ବ୍ରେକଅପ୍ କରିଦେଲେ ପ୍ରେମିକା, ପ୍ରତିଶୋଧ ନେବାକୁ ପ୍ରେମିକ କଲେ ଏମିତି କାମ, ଜାଣିଲେ ହେବେ ଆଶ୍ଚର୍ଯ୍ୟ…

ଆପଣ ଅନେକ ପ୍ରେମୀଯୁଗଳଙ୍କ କାହାଣୀ ପଢ଼ିଥିବେ କି ଶୁଣିଥିବେ ମଧ୍ୟ । ଏଗୁଡ଼ିକ ମଧ୍ୟରୁ କିଛି ବ୍ରେକଅପ୍ ଖବର ଆଉ କିଛି ନିଃସ୍ୱାର୍ଥପର ଭଲ ପାଇବା ଖବର ମଧ୍ୟ ପଢ଼ିଥିବେ। ଏବେ ଜଣେ ପ୍ରେମିକ ଏବଂ ପ୍ରେମିକାଙ୍କ ମଧ୍ୟରେ ବ୍ରେକଅପ୍ ଖବର ଆସିଛି, ଯାହା ଲୋକଙ୍କୁ ଆଶ୍ଚର୍ଯ୍ୟ କରିଦେଇଛି। ଏହି ସମ୍ପୂର୍ଣ୍ଣ ମାମଲା ଆମେରିକାର ରାଜଧାନୀ ୱାଶିଂଟନର।

ଅନେକ ସମୟରେ, ଠକାମି ପରେ, ଲୋକମାନେ ନିଜ ପ୍ରେମିକ କିମ୍ବା ପ୍ରେମିକାଙ୍କଠାରୁ ପ୍ରତିଶୋଧ ନେବା ପାଇଁ ଯେକୌଣସି ସୀମାକୁ ଯାଆନ୍ତି। ବ୍ରେକଅପ୍ ପରେ ନିଜ ପ୍ରେମିକା ଉପରେ ପ୍ରତିଶୋଧ ନେବା ପାଇଁ ଏବେ ଜଣେ ପ୍ରେମିକ ଏକ ସମ୍ପୂର୍ଣ୍ଣ ଅନନ୍ୟ କାମ କରିଛନ୍ତି। ଏହା ବିଷୟରେ ଜାଣି ଆପଣ ଆଶ୍ଚର୍ଯ୍ୟ ହେବେ।

ପ୍ରକୃତରେ, ଏହି ବ୍ୟକ୍ତି ବ୍ରେକଅପ୍ ର ପ୍ରତିଶୋଧ ନେବା ପାଇଁ ତାଙ୍କ ପ୍ରେମିକାଙ୍କ ପୋଷା କୁକୁଡ଼ାକୁ ଚୋରି କରିଥିଲେ। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ପୋଲିସ ତାଙ୍କୁ ମଧ୍ୟ ପାଇଲା। କିଟସାପ୍ କାଉଣ୍ଟି ସେରିଫ୍‌ଙ୍କ କାର୍ଯ୍ୟାଳୟ ନିଜେ ଏହି ବିଷୟ ରିପୋର୍ଟ କରିଛି। ଏବେ ଏହି  ବିଷୟଟି ଚର୍ଚ୍ଚାରେ ରହିଛି ।

ଏକ ଗଣମାଧ୍ୟମ ରିପୋର୍ଟ ଅନୁସାରେ, ଜଣେ ମହିଳା ପୋଲିସକୁ ଫୋନ୍ କରି ଜଣାଇଥିଲେ ଯେ ତାଙ୍କ ପୂର୍ବତନ ପ୍ରେମିକ ତାଙ୍କ ଘରେ ପଶି ତାଙ୍କ କୁକୁଡ଼ା ଚୋରି କରିନେଇଛନ୍ତି। ଏହା ଉପରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରି ପୋଲିସ ତାଙ୍କୁ ଜଙ୍ଗଲ ମଝିରୁ ଧରିଥିଲା। ପୋଲିସ କହିଛି ଯେ ସେ ଲଗାତାର ଚିତ୍କାର କରୁଥିଲେ ଯେ ‘ମୁଁ ପଲିକୁ ପାଇଗଲି’। ଯେତେବେଳେ ପୋଲିସ ସେହି ବ୍ୟକ୍ତିଙ୍କୁ ଧରିଲା, ଦୃଶ୍ୟଟି ସମ୍ପୂର୍ଣ୍ଣ ଭିନ୍ନ ଥିଲା।

ପୋଲିସ ସୂଚନା ଦେଇଛି ଯେ, ସେହି ବ୍ୟକ୍ତି ଜଣକ ସେଠାରେ ଏକ କୁକୁଡ଼ା ଧରି କାନ୍ଦୁଥିଲେ। ସେ ଅଧିକାରୀମାନଙ୍କୁ ତାଙ୍କ କୁକୁଡ଼ାକୁ ଆଘାତ ନ କରିବାକୁ କହିଲେ। ପୋଲିସ ତାଙ୍କୁ ଶାନ୍ତ କଲେ ଏବଂ ତାଙ୍କ କୁକୁଡ଼ାକୁ ଧରି ରଖିବାକୁ କହିଲେ। କେହି ତାଙ୍କୁ ଆଘାତ କରିବେ ନାହିଁ। ସେ ପୋଲିସର କଥା ମାନିଲେ ଏବଂ ପାଟ୍ରୋଲିଂ ଗାଡ଼ିରେ କୁକୁଡ଼ାଟିକୁ ରଖିଲେ। ପୋଲିସ ସେହି ବ୍ୟକ୍ତିଙ୍କୁ ଗିରଫ କରି କୁକୁଡ଼ାଟିକୁ ତା’ର ମାଲିକଙ୍କୁ ହସ୍ତାନ୍ତର କରିଛି। ଏହି ଘଟଣାଟି ସୋସିଆଲ ମିଡିଆରେ ଭାଇରାଲ ହୋଇଛି।