ପୁଣି ଦୁନିଆର ସବୁଠାରୁ ଧନୀ ବ୍ୟକ୍ତି ହେଲେ ଏଲନ୍ ମସ୍କ, ଟେସଲା ସେୟାର ବୃଦ୍ଧି ପରେ ବଢ଼ିଲା ସମ୍ପତି
ନୂଆଦିଲ୍ଲୀ: ଟେସଲା ସିଇଓ ଏଲନ ମସ୍କ ପୁଣିଥରେ ବିଶ୍ୱର ସବୁଠୁ ଧନୀ ବ୍ୟକ୍ତି ହୋଇଛନ୍ତି । ସେ ଫ୍ରାନ୍ସର ବର୍ନାର୍ଡ ଆରନୋଲ୍ଟଙ୍କୁ ପଛରେ ପକାଇ ଏହି ସ୍ଥାନ ହାସଲ କରିଛନ୍ତି । ଟ୍ୱିଟର ଡିଲ୍ ପରେ ଲଗାତାର ତାଙ୍କର ସମ୍ପତ୍ତି ଖସିବାରେ ଲାଗିଥିଲା । ଯେଉଁ କାରଣରୁ ସେ ବିଶ୍ୱର ଧନୀ ତାଲିକାରେ କସି ଦ୍ୱିତୀୟ ନମ୍ବରକୁ ଖସି ଯାଇଥିଲେ । କିନ୍ତୁ ଏବେ ସେ ଏହି ତାଲିକାରେ ପୁଣିଥରେ ପ୍ରଥମ ସ୍ଥାନକୁ ଫେରିଛନ୍ତି ।
ଚଳିତ ବର୍ଷ, ଏଲନ ମସ୍କଙ୍କର ଟେସଲା ଇଙ୍କର ସେୟାର ପ୍ରାୟ ୭୦% ବୃଦ୍ଧି ପାଇଛି। ଜାନୁୟାରୀ ୬ ରେ ଟେସଲା ଷ୍ଟକ୍ ପ୍ରାୟ ୧୦୦% ବୃଦ୍ଧି ପାଇଛି କାରଣ ନିବେଶକମାନେ ଆର୍ଥିକ ଶକ୍ତି ଏବଂ ଫେଡେରାଲ୍ ରିଜର୍ଭ ସୁଧ ହାରର ମନ୍ଥର ଗତି ମଧ୍ୟରେ ଷ୍ଟକ୍ ଉପରେ ବାଜି ଲଗାଉଛନ୍ତି। ଏହା ସହିତ ଟେସଲାର ଅନେକ ମଡେଲର କାର ମୂଲ୍ୟ ହ୍ରାସ କରିବା ପରେ କମ୍ପାନୀ ଏହାର ବୈଦ୍ୟୁତିକ ଯାନ ପାଇଁ ଅଧିକ ଚାହିଦା ଲାଭ କରିଛି।
ସୂଚକାଙ୍କ ଅନୁଯାୟୀ ଟେସଲାର ମୁଖ୍ୟ କାର୍ଯ୍ୟନିର୍ବାହୀ ଏଲୋନ୍ ମସ୍କଙ୍କ ସମ୍ପତ୍ତି ମୂଲ୍ୟ ୨୮ ଫେବୃଆରୀ ୨୦୨୩ ସୁଦ୍ଧା ୧୮୭ ବିଲିୟନ ଡ଼ଲାରରେ ପହଞ୍ଚିଛି, ଯାହା ୨୦୨୩ ମସିହାରେ ପ୍ରାୟ ୫୦ ବିଲିୟନ ଡ଼ଲାର୍ କିମ୍ବା ୩୬% ବୃଦ୍ଧି ପାଇଛି। ତେଣୁକରି ମସ୍କ ବର୍ନାର୍ଡ ଆର୍ନାଲ୍ଟଙ୍କ ୧୮୫ ବିଲିୟନ ଡଲାରର ବ୍ୟକ୍ତିଗତ ସମ୍ପତି ଅତିକ୍ରମ କରି ଏକ ନମ୍ବର ହୋଇଛନ୍ତି। ବ୍ଲୁମବର୍ଗ ତଥ୍ୟ ଅନୁଯାୟୀ ୨୦୨୩ ମସିହାରେ ଟେସଲା ସମ୍ପତ୍ତିର ପ୍ରାୟ ୧୦% ବୃଦ୍ଧି ପାଇଛି।
ବ୍ଲୁମବର୍ଗ ବିଲିୟନେୟାର ଇଣ୍ଡେକ୍ସ ହେଉଛି ବିଶ୍ୱର ସବୁଠାରୁ ଧନୀ ବ୍ୟକ୍ତିଙ୍କ ଦୈନିକ ସମ୍ପତି ତାଲିକା କରୁଥିବା ସଂସ୍ଥା। ନ୍ୟୁୟର୍କର ପ୍ରତ୍ୟେକ ବାଣିଜ୍ୟ ଦିବସ ଶେଷରେ ଧନ ସଂଖ୍ୟାଗୁଡିକ ପରିବର୍ତନ କରାଯାଇଥାଏ।
