Digital Health ସେବା ଯୋଗାଉଥିବା ଡାକ୍ତରଖାନାଗୁଡ଼ିକ ପାଇଁ ନୂତନ ମାନକ, ରୋଗୀଙ୍କ ତଥ୍ୟକୁ ସୁରକ୍ଷିତ ରଖିବା ଏବେ ମେଡିକାଲର ଦାୟୀତ୍ୱ
ନୂଆଦିଲ୍ଲୀ:ରୋଗୀଙ୍କୁ ଡିଜିଟାଲ ସ୍ୱାସ୍ଥ୍ୟ ସେବା ଯୋଗାଉଥିବା ଡାକ୍ତରଖାନାଗୁଡ଼ିକୁ ବର୍ତ୍ତମାନ ନୂତନ ମାନକ ଅନୁସରଣ କରିବାକୁ ପଡିବ। ନ୍ୟାସନାଲ ମାନ୍ୟତା ବୋର୍ଡ (NABH) ଡାକ୍ତରଖାନା ପାଇଁ ଡିଜିଟାଲ୍ ସ୍ୱାସ୍ଥ୍ୟ ମାନକ ପ୍ରସ୍ତୁତ କରିଛି, ଯାହା ଅଧୀନରେ ଏ ଗ୍ରେଡ୍ ସ୍ୱୀକୃତି ପାଇଁ ଡାକ୍ତରଖାନାଗୁଡ଼ିକୁ ନୂତନ ନିୟମ ଅନୁଯାୟୀ OPD, ନିଯୁକ୍ତି, ଅନୁସନ୍ଧାନ, ମାନବ ସମ୍ବଳ ସମ୍ବନ୍ଧରେ ଡିଜିଟାଲ୍ ସେବା ରଖିବାକୁ ପଡିବ ।
NABH ଏହି ମାନକଗୁଡିକର ଏକ ଡ୍ରାଫ୍ଟ ଜାରି କରିଛି ଏବଂ ପରାମର୍ଶ ଲୋଡିଛି । କ୍ୱାଲିଟି କାଉନସିଲ୍ ଅଫ୍ ଇଣ୍ଡିଆ ଅଧୀନରେ ଥିବା NABH ଡାକ୍ତରଖାନାଗୁଡ଼ିକରେ ଉନ୍ନତ ସ୍ୱାସ୍ଥ୍ୟସେବା ପାଇଁ ଏକ ଗ୍ରେଡ୍ ସ୍ୱୀକୃତି ପ୍ରଦାନ କରାଯାଇଥାଏ । ଏହି ବୋର୍ଡ ଆଗାମୀ କିଛି ଦିନ ମଧ୍ୟରେ ଡିଜିଟାଲ୍ ସ୍ୱାସ୍ଥ୍ୟ ସେବା ଯୋଗାଉଥିବା ଲୋକଙ୍କୁ ମଧ୍ୟ ସ୍ୱୀକୃତି ପ୍ରଦାନ କରିବ । ଏଥିରେ ଡାକ୍ତରଖାନା, କ୍ଲିନିକ୍, ନର୍ସିଂହୋମ, ପରୀକ୍ଷା କେନ୍ଦ୍ର ଅନ୍ତର୍ଭୁକ୍ତ । ଡ୍ରାଫ୍ଟରେ, NABH ସୂଚନା ଦେଇଛି ଯେ, ଏହି ମାନାଙ୍କ ଉଦ୍ଦେଶ୍ୟ ହେଉଛି OPD କିମ୍ବା ହସ୍ପିଟାଲରେ ଭର୍ତ୍ତି ହୋଇଥିବା ରୋଗୀ ଏବଂ ସୁଦୂର ଅଞ୍ଚଳ ରୋଗୀମାନଙ୍କ ମନିଟରିଂକୁ ସହଜ କରିବା ସହାୟକ ହେବ ।
ରୋଗୀମାନଙ୍କ ସହ ଜଡିତ ଡାଟା ଗୋପନୀୟତାକୁ ନୂତନ ମାନଦଣ୍ଡରେ ଗମ୍ଭୀର ବିଚାର କରାଯାଇଛି। ଡିଜିଟାଲ୍ ଟେକ୍ନୋଲୋଜି ମାଧ୍ୟମରେ ଯେଉଁମାନେ ଘରେ ବସି ରୋଗୀଙ୍କୁ ସ୍ୱାସ୍ଥ୍ୟ ଯାଞ୍ଚ, ଚିକିତ୍ସା କିମ୍ବା ଟେଲି-ପରାମର୍ଶଦାତା ଦିଅନ୍ତି, ସେମାନଙ୍କୁ ତଥ୍ୟର ଗୋପନୀୟତା ରଖିବାକୁ ପଡ଼ିବ। NABH ଅନୁଯାୟୀ, ଉଭୟ ସହରାଞ୍ଚଳ ଏବଂ ଗ୍ରାମାଞ୍ଚଳ ସ୍ତରର ଡାକ୍ତରଖାନାକୁ ଦୃଷ୍ଟିରେ ରଖି ନୂତନ ମାନକ ପ୍ରସ୍ତୁତ କରାଯାଇଛି। ଏହାକୁ ଆଧାର କରି ଡାକ୍ତରଖାନାଗୁଡ଼ିକର ମୂଲ୍ୟାୟନ ସ୍ଥିର କରାଯିବ।