ଗୁଗୁଲରେ ଥମୁନାହିଁ ଛଟେଇ ପ୍ରକ୍ରିୟା: ସମଗ୍ର Python ଟିମକୁ ବାହାର କଲା କମ୍ପାନୀ

ନୂଆଦିଲ୍ଲୀ : ଭେଟେରାନ୍ ଟେକ୍ କମ୍ପାନୀରେ କର୍ମଚାରୀଙ୍କ ଛଟେଇ ପ୍ରକ୍ରିୟା ବନ୍ଦ ହେବାର ନାଁ ନେଉନାହିଁ । ସୁନ୍ଦର ପିଚାଇଙ୍କ ନେତୃତ୍ୱରେ ଥିବା ଆଲଫାବେଟ୍ ସମଗ୍ର ପାଇଥନ୍ ଟିମକୁ ଚାକିରିରୁ ବାହାର କରିଛି । ଏହା ପୁର୍ବରୁ ଚଳିତ ମାସରେ କମ୍ପାନୀ ରିଏଲ୍ ଇଷ୍ଟେଟ୍ ଏବଂ ଅର୍ଥ ବିଭାଗର ଅନେକ କର୍ମଚାରୀଙ୍କୁ ଚାକିରିରୁ ବାହାର କରିଥିଲା ।

ମିଡିଆ ରିପୋର୍ଟ ଅନୁଯାୟୀ, କମ୍ପାନୀ ମୂଲ୍ୟ ହ୍ରାସ କରିବା ପାଇଁ ଆମେରିକାରୁ ବାହାରେ କମ୍ କଷ୍ଟ କର୍ମଚାରୀଙ୍କୁ ନିଯୁକ୍ତି କରିବାକୁ ଯୋଜନା କରୁଛି । ଉଚ୍ଚ ଦରମା ହେତୁ ଗୁଗୁଲ ଏହାର ପାଇଥାନ୍ ଦଳକୁ ଚାକିରି ବାହାର କରିଛି ଏବଂ ଏବେ ଆମେରିକାର ବାହାରେ ଜର୍ମାନୀରେ ଶସ୍ତା କର୍ମଚାରୀଙ୍କ ସହିତ ଏକ ନୂଆ ଦଳ ଗଠନ କରିବ । କମ୍ପାନୀ ନୂଆ ଟିମ୍ ଜର୍ମାନର ମ୍ୟୁନିଖରେ କରିବେ । ରିପୋର୍ଟ ଅନୁଯାୟୀ, କମ୍ପାନୀକୁ ମ୍ୟୁନିଖରେ କମ୍ ବେତନରେ ନୂଆ କର୍ମଚାରୀ ମିଳିଯିବ ।

ପାଇଥନ୍ ଦଳର ଜଣେ ପୂର୍ବତନ ବ୍ୟକ୍ତି ଲେଖିଥିଲେ ଯେ ସେ ଦୁଇ ଦଶନ୍ଧି ପାଇଁ କମ୍ପାନୀରେ କାମ କରିଛନ୍ତି । ଏହା ତାଙ୍କର ସର୍ବୋତ୍ତମ କାର୍ଯ୍ୟ ଥିଲା । ବର୍ତ୍ତମାନ ଚାକିରିରୁ ବରଖାସ୍ତ ହେବାକୁ ସେ ବହୁତ ନିରାଶ ହୋଇଛନ୍ତି ।