ପ୍ରଜନନ କ୍ଷମତା ବଢ଼ାଏ ସଜନା ଶାଗ, ରକ୍ତଚାପ ନିୟନ୍ତ୍ରଣ ସହ କରେ…
ସଜନା ଶାଗ ଶରୀର ପାଇଁ ବହୁତ ଲାଭଦାୟକ। ଏହାକୁ ଡ୍ରମ୍ଷ୍ଟିକ ମଧ୍ୟ କୁହାଯାଏ। ଏହା ଏକ ପ୍ରକାରର ସବୁଜ ପନିପରିବା। ଏହାକୁ ଆୟୁର୍ବେଦରେ ଔଷଧ ଭାବରେ ବ୍ୟବହାର କରାଯାଏ। ଏହାର ପତ୍ରରେ ପ୍ରଚୁର ଔଷଧୀୟ ଗୁଣ ରହିଛି। ଯାହା ଅନେକ ରୋଗକୁ ଭଲ କରିବାରେ ସାହାଯ୍ୟ କରେ। ଏଥିରେ ଭିଟାମିନ, ପ୍ରୋଟିନ, ଆଇରନ, ପୋଟାସିୟମ, କ୍ୟାଲସିୟମ, ଫୋଲେଟ ଏବଂ ଆଣ୍ଟିଅକ୍ସିଡାଣ୍ଟ ଭଳି ଅନେକ ପୋଷକ ତତ୍ତ୍ୱ ରହିଛି। ଯାହା ସ୍ବାସ୍ଥ୍ୟ ପାଇଁ ଅନେକ ଲାଭଦାୟକ ହୋଇଥାଏ। ବିଶେଷକରି ପୁରୁଷମାନଙ୍କ ପାଇଁ ସଜନା କୌଣସି ବରଦାନଠାରୁ କମ୍ ନୁହେଁ। ହଁ ପୁରୁଷମାନେ ଏହାକୁ ଖାଇ ଅନେକ ଲାଭ ପାଇପାରିବେ। ସଜନା ଶାଗ ପ୍ରଜନନ କ୍ଷମତା ବୃଦ୍ଧି କରିବାଠାରୁ ଆରମ୍ଭ କରି ଉଚ୍ଚ ରକ୍ତଚାପ ନିୟନ୍ତ୍ରଣ କରିବା ପର୍ଯ୍ୟନ୍ତ।
ପ୍ରଜନନ କ୍ଷମତା ବୃଦ୍ଧି କରେ
ଆଜିକାଲି ଭୁଲ ଖାଦ୍ୟପେୟ ଏବଂ ଖରାପ ଜୀବନଶୈଳୀ ଯୋଗୁ ପୁରୁଷମାନଙ୍କ ମଧ୍ୟରେ ବାତ୍ୱ ସମସ୍ୟା ବହୁତ ବଢ଼ିଯାଇଛି। ସଜନା ଖାଇବା ଦ୍ୱାରା ପୁରୁଷମାନଙ୍କର ପ୍ରଜନନ କ୍ଷମତା ବୃଦ୍ଧି ପାଇପାରେ। ଏହା ଆଣ୍ଟିଅକ୍ସିଡାଣ୍ଟରେ ଭରପୂର, ଯାହା ପୁରୁଷଙ୍କ ପ୍ରଜନନ ସ୍ବାସ୍ଥ୍ୟ ପାଇଁ ବହୁତ ଭଲ।
ଇରେକ୍ଟାଇଲ ଡିସଫଙ୍କସନ୍କୁ ଉନ୍ନତ କରେ
