେ ଭୂକମ୍ପ ଅନୁଭୂତ ହୋଇଥିଲା।
ସୂଚନାମୁତାବକ ହିମାଚଳ ପ୍ରଦେଶର ଇତିହାସରେ ସବୁଠାରୁ ବିପଜ୍ଜନକ ଭୂକମ୍ପ ୪ ଏପ୍ରିଲ ୧୯୦୫ ରେ କଙ୍ଗରା ଜିଲ୍ଲାରେ ଘଟିଥିଲା। ରିଚ୍ଟର ସ୍କେଲରେ ୭.୮ ମ୍ୟାଗ୍ନିଚ୍ୟୁଡର ଏହି ଭୂକମ୍ପ ୨୦ ହଜାରରୁ ଅଧିକ ଲୋକଙ୍କ ଜୀବନ ଯାଇଥିଲା । ଏହି ଭୟଙ୍କର ଭୂକମ୍ପ ଏହି ଅଞ୍ଚଳର ସବୁକିଛି ନଷ୍ଟ ହେଇଯାଇଥିଲା । ଏହି ଭୂକମ୍ପ ଯୋଗୁଁ ୫୦ ହଜାରରୁ ଅଧିକ ଗୋରୁ ମଧ୍ୟ ମୃତ୍ୟୁ ବରଣ କରିଛନ୍ତି।