ଆଇପିଏଲ୍-୨୦୨୨: ନିଜେ ରନ୍ ଆଉଟ୍ ହେଲେ, କିନ୍ତୁ ମିଲରଙ୍କ ଉପରେ ବର୍ଷିଲେ ହାର୍ଦ୍ଦିକ, ଦେଖନ୍ତୁ ଭିଡିଓ
ନୂଆଦିଲ୍ଲୀ: ଚଳିତ ଆଇପିଏଲରେ ଗତକାଲି ଗୁଜୁରାଟ ଟାଇଟନ୍ସ ଓ ପଞ୍ଜାବ କିଙ୍ଗସ ମଧ୍ୟରେ ଲଢ଼େଇ ହେଉଥିଲା । ତେବେ ଉକ୍ତ ମ୍ୟାଚରେ ଗୁଜୁରାଟର ଅଧିନାୟକ ହାର୍ଦ୍ଦିକ ପ୍ୟାଣ୍ଡ୍ୟାଙ୍କୁ ନେଇ ଏକ ଭିଡିଓ ଭାଇରାଲ ହେବାରେ ଲାଗିଛି । ମ୍ୟାଚଟି ଅତ୍ୟନ୍ତ ରୋମାଞ୍ଚଭର ମୋଡ଼କୁ ଆସିବା ସମୟରେ ଅନ୍ତିମ ଓଭରର ପ୍ରଥମ ବଲରେ ହାର୍ଦ୍ଦିକ ଦୁର୍ଭାଗ୍ୟବଶତଃ ରନ୍ ଆଉଟ୍ ହୋଇଯାଇଥିଲେ । ଏହାପରେ ଗୁଜରାଟର ବିଜୟ ମୁସ୍କିଲ ଲାଗୁଥିଲେ ହେଁ ରାହୁଲ ତେବତିଆ ଦଳକୁ ବିଜୟୀ କରାଇଥିଲେ ।
ମ୍ୟାଚର ଅନ୍ତିମ ଓଭରରେ ଓଡିୟନ ସ୍ମିଥ ବୋଲିଂ କରୁଥିବା ବେଳେ ଷ୍ଟ୍ରାଇକରେ ଡେଭିଡ ମିଲର ଥିଲେ । ଏହି ସମୟରେ ପ୍ରଥମ ବଲରେ ମିଲର ବିଟ୍ ହୋଇଥିଲେ ହେଁ ରନ ନେବାକୁ ଦୌଡ଼ିଥିଲେ । ଏହା ପରେ ନନଷ୍ଟ୍ରାଇକରେ ଥିବା ହାର୍ଦ୍ଦିକ ମଧ୍ୟ ରନ ନେବାକୁ ପ୍ରୟାସ କରି ଜନୀ ବେୟରଷ୍ଟୋଙ୍କର ଥ୍ରୋରେ ରନ ଆଉଟ୍ ହୋଇଯାଇଥିଲେ ।
ଏହାପରେ ହାର୍ଦ୍ଦିକଙ୍କୁ ପାଭିଲିୟନ ଯିବାକୁ ପଡ଼ିଥିଲା । ସେ ବହୁତ ଦୁଃଖିତ ଥିବା ପରିଲକ୍ଷିତ ହୋଇଥିଲା । ମାତ୍ର ରନ୍ ଆଉଟ ହେବା ପରେ ହାର୍ଦ୍ଦିକଙ୍କ ପ୍ରତିକ୍ରିୟା ଦେଖି କ୍ରୀଡ଼ାପ୍ରେମୀ ତାଜୁବ୍ ହୋଇଯାଇଥିଲେ । ହାର୍ଦ୍ଦିକଙ୍କ ଉକ୍ତ ଅନ୍ଦାଜଟି ବର୍ତ୍ତମାନ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି ।
— Sam (@sam1998011) April 8, 2022
