ରିଲିଜ ହେଲା “ଗ୍ରାଉଣ୍ଡ ଜିରୋ’ ଫିଲ୍ମ ଟ୍ରେଲର
ବିଏସଏଫ ଯବାନ ଭୂମିକାରେ ଆସି ଆତଙ୍କବାଦୀଙ୍କ ନିପାତ କରୁଛନ୍ତି ଇମରାନ।
ମୁମ୍ବାଇ: କିସିଂ କିଙ୍ଗ କହିଲେ ସମସ୍ତଙ୍କ ମନକୁ ଏକମାତ୍ର ନାଁ ଆସେ। ସେ ହେଉଛନ୍ତି ବଲିଉଡର ଇମରାନ୍ ହାସମୀ। ପରଦାରେ କିସିଂ ସିନ୍ ପାଇଁ ସେ ବେଶ ଚର୍ଚ୍ଚିତ। ଏବେ ଭିନ୍ନ ଅବତାରରେ ଇମରାନଙ୍କୁ ଦେଖିବାକୁ ପାଇବେ ଦର୍ଶକ।
କିସିଂ କିଙ୍ଗ ଏବେ ପରଦାରେ ଯବାନ ଚରିତ୍ରରେ ନଜର ଆସିବେ। ବିଏସଏଫ ଯବାନ ବର୍ଦ୍ଦି ସହ ଆତଙ୍କବାଦୀଙ୍କୁ ନିପାତ କରୁ୍ଥିବା ଦୃଶ୍ୟ ଫିଲ୍ମରେ ଦେଖିବାକୁ ପାଇବେ ଦର୍ଶକ। ଯାହାର ଟ୍ରେଲର ଆଜି ରିଲିଜ ହୋଇଛି। ଫିଲ୍ମର ଟ୍ରେଲରେ ଇମରାନଙ୍କୁ ଜବରଦସ୍ତ ଭୂମିକାରେ ଦେଖିବାକୁ ପାଇବେ ଦର୍ଶକ। ଦମଦାର ଅଭିନୟ ସହ ଆତଙ୍କୀଙ୍କ ନିପାତର ଦୃଶ୍ୟ ଟ୍ରେଲରେ ଦେଖିବାକୁ ମିଳିଛି ।
ତେଜସ ପ୍ରଭା ବିଜୟ ଦେଓସ୍କରଙ୍କ ନିର୍ଦ୍ଦେଶିତ ‘ଗ୍ରାଉଣ୍ଡ ଜିରୋ’ ହେଉଛି କାଶ୍ମୀରରେ ନିର୍ମିତ ଏକ ଭାବପ୍ରବଣ ଆକ୍ସନ୍ ଫିଲ୍ମ। ଇମରାନ ହାସମୀ ଏବଂ ସାଇ ତାମହଙ୍କାର ଅଭିନୀତ ‘ଗ୍ରାଉଣ୍ଡ ଜିରୋ’ ଯୁଦ୍ଧ ପରିବେଶରେ ପ୍ରତିଷ୍ଠିତ ସାହସ ଏବଂ ତ୍ୟାଗର ଏକ କାହାଣୀ ।
ଗତ କିଛି ଦିନ ଧରି, ନିର୍ମାତା ପୋଷ୍ଟର ଏବଂ ଟିଜର ମାଧ୍ୟମରେ ସସପେନ୍ସ ବଢ଼ାଉଥିଲେ, ଏବଂ ଏବେ ଶେଷରେ ଫିଲ୍ମର ଟ୍ରେଲର ମଧ୍ୟ ରିଲିଜ୍ ହୋଇଛି। ଗ୍ରାଉଣ୍ଡ ଜିରୋ ଏକ ପ୍ରକୃତ ମିଶନ ଦ୍ୱାରା ଅନୁପ୍ରାଣିତ, ଯାହାକୁ ୨୦୧୫ ମସିହାରେ ଗତ ୫୦ ବର୍ଷ ମଧ୍ୟରେ ବିଏସଏଫର ସର୍ବୋତ୍ତମ ଅପରେସନ ଭାବରେ ସମ୍ମାନିତ କରାଯାଇଥିଲା।
ଫିଲ୍ମରେ, ଇମରାନ ହାସମୀ ଏଥର ବାସ୍ତବ ଜୀବନର ବିଏସଏଫ କମାଣ୍ଡାଣ୍ଟ ନରେନ୍ଦ୍ର ନାଥ ଧର ଦୁବେଙ୍କ ଭୂମିକାରେ ନଜର ଆସିଛନ୍ତି।
ଏଥିରେ କାଶ୍ମୀରର ପରିସ୍ଥିତିକୁ ବହୁତ ପ୍ରଭାବଶାଳୀ ଭାବରେ ଦର୍ଶାଯାଇଛି। ଫିଲ୍ମ ଟ୍ରେଲରେ ସାଇ ତାମହଙ୍କାରଙ୍କ ଚରିତ୍ର ମଧ୍ୟ ଜବରଦସ୍ତ ଦେଖିବାକୁ ମିଳିଛି। ଟ୍ରେଲରଟି ଏବେ ମୁକ୍ତିଲାଭ କରିଛି ଏବଂ କାଉଣ୍ଟଡାଉନ୍ ଆରମ୍ଭ ହୋଇଗଲାଣି। ଆପଣଙ୍କୁ ଜଣାଇ ଦେଉଛୁ ଯେ ‘ଗ୍ରାଉଣ୍ଡ ଜିରୋ’ ୨୫ ଏପ୍ରିଲ ୨୦୨୫ରେ ସିନେମା ହଲରେ ମୁକ୍ତିଲାଭ କରିବାକୁ ଯାଉଛି।