୧୨ ବର୍ଷୀୟା ନାବାଳିକାକୁ ଦୁଷ୍କର୍ମ ଉଦ୍ୟମ, ଧରାପଡି ଛେଚା ଖାଇଲେ ଫରେଷ୍ଟର

ରାୟଗଡା: ୧୨ ବର୍ଷୀୟ ନାବାଳିକାକୁ ଦୁଷ୍କର୍ମ ଉଦ୍ୟମ। ଧରାପଡି ଛେଚା ଖାଇଲେ ଫରେଷ୍ଟର। ଶେଷରେ ବନ୍ଧା ହୋଇ ଜେଲ ଗଲେ। ହଁ ଜଣେ ୧୨ ବର୍ଷୀୟା ନାବାଳିକାକୁ ପ୍ରଲୋଭନ ଦେଖାଇ ଘର ଭିତରକୁ ଡାକି ଦୁଷ୍କର୍ମ ଉଦ୍ୟମ କରିଥିଲେ ଜଣେ କାର୍ଯ୍ୟରତ ଫରେଷ୍ଟର।

ଆଉ ନାବାଳିକାର ସାଙ୍ଗରେ ଥିବା ଆଉ ଜଣେ ଏହି ଘଟଣା ପୀଡିତାର ପରିବାର ଲୋକଙ୍କୁ ଯାଇ କହିଦେଇଥିଲେ। ଫଳରେ ନାବାଳିକା ଝିଅ ସହ କିଛି ଖରାପ ହେବା ପୂର୍ବରୁ ଫରେଷ୍ଟରକୁ ଧରି ପକାଇଥିଲେ ପରିବାର ଲୋକ। ଏହାସହ ଗ୍ରାମବାସୀ ମଧ୍ୟ ଫରେଷ୍ଟରକୁ ଧରି ନିର୍ଧୁମ ଛେଚିଥିଲେ।

ତେବେ ଘଟଣାଟି ହେଉଛି ନରସିଂହ ପାତ୍ର ଗୁଡ଼ାରୀ ରେଞ୍ଜ ଅଧିନସ୍ଥ କେନ୍ଦୁଗୁଡ଼ା ଅଞ୍ଚଳର। କେନ୍ଦୁଗୁଡ଼ା ସେକ୍ସନରେ ଫରେଷ୍ଟର ଭାବେ କାର୍ଯ୍ୟରତ ଥିବା ନରସିଂହ ନିଜ ଦେହର ଭୋକ ମାରିବାକୁ ଏକ ନାବାଳିକା ଝିଅ ଉପରେ ଆଖି ପକାଇଥିଲା।

ଶୁକ୍ରବାର ଦିନ ପ୍ରାୟ ୧୧ଟା ସମୟରେ ନରସିଂହ ତାଙ୍କ ଘର ପଡ଼ିଶାରେ ଅଜା ଘରେ ରହି ପାଠ ପଢୁଥିବା ଜଣେ ୧୨ ବର୍ଷୀୟ ନାବାଳିକାକୁ ପ୍ରଲୋଭନ ଦେଖାଇ ଘର ଭିତରକୁ ଡାକି ଦୁଷ୍କର୍ମ ଉଦ୍ୟମ କରିଥିଲେ।

ତେବେ ଏହି ସମୟରେ ନାବାଳିକାଙ୍କ ସହିତ ଥିବା ଅନ୍ୟ ଜଣେ ଝିଅ ନାବାଳିକାଙ୍କ ପରିବାର ବର୍ଗଙ୍କୁ ଜଣାଇଥିଲେ। ପରିବାରବର୍ଗ ଖବର ପାଇ ଫରେଷ୍ଟର ନରସିଂହଙ୍କ ଘରକୁ ଯାଇ ନାବାଳିକାଙ୍କୁ ଉଦ୍ଧାର କରିଥିଲେ।