ପୁଅର ୩୦ କୋଟି ସମ୍ପତ୍ତି, ନାତି IAS … ଖାଇବାକୁ ନ ପାଇ ଆତ୍ମହତ୍ୟା କଲେ ବୃଦ୍ଧ ଦମ୍ପତ୍ତି, ମରିବା ପୂର୍ବରୁ ପୋଲିସ ହାତରେ ଦେଲେ ସୁଇସାଇଟ୍ ନୋଟ୍
ନୂଆଦିଲ୍ଲୀ : ପୁଅର ୩୦ କୋଟି ମୂଲ୍ୟର ସମ୍ପତ୍ତି ଅଛି, ନାତି ଆଇଏଏସ୍ ଅଫିସର । କିନ୍ତୁ ଜେଜେବାପା-ମା ଖାଇବାକୁ ନ ପାଇ କଲେ ଆତ୍ମହତ୍ୟା କଲେ । କିନ୍ତୁ ଆତ୍ମହତ୍ୟା କରିବା ପୂର୍ବରୁ ପୋଲିସ କଣ୍ଟ୍ରୋଲ ରୁମ୍ କୁ ଫୋନ୍ କରି ଜଣାଇଥିଲେ । ହେଲେ ପୋଲିସ ପହଞ୍ଚିବା ପୂର୍ବରୁ ବୃଦ୍ଧ ଦମ୍ପତ୍ତିଙ୍କ ଅବସ୍ଥା ଗୁରୁତର ହୋଇସାରିଥିଲା । ପୋଲିସି ହାତରେ ଏକ ଚିଠି ଧରାଇ ଦେଇ ବୃଦ୍ଧ ଦମ୍ପତ୍ତି ଚାଲିଗଲେ ଆରପାରିକୁ ।
ପୋଲିସ ସୂଚନା ଅନୁଯାୟୀ, ଆଇଏଏସ୍ ଅଧିକାରୀଙ୍କ ଜେଜେବାପାଙ୍କ ପୋଲିସ କଣ୍ଟ୍ରୋଲ ରୁମକୁ ଫୋନ୍ କରି ସୂଚନା ଦେବା ପରେ ଏକ ସୁଇଟାଇଟ୍ ନୋଟ୍ ଲେଖିଥିଲେ । ପରେ ଉଭୟ ବିଷ ଖାଇଥିଲେ । ପୋଲିସ ପହଞ୍ଚିବା ପୂର୍ବରୁ ଉଭୟଙ୍କ ଅବସ୍ଥା ବିଗିଡି ଯାଇଥିଲା ଏବଂ ପୋଲିସ ଉଭୟଙ୍କୁ ଡାକ୍ତରଖାନାରେ ଭର୍ତ୍ତି କରିଥିଲା। ଯେଉଁଠାରେ ଚିକିତ୍ସା ସମୟରେ ଉଭୟଙ୍କର ମୃତ୍ୟୁ ହୋଇଥିଲା। ଏହି ମାମଲାରେ ଚାରି ଜଣଙ୍କ ବିରୋଧରେ ପୋଲିସ ଏଫଆଇଆର ପଞ୍ଜିକରଣ କରିଛି।
ଏହି ମାମଲା ହରିୟାଣାର ଚାରଖୀ ଦାଦ୍ରିରେ ଥିବା ବାଦଡାର ଶିବ କଲୋନୀର । ମାର୍ଚ୍ଚ ୨୯ ତାରିଖ ରାତିରେ ଜଗଦୀଶ ଚନ୍ଦ୍ର ଆର୍ୟ୍ୟ (୭୮) ଏବଂ ପତ୍ନୀ ଭଗଲି ଦେବୀ (୭୭) ବୃଦ୍ଧ ଦମ୍ପତ୍ତି ସଲଫା ବଟିକା ଖାଇ ଆତ୍ମହତ୍ୟା କରିଛନ୍ତି । ମୃତ ବୃଦ୍ଧ ଦମ୍ପତି