KKR କୁ ଫେରିଲେ ଗୌତମ ଗମ୍ଭୀର: ସୁପର ଜିଆଣ୍ଟସ ମେଣ୍ଟର ପଦରୁ ଦେଲେ ଇସ୍ତଫା
ନୂଆଦିଲ୍ଲୀ: ବିଶ୍ୱକପ ପରେ ବର୍ତ୍ତମାନ ଆଇପିଲ ଲିଗ୍ କୁ ନେଇ ଆରମ୍ଭ ହୋଇଛି ଚର୍ଚ୍ଚା । ଏହି ଚର୍ଚ୍ଚା ଭିତରେ ସବୁଠୁ ବଡ଼ ଚର୍ଚ୍ଚା ପାଲଟିଛନ୍ତି ଟିମ ଇଣ୍ଡିଆର ପୂର୍ବତନ କ୍ରିକେଟର ଗୌତମ ଗମ୍ଭୀର । ଗତ ଆଇପିଏଲ-୨୦୨୩ରେ ଲକ୍ଷ୍ନୌ ସୁପର ଜିଆଣ୍ଟ ଦଳର ମେଣ୍ଟର ପଦରେ ରହିଥିବା ଗୌତମ ଗମ୍ଭୀର ନିଜ ପଦରୁ ଇସ୍ତଫା ଦେଇଛନ୍ତି । ଏଥିସହ ସେ ପୁଣିଥରେ ନିଜର ପୂର୍ବ ଦଳ କୋଲକାତା ନାଇଟ ରାଇଡର୍ସ ସହ ଯୋଡ଼ି ହୋଇଥିବା ଜାଣିବାକୁ ମିଳିଛି । ନିଜ ନେତୃତ୍ୱରେ କୋଲକାତାକୁ ୨ଥର ଚମ୍ପିଆନ୍ କରିଥିବା ଗମ୍ଭୀର ପୁଣିଥରେ ଦଳ ସହ ସାମିଲ ହୋଇଛନ୍ତି ।
ଆଇପିଏଲ-୨୦୨୪ ପୂର୍ବରୁ ଗୌତମ ଗମ୍ଭୀର ଏକ ବଡ଼ ନିଷ୍ପତ୍ତି ନେଇଛନ୍ତି ଲକ୍ଷ୍ନୌ ସୁପର ଜିଆଣ୍ଟସ ଏବଂ କେ.ଏଲ ରାହୁଲଙ୍କ ହାତ ଛାଡ଼ି କୋଲକାତା ସହ ଯୋଡ଼ି ହୋଇଛନ୍ତି । ପୁଣିଥରେ କେକେଆର ଜର୍ସିରେ ଦେଖାଦେବେ ଗମ୍ଭୀର । ଏ ନେଇ ଗୌତମ କହିଛନ୍ତି ଯେ, ମୁଁ ଇମୋସନାଲ ନୁହେଁ, ତେଣୁ ଏଭଳି ଜିନିଷ ମୋତେ ବିଶେଷ ପ୍ରଭାବିତ କରିପାରେ ନାହିଁ । ତେବେ ଯେଉଁଠୁ ସବୁକିଛି ଆରମ୍ଭ ହୋଇଥିଲା, ପୁଣିଥରେ ସେଠିକୁ ଫେରିବା ଭଳି ମନେ ହେଉଛି । ଏହାପରେ ନିଜ ଜର୍ସି ନମ୍ବର ୨୩ ସହିତ କୋଲକାତାର ଟ୍ୟାଗ୍ ଲାଇନ୍ “ଆମି କେକେଆର” କହି ସେ ରଣହୁଙ୍କାର ଦେଇଛନ୍ତି ।
Welcome home, mentor @GautamGambhir! 🤗
Full story: https://t.co/K9wduztfHg#AmiKKR pic.twitter.com/inOX9HFtTT
— KolkataKnightRiders (@KKRiders) November 22, 2023
ଟିମ ଇଣ୍ଡିଆର ଦୁଇ ବିଶ୍ୱକପ(୨୦୦୭ ଏବଂ ୨୦୧୧) ବିଜୟରେ ପ୍ରମୁଖ ସଦସ୍ୟ ଥିବା ଗମ୍ଭୀର ୨୦୧୧ ମସିହାରେ କୋଲକାତା ନାଇଟ ରାଇଡର୍ସ ସହ ଦଳରେ ସାମିଲ ହୋଇଥିଲେ । ଏହାପରେ ୨୦୧୭ ପର୍ଯ୍ୟନ୍ତ ଏହି ଦଳରେ ରହିଥିଲେ ଗମ୍ଭୀର । ଏହି ସମୟରେ କୋଲକାତା ୫ଥର ପ୍ଲେଅଫ୍ ରେ ସ୍ଥାନ ପକ୍କା କରିଥିବା ବେଳେ ୨ ଥର ଚମ୍ପିଆନ୍ ପାଲଟିଛି । ୨୦୧୨ ଏବଂ ୨୦୧୪ ମସିହାରେ ଗୌତମ ଗମ୍ଭୀରଙ୍କ ନେତୃତ୍ୱରେ କୋଲକାତା ଟ୍ରଫି ହାସଲ କରିଥିଲା ।
Go well, legend. 💙 pic.twitter.com/A0Rq3x3GZD
— Lucknow Super Giants (@LucknowIPL) November 22, 2023
