ଗୁଡ଼ି ଉଡ଼ାଇଲେ ଟେକି ନେଇଯାଉଛି ପୋଲିସ, ଜାରି ହେଲା କଡ଼ା ନିୟମ
ଏଠି ଗୁଡ଼ି ଉଡ଼ାଇଲେ ପାପ!, ଗୁଡ଼ିକୁ ପୋଡ଼ି ଦେବା ସହ ଲୋକଙ୍କୁ ପଠା ଯାଉଛି ଜେଲ୍। ୪୧୯ ଜଣଙ୍କ ନାଁରେ ହେଲାଣି ମାମଲା।
ନୂଆଦିଲ୍ଲୀ: ଏଠି ଗୁଡ଼ି ଉଡ଼ାଇଲେ ଟେକି ନେଇଯାଉଛି ପୋଲିସ। ଫତୱା ଅନୁଯାୟୀ, ବିଶେଷ କରି କ୍ଷତିକାରକ ଏବଂ ବିପଜ୍ଜନକ ସୂତା ପ୍ରାୟତଃ ଲୋକଙ୍କ ବେକରେ ଫସିଯାଉଛି। ଉଡ଼ନ୍ତା ବିଶେଷ କରି ଜନଗହଳିପୂର୍ଣ୍ଣ ଅଞ୍ଚଳରେ ଗୁଡ଼ି ଉଡ଼ାଇବା ମାରାତ୍ମକ ସାବ୍ୟସ୍ତ ହୋଇଥାଏ।
ଇସଲାମଧର୍ମରେ ଜୀବନର ସୁରକ୍ଷାକୁ ସର୍ବୋଚ୍ଚ ପ୍ରାଥମିକତା ଦିଆଯାଇଛି। ଶାରୀରିକ କ୍ଷତି କିମ୍ବା ଆତ୍ମହତ୍ୟାର କାରଣ ପାଲଟିଥିବା କାର୍ଯ୍ୟକଳାପକୁ ଧର୍ମ ଦୃଷ୍ଟିକୋଣରୁ ସମ୍ପୂର୍ଣ୍ଣ ନିଷିଦ୍ଧ ବୋଲି ବିବେଚନା କରାଯାଏ ।
ଲୋକଙ୍କ ବିରୋଧରେ କାର୍ଯ୍ୟାନୁଷ୍ଠାନ: ନିଜ ଜୀବନକୁ ବିପଦରେ ପକାଇବା କିମ୍ବା ନିଜକୁ କ୍ଷତି ପହଞ୍ଚାଇବା ଇସଲାମରେ ହରାମ ବୋଲି ଧାର୍ମିକ ଲୋକମାନେ ମତ ଦେଇଛନ୍ତି। ପୁଲିସ ମଧ୍ୟ ଏହାକୁ ଗମ୍ଭୀରତାର ସହ ନେଇଛି ଏବଂ ବିଭିନ୍ନ ସ୍ଥାନରେ ଗୁଡ଼ି ଉଡ଼ାଇଥିବା ଲୋକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି।
ବର୍ତ୍ତମାନ ସୁଦ୍ଧା ପୁଲିସ ଶତାଧିକ ବ୍ୟକ୍ତିଙ୍କୁ ଗିରଫ କରି ସେମାନଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ପୁଲିସ ଓ ଧାର୍ମିକ ଲୋକଙ୍କ ମିଳିତ ଉଦ୍ୟମ ଫତୱା ପରେ ପୁଲିସ ବିଭାଗ ପକ୍ଷରୁ ଏଭଳି କାର୍ଯ୍ୟକଳାପ ଉପରେ କଡ଼ା ନଜର ରଖାଯାଇଛି।
୪୧୯ ଜଣଙ୍କ ନାଁରେ ମାମଲା: ଗତ ୨୦ ଦିନ ମଧ୍ୟରେ ଗୁଡ଼ି ଉଡ଼ାଉଥିବା ଅଭିଯୋଗରେ ପୁଲିସ ୧୫୧ ଜଣଙ୍କୁ ଗିରଫ କରିଥିବା ବେଳେ ଗୁଡ଼ି ବିକିବା ଅଭିଯୋଗରେ ୧୫୦ ଜଣଙ୍କ ବିରୋଧରେ ମାମଲା ରୁଜୁ ହୋଇଛି। ଏପରିକି ୧୧୮ ଜଣଙ୍କୁ ଜେଲ୍ ପଠାଇ ଦିଆଯାଇଛି।
ପୋଲିସ ଅଧିକାରୀ ଫୈଜଲ କାମରାନ ଏହି ପ୍ରସଙ୍ଗରେ ଗଭୀର ଉଦ୍ବେଗ ପ୍ରକାଶ କରି କହିଛନ୍ତି ଯେ ଏହି କାର୍ଯ୍ୟକଳାପ କେବଳ ଧାର୍ମିକ ଦୃଷ୍ଟିକୋଣରୁ ଭୁଲ ନୁହେଁ ବରଂ ଆଇନ ଏବଂ ସମାଜ ପାଇଁ ମଧ୍ୟ ବିପଜ୍ଜନକ।
