Ford ଦେଲା ଝଟକା, ମାଇକ୍ରୋସଫ୍ଟ ମେଟା ପରେ ଏବେ ଏହି କମ୍ପାନୀ କରିବ ଛଟେଇ, ଚାକିରୀ ହରେଇବେ …
Advertisement
ବର୍ଲିନ:ଛଟେଇ ଯାତ୍ରାରେ ଏବେ ଆମେରିକାର ଖ୍ୟାତିସମ୍ପନ୍ନ ଅଟୋମୋବାଇଲ କମ୍ପାନୀ ଫୋର୍ଡ ନାମ ମଧ୍ୟ ଯୋଡି ହେଇଛି । ଆସନ୍ତା ତିନି ବର୍ଷ ମଧ୍ୟରେ ୟୁରୋପ୍ରେ ୩୮୦୦ କର୍ମଚାରୀଙ୍କୁ ଛଟେଇ କରିବ ବୋଲି ଘୋଷଣା କରିଛି ଫୋର୍ଡ଼ । ବର୍ତ୍ତମାନ ଇଲେକ୍ଟ୍ରିକ୍ କାର୍ ନିର୍ମାଣରେ ପ୍ରତିଦ୍ବନ୍ଦିତା ଲାଗିଥିବାରୁ ଏଭଳି ଛଟେଇ ନିଷ୍ପଭିକୁ କାର୍ଯ୍ୟକାରୀ କରାଯିବ ବୋଲି କୁହାଯାଇଛି ।
ତେବେ ଜର୍ମାନୀରେ ସର୍ବାଧିକ ୨୩୦୦, ବ୍ରିଟେନରେ ୧୩୦୦ ଏବଂ ୟୁରୋପର ଅନ୍ୟ କେତେକ ଦେଶରେଆଉ ୨୦୦ କର୍ମଚାରୀ ଛଟେଇ ହେବେ ବୋଲି ସ୍ପଷ୍ଟ କରାଯାଇଛି। ୨୦୩୫ ସୁଦ୍ଧା କମ୍ପାନୀ କେବଳ ଇଲେକ୍ଟ୍ରିକ୍ କାର୍ ନିର୍ମାଣ କରିବ ବୋଲି ଲକ୍ଷ୍ୟ ରଖିଛି I ଛଟେଇ ହେବାକୁ ଥିବା କର୍ମଚାରୀଙ୍କ ମଧ୍ୟରେ୨୮୦୦ ଇଞ୍ଜିନିୟର ଏବଂ ୧୦୦୦ କର୍ମଚାରୀ କର୍ମଚାରୀ ତାଲିକାଭୁକ୍ତ ପ୍ରଶାସନିକ ହୋଇଛନ୍ତି। ୟୁରୋପର ବିଭିନ୍ନ ଦେଶରେ ଫୋର୍ଡ କମ୍ପାନୀର ପ୍ରାୟ ୩୪,୦୦୦ କର୍ମଚାରୀ ବର୍ତ୍ତମାନ କାର୍ଯ୍ୟରତ ଅଛନ୍ତି।
ସୂଚନାମୁତାବକ ଫୋର୍ଡ ଜାନୁଆରୀ ୨୦୨୩ ପୂର୍ବରୁ ୟୁରୋପରେ ପ୍ରାୟ ୩,୨୦୦ କର୍ମଚାରୀଙ୍କୁ ଛଟେଇ କରିବାକୁ ଯୋଜନା ଘୋଷଣା କରିଥିଲା। ଏହି ପଦବୀରୁ ପ୍ରାୟ ୨୫୦୦ ଡେଭଲପ୍ମେଣ୍ଟ କର୍ମଚାରୀଙ୍କ କ୍ଷତି ଘଟିବା ସହ ପ୍ରଶାସନିକ ବିଭାଗର ପ୍ରାୟ ୭୦୦ କର୍ମଚାରୀ ଚାକିରି ହରାଇଛନ୍ତି। ଗତ ବର୍ଷର ଦ୍ୱିତୀୟାର୍ଦ୍ଧରେ ମଧ୍ୟ କମ୍ପାନୀ ଆମେରିକାର ବିଭିନ୍ନ ବିଭାଗର ପ୍ରାୟ ୩୦୦୦ ଲୋକଙ୍କୁ ଛଟେଇ କରାଯାଇଥିଲା। ସୂଚନାମୁତାବକ ୨୦୨୫ ସୁଦ୍ଧା କମ୍ପାନୀ ଜର୍ମାନୀର ସାରଲୋଇସ୍ ପ୍ଲାଣ୍ଟକୁ ସଂପୂର୍ଣ୍ଣ ବନ୍ଦ କରିପାରେ ବୋଲି ଶୁଣିବାକୁ ମିଳୁଛି ।