ମାତ୍ର ୫୦୦ ଟଙ୍କା ପାଇଁ ବଡ଼ ଭାଇ ସାଜିଲା ହତ୍ୟାକାରୀ, ସାନ ଭାଇ ଉପରେ ସୁଝିଲା ରାଗ
ମାତ୍ର ୫୦୦ ଟଙ୍କା ପାଇଁ ଭାଇ-ଭାଇ ଭିତରେ ଘନେଇଲା ବିବାଦ । ମଦ ନିଶାରେ ସାନ ଭାଇକୁ ଭୁଷିଲେ ଛୁରୀ ।
ଥାନେ: ମଦ ନିଶାରେ ଭୁଲିଗଲେ ରକ୍ତ ସମ୍ପର୍କ । ସାମାନ୍ୟ କେଇଟା ଟଙ୍କା ପାଇଁ ଭାଇ ସାଜିଲା ହତ୍ୟାକରୀ ।
ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ମହାରାଷ୍ଟ୍ର ଥାନେ ଜିଲ୍ଲାରେ ।
ମାମଲା କ’ଣ: ମଙ୍ଗଳବାର ଥାନେ ସ୍ଥିତ କଲ୍ୟାଣ ଅଞ୍ଚଳରେ ଏହି ହତ୍ୟାକାଣ୍ଡ ଘଟିଥିଲା । ପୋଲିସ ସୂଚନା ଅନୁଯାୟୀ ମଦ ନିଶାରେ ବଡ଼ ଭାଇ(୩୨) ନିଜ ସାନ ଭାଇ(୨୭)କୁ ଛୁରୀ ଭୁଷି ନିର୍ମମ ଭାବେ ହତ୍ୟା କରିଥିଲା ।
ଅଭିଯୁକ୍ତ ସଲିମ୍ ଶମୀମଙ୍କ ପକେଟରୁ ସାନ ଭାଇ ନସୀମ୍ ଖାନ୍ କିଛି ନଜଣାଇ ୫୦୦ ଟଙ୍କା ନେଇଥିଲା । ପରେ ଏହାକୁ ନେଇ ଦୁଇ ଭାଇଙ୍କ ମଧ୍ୟରେ ବିବାଦ ବଢ଼ିଥିଲା । ଶେଷରେ ସାନ ଭାଇକୁ ଛୁରୀ ଭୁଷିଥିଲା ବଡ଼ ଭାଇ ।
ଅଭିଯୁକ୍ତ ଗିରଫ: ଏହି ଘଟଣା ପରେ ଦୁହିଁଙ୍କ ମାଆ ପୋଲିସକୁ ଖବର ଦେଇଥିଲେ । ତାଙ୍କ ବୟାନ ଆଧାରରେ ପୋଲିସ ଘଟଣାସ୍ଥଳରୁ ଅଭିଯୁକ୍ତକୁ ଗିରଫ କରିଥିଲା ।
ଭାରତୀୟ ପିଙ୍ଗଳ କୋଡର ଧାରା 103(1) ହତ୍ୟା ଅନ୍ତର୍ଗତ ପୋଲିସ ଅଭିଯୁକ୍ତ ବିରୋଧରେ ମାମଲା ରୁଜୁ କରିଥିବା ଜଣାପଡ଼ିଛି ।
ସରକାରୀ ହସ୍ପିଟାଲରେ ଶବ ବ୍ୟବଚ୍ଛେଦ ପାଇଁ ପଠାଯାଇଥିବା ବେଳେ ଏହି ମାମଲାରେ ପୋଲିସର ଅଧିକ ତଦନ୍ତ ଜାରି ରହିଛି ।