ଚାର୍କି ଦାଦ୍ରିରେ ଆଇଏଏସ୍ ବିବେକ ଆର୍ୟ୍ୟଙ୍କ ଜେଜେବାପା ଥିଲେ। ବିବେକଙ୍କ ପିତାଙ୍କ ନାମ ବିରେନ୍ଦ୍ର। ବିବେକ ୨୦୨୧ ରେ ଅଧିକାରୀ ଭାବରେ ନିର୍ବାଚିତ ହୋଇଥିଲେ। ସେ ହରିୟାଣା କ୍ୟାଡର ପାଇଥିଲେ ଏବଂ ବର୍ତ୍ତମାନ ଜଣେ ଅଣ୍ଡର-ଟ୍ରେନିଂ ଅଟନ୍ତି ।
ଖାଇବାକୁ ପାଉନଥିଲେ ଆଇଏଏସ୍ ଅଧିକାରୀଙ୍କ ଜେଜେବାପା-ମା
ଏହି ନୋଟରେ ଜଗଦୀଶ ଚନ୍ଦ୍ର ଆର୍ୟ୍ୟ ଆହୁରି ଲେଖିଛନ୍ତି, “ଘରୁ ବାହାର କରିବା ପରେ ମୁଁ ଦୁଇ ବର୍ଷ ପର୍ୟ୍ୟନ୍ତ ଏକ ବୃଦ୍ଧାଶ୍ରମରେ ରହୁଥିଲି। ମୁଁ ଫେରି ଆସିବା ପରେ ସେମାନେ ଘର ବନ୍ଦ କରିଦେଇଥିଲେ। ଏହି ସମୟରେ ମୋ ପତ୍ନୀ ପକ୍ଷାଘାତ ରୋଗରେ ପୀଡିତ ଥିଲେ । ଦ୍ୱିତୀୟ ପୁଅ ପାଖକୁ ଯାଇଥିଲୁ । କିଛି ଦିନ ପରେ ସେ ମଧ୍ୟ ବାସି ଖାଦ୍ୟ ଖାଇବାକୁ ଦେଲା ଏବଂ ପାଖରେ ରଖିବାକୁ ମନା କଲା । ତେଣୁ ଆମେ ସଲଫାର ଟାବଲେଟ୍ ଖାଇଲୁ। ଆମ ମୃତ୍ୟୁର କାରଣ ମୋର ଦୁଇ ବୋହୂ, ଗୋଟିଏ ପୁଅ ଏବଂ ଜ୍ୱାଇଁ । ସେହି ଚାରିଜଣ ମୋ ଉପରେ ଯେତିକି ଅତ୍ୟାଚାର କରିଥିଲେ, କୌଣସି ପିଲା ତାଙ୍କ ପିତାମାତାଙ୍କୁ କରିବା ଉଚିତ୍ ନୁହେଁ। ଅନୁରୋଧ ଯେ ସରକାର ଏବଂ ସମାଜ ସେମାନଙ୍କୁ ଦଣ୍ଡ ଦେବା ଉଚିତ୍। ସେତେବେଳେ ମୋର ଆତ୍ମା ଶାନ୍ତି ପାଇବ । ବ୍ୟାଙ୍କରେ ମୋର ଦୁଇଟି ଏଫ୍ଡି ଏବଂ ବାଦଦାଠାରେ ଏକ ଦୋକାନ ଯାହା ଆର୍ଯ୍ୟ ସମାଜକୁ ଦିଆଯିବା ଉଚିତ୍ । କିନ୍ତୁ ପୁଅ କହିଛି ଅସୁସ୍ଥତା ଯୋଗୁଁ ମୋ ବାପା –ମା ଙ୍କ ମୃତ୍ୟୁ ହୋଇଛି । ପୋଲିସ ୪ ଜଣଙ୍କ ନାଁରେ ମାମଲା ରୁଜୁ କରି ତଦନ୍ତ ଚଳାଇଛି ।
