(Video) ଖସିବା ପରେ ହୁତୁ ହୁତୁ ହୋଇ ଜଳିଲା ବାୟୁ ସେନାର ଯୁଦ୍ଧ ବିମାନ, ଭିଡିଓ ଭାଇରାଲ
ନୂଆଦିଲ୍ଲୀ: ଭାରତୀୟ ବାୟୁ ସେନାର ଗୋଟିଏ ମିଗ ୨୯ ଯୁଦ୍ଧ ବିମାନ ଦୁର୍ଘଟଣାଗ୍ରସ୍ତ । ଉତ୍ତର ପ୍ରଦେଶର ଆଗ୍ରାରେ ବିମାନ ଖସିବା ପରେ ଭୂଇଁରେ ମାଡ ହୋଇ ସେଥିରେ ନିଆଁ ଲାଗିଥିଲା । ହୁତୁହୁତୁ ହୋଇ ଜଳିଉଠିଥିଲା ବିମାନ । ତେବେ ସୌଭାଗ୍ୟକୁ ବିମାନରେ ଥିବା ପାଇଲଟ ଓ କୋ ପାଇଲଟ ଦୁର୍ଘଟଣା ପୂର୍ବରୁ ପାରାଚୁଟ ମାଧ୍ୟମରେ ବିମାନରୁ ଡେଇଁଥିଲେ । ଦୁର୍ଘଟଣାଠାରୁ ପ୍ରାୟ ୨ କିମି ଦୂରରେ ଖସିଥିଲେ ଦୁଇ ପାଇଲଟ ।
ରିପୋର୍ଟ ମୁତାବକ, ଆଇଏଏଫର ମିଗ ୨୯ ଏୟାର କ୍ରାଫ୍ଟ ପଞ୍ଜାବର ଆଦମପୁରରୁ ରୁଟିନ ଅଭ୍ୟାସ ପାଇଁ ଆଗ୍ରା ଅଭିମୁଖେ ଉଡାଣ ଭରିଥିଲା । ଆଗ୍ରାର କାଗାରୋଲରେ ବିମାନ ଦୁର୍ଘଟଣାଗ୍ରସ୍ତ ହୋଇ ବିଲ ଭିତରେ ଖସିପଡିଥିଲା । ବିମାନ ମାଟି ଛୁଇଁବା ପରେ ଏକ ଭୟଙ୍କର ଶବ୍ଦ କରି ହୁତୁହୁତୁ ହୋଇ ଜଳିଗଲା । ଦୁର୍ଘଟଣା ପରେ କୋର୍ଟ ଅଫ ଇନକ୍ୱାରୀ ନିର୍ଦ୍ଦେଶ ଦିଆଯାଇଛି ।
ବିମାନ ଦୁର୍ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ବିମାନ ନିଆଁରେ ଜଳୁଥିବା ବେଳେ ତାର ଚାରି ପାଖରେ ସ୍ଥାନୀୟ ଲୋକଙ୍କ ଭିଡ ଦେଖିବାକୁ ମିଳୁଛି । କିଛି ଲୋକ ବିମାନର ଭଗ୍ନାଂଶ ଉଠଉଥିବା ଦେଖିବାକୁ ମିଳିଛି ଭିଡିଓରେ । ବିମାନ ଦୁର୍ଘଟଣାର ଖବର ପାଇ ତୁରନ୍ତ ସେଠାରେ ସେନା ଅଧିକାରୀ , ଡିଏମ ପହଞ୍ଚିଥିଲେ ।
ମିଗ ୨୯ ଋଷରେ ନିର୍ମିତ ଏକ ହାଇଟେକ୍ନିକ ଫାଇଟର ଜେଟ । ଆମେରିକା ସହଯୋଗୀ ଦେଶଙ୍କ ସଂଗଠନ ନାଟୋ ମିଗ୨୯କୁ ଫଳକ୍ରମ ନାଁ ଦେଇଛି , ଯାହାର ଭାରତୀୟ ଅର୍ଥ ଛଞ୍ଚାଣ । ୧୯୮୭ରେ ଭାରତୀୟ ବାୟୁ ସେନାରେ ଏହି ବିମାନକୁ ସାମିଲ କରାଯାଇଥିଲା ।
#Breaking A MiG-29 fighter jet has crashed near Agra, Uttar Pradesh. The pilot has ejected from the plane. The plane had taken off from Adampur in Punjab and was en route to Agra for an exercise when the incident happened. More details awaited. Court of Inquiry to be ordered. pic.twitter.com/DUHiiHhVmM
— Sanjay Jha (@JhaSanjay07) November 4, 2024