ସଜନା ଶାଗ କରି ଇରେକ୍ଟେଲ ଡିସଫଙ୍କସନ ସମସ୍ୟାକୁ ଦୂର କରିବ। ଏଥିରେ ପଲିଫେନୋଲ ନାମକ ଏକ ଉପାଦାନ ମିଳିଥାଏ। ଯାହା ନାଇଟ୍ରିକ ଅକ୍ସାଇଡର ଉତ୍ପାଦନ ବୃଦ୍ଧି କରିବାରେ ସାହାଯ୍ୟ କରେ। ଏହା ବ୍ୟତୀତ, ଏହା ରକ୍ତ ପ୍ରବାହକୁ ମଧ୍ୟ ଉନ୍ନତ କରିଥାଏ, ଯାହା ଇରେକ୍ଟାଇଲ ଡିସଫଙ୍କସନ ସମସ୍ୟାରୁ ମୁକ୍ତି ପାଇବାରେ ସାହାଯ୍ୟ କରିପାରେ।
ଟେଷ୍ଟୋଷ୍ଟେରନ ବୃଦ୍ଧି କରିବାରେ ସହାୟକ
ପୁରୁଷଙ୍କଠାରେ ଟେଷ୍ଟୋଷ୍ଟେରନର ପରିମାଣ କମ ହେବା ଦାରା ଅନେକ ଶାରୀରିକ ଏବଂ ଯୌନ ସମସ୍ୟା ସୃଷ୍ଟି ହୋଇପାରେ। ସଜନା ଖାଇବା ଦ୍ୱାରା ଟେଷ୍ଟୋଷ୍ଟେରନ ସ୍ତର ବୃଦ୍ଧି ପାଇପାରେ। ଏଥିରେ ଆଣ୍ଟିଅକ୍ସିଡାଣ୍ଟ ଏବଂ ପଲିଫେନୋଲ ମିଳିଥାଏ। ଯାହା ଟେଷ୍ଟୋଷ୍ଟେରନର ହାର ବୃଦ୍ଧି କରିବାରେ ସାହାଯ୍ୟ କରେ।
ଶୁକ୍ରାଣୁ ସଂଖ୍ୟା ବୃଦ୍ଧି କରେ
ଶୁକ୍ରାଣୁ ସଂଖ୍ୟା କମ ଥିବା ସମସ୍ୟାରେ ପୀଡିତ ପୁରୁଷଙ୍କ ପାଇଁ ସଜନା ଶାଗ ବହୁତ ଲାଭଦାୟକ ସାବ୍ୟସ୍ତ ହୋଇପାରେ। ଏହାକୁ ସେବନ କରିବା ଦ୍ୱାରା ପୁରୁଷଙ୍କଠାରେ ଶୁକ୍ରାଣୁ ସଂଖ୍ୟା ବୃଦ୍ଧି ପାଏ ଏବଂ ଶୁକ୍ରାଣୁର ଗୁଣବତ୍ତା ମଧ୍ୟ ଉନ୍ନତ ହୁଏ।
ଉଚ୍ଚ ରକ୍ତଚାପକୁ ନିୟନ୍ତ୍ରଣ କରେ
ବୟସ ବୃଦ୍ଧି ସହିତ ପୁରୁଷମାନଙ୍କ ମଧ୍ୟରେ ଉଚ୍ଚ ରକ୍ତଚାପର ସମସ୍ୟା ସାଧାରଣ ହୋଇଯାଏ। ଏପରି ପରିସ୍ଥିତିରେ, ଉଚ୍ଚ ରକ୍ତଚାପ ନିୟନ୍ତ୍ରଣ କରିବାରେ ସଜନା ଶାଗ ବହୁତ ଲାଭଦାୟକ ହୋଇପାରେ। ଏଥିରେ ପୋଟାସିୟମ ଏବଂ ମ୍ୟାଗ୍ନେସିୟମ ମିଳିଥାଏ, ଯାହା ରକ୍ତଚାପକୁ ନିୟନ୍ତ୍ରଣ କରିବାରେ ସାହାଯ୍ୟ କରେ। ଏହା ହୃଦୟକୁ ସୁସ୍ଥ ରଖେ ଏବଂ ହୃଦରୋଗର ଆଶଙ୍କା ହ୍ରାସ କରେ।