୬ ଜଣ ଯାତ୍ରୀଙ୍କୁ ନେଇ ଯାଉଥିବା ବିମାନ ନିଖୋଜ
ନୂଆଦିଲ୍ଲୀ: ୬ ଜଣ ଯାତ୍ରୀଙ୍କୁ ନେଇ ଉଡ଼ାଣ ଭରିଥିବା ଏକ ବିମାନ ନିଖୋଜ ହୋଇଯାଇଛି । ମୋଟ ୬ ଯାତ୍ରୀଙ୍କ ମଧ୍ୟରୁ ୫ ଜଣ ବିଦେଶୀ ନାଗରିକ ଥିଲେ । ସକାଳ ୧୦ଟା ୧୨ ମିନିଟ ସମୟରେ ମାନଗ ଏୟାର ହେଲିକପ୍ଟରର କୌଣସି ପତ୍ତା ମିଳିନଥିଲା । ହେଲିକପ୍ଟରଟି କାଠମାଣ୍ଡୁ ଅଭିମୁଖେ ଯାତ୍ରା କରୁଥିବା ବେଳେ ତାହା ରାଡାରରୁ ଅଦୃଶ୍ୟ ହୋଇଯାଇଥିବା ରିପୋର୍ଟରୁ ଜଣାପଡ଼ିଛି ।
ସୂଚନା ମୁତାବକ, ୬ ଜଣଙ୍କୁ ନେଇ ଯାତ୍ରା କରୁଥିବା ବିମାନଟି ମାଉଣ୍ଟ ଏଭରେଷ୍ଟ ନିକଟରେ ନିଖୋଜ ହୋଇଯାଇଥିଲା । ହେଲିକପ୍ଟର ସହ ସମ୍ପର୍କ ଛିନ୍ନ ହେବା ପରେ ତା’ର ସନ୍ଧାନ କାର୍ଯ୍ୟ ଜାରି ରହିଛି । ସୂଚନା ଅଧିକାରୀଙ୍କ ଅନୁଯାୟୀ, ହେଲିକପ୍ଟରଟି ସୋଲେୁଖୁମ୍ବୁଠାରୁ କାଠମାଣ୍ଡୁ ଅଭିମୁଖେ ଯାତ୍ରା କରୁଥିଲା । ସକାଳ ପାଖାପାଖି ୧୦ଟା ସମୟରେ ନିୟନ୍ତ୍ରଣ ଟାୱାର ସହ ବିମାନର କୌଣସି ସମ୍ପର୍କ ରହିନଥିଲା ।
ସୂଚନାଯୋଗ୍ୟ ଯେ, ନିକଟରେ ନେପାଳରେ ଏକ ପ୍ଲେନ କ୍ରାସ ହୋଇଥିଲା । ଉକ୍ତ ଦୁର୍ଘଟଣାରେ ୭୦ରୁ ଅଧିକ ଲୋକଙ୍କର ମୃତ୍ୟୁ ଘଟିଥିଲା । ଗତ ଜାନୁଆରୀ ମାସରେ ଘଟିଥିବା ଏହି ଦୁର୍ଘଟଣାକୁ ନେପାଳର ସବୁଠାରୁ ଭୟଙ୍କର ବିମାନ ଦୁର୍ଘଟଣା କୁହାଯାଉଛି । ୟେତି ଏୟାରଲାଇନ୍ସର ଉକ୍ତ ବିମାନ କାଠମାଣ୍ଡୁରୁ ପୋଖରା ଯାଉଥିଲା । ସେଥିରେ ୪ ଜଣ କ୍ରୁ ମେମ୍ବରଙ୍କ ସମେତ ୭୨ ଜଣ ଯାତ୍ରୀ ରହିଥିଲେ । ବିମାନଟି ସେତି ନଦୀରେ ଏକ ଖାଇରେ ଖସି ପଡ଼ିବାରୁ ସମସ୍ତଙ୍କର ମୃତ୍ୟୁ ଘଟିଥିଲା । ଦୁର୍ଘଟଣା ପରେ ବିମାନରେ ନିଆଁ ଲାଗିଯିବାରୁ ଉଦ୍ଧାର କାର୍ଯ୍ୟରେ ବାଧା ସୃଷ୍ଟି ହୋଇଥିଲା ।
A helicopter with 6 people on board has gone missing in Nepal.
“The chopper was en route to Kathmandu from Solukhumbu and got disconnected with the control tower at around 10 in the morning,” Information Officer Gyanendra Bhul.
The helicopter with the call sign 9NMV got off… pic.twitter.com/w1x0qM0QIW
— ANI (@ANI) July 11, 2023
