ଗାର୍ଲଫ୍ରେଣ୍ଡ ସବାଙ୍କ ପ୍ରେମରେ ଉବୁଟୁବୁ ହ୍ରିତିକ, କେବେ ହେବ ମ୍ୟାରେଜ୍

ନୂଆଦିଲ୍ଲୀ: ବଲିଉଡର ହଟ୍ ଡ୍ୟାନ୍ସିଂ ଷ୍ଟାର ହ୍ରିତିକ ରୋଶନ ବର୍ତ୍ତମାନ କାଫି ଚର୍ଚ୍ଚାରେ ରହିଛନ୍ତି । ଖୁବଶୀଘ୍ର ହ୍ରିତିକ ବିବାହ କରିବାକୁ ଯାଉଥିବା ଶୁଣାଯାଉଛି । ଗତ ୨୦୧୪ରେ ହ୍ରିତିକ ପତ୍ନୀ ସୁସେନ ଖାନଙ୍କ ଠାରୁ ଅଲଗା ହୋଇଥିଲେ । ତେବେ ବର୍ତ୍ତମାନ ହ୍ରିତିଶଙ୍କୁ ଅଧିକାଂଶ ସମୟରେ ଅଭିନେତ୍ରୀ ସବା ଆଜାଦଙ୍କ ସହ ଦେଖିବାକୁ ମିଳୁଛି । ଦୁହେଁ ଏକତ୍ର ଡିନର ଡେଟରେ ଯାଉଥିବା ପୂର୍ବରୁ ଜଣାପଡ଼ିଥିଲା । ସବୁା ପ୍ରାୟ ସମୟରେ ସୋସିଆଲ ମିଡ଼ିଆରେ ଆକ୍ଟିଭ ରହିଥାନ୍ତି । ଏନେଇ ଗତ ୭ ତାରିଖରେ ସେ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏକ ପୋଷ୍ଟ ଶେୟାର କରିଥିଲେ । ତେବେ ଏହି ପୋଷ୍ଟରେ ହ୍ରିତିକ କମେଣ୍ଟ ଦେଇଥିବା ଜଣାପଡ଼ିଥିଲା ।

ଏହା ପୂର୍ବରୁ ମଧ୍ୟ ହ୍ରିତିକ ସବାଙ୍କ ଇନଷ୍ଟାଗ୍ରାମ ପୋଷ୍ଟ ଉପରେ କମେଣ୍ଟ ଦେଇଥିଲେ । କିଛିଦିନ ତଳେ ଅଭିନେତ୍ରୀଙ୍କ ସ୍ୱାସ୍ଥ୍ୟ ଖରାପ ଥିବାରୁ ରୋଶନ ଫ୍ୟାମିଲି ତରଫରୁ ସବାଙ୍କ ପାଇଁ ଖାନା ପଠାଯାଇଥିଲା । ତେଣୁ ହ୍ରିତିକଙ୍କ ପରିବାରବର୍ଗ ସବାଙ୍କୁ ପସନ୍ଦ କରୁଥିବା ସ୍ପଷ୍ଟ ହୋଇଯାଇଥିଲା । ତେବେ ଦୁହିଁଙ୍କର ଲଭ ଆଙ୍ଗେଲ ଆଗକୁ ବଢ଼ି ସାରିଥିବାରୁ ଦୁହେଁ କେବେ ମ୍ୟାରେଜ୍ କରିବେ ବୋଲି ଫ୍ୟାନ୍ସ ଧରି ନେଇଛନ୍ତି । ଏ ବାବଦରେ ଏହି ଲଭ୍ କପଲଙ୍କ ପକ୍ଷରୁ କୌଣସି ରିଆକ୍ସନ ଆସିନାହିଁ ।

ଖୁବଶୀଘ୍ର ହ୍ରିତିକ ସୈଫ ଅଲ୍ଲୀ ଖାନଙ୍କ ସହ ଆକ୍ସନ ଥ୍ରିଲର ଫିଲ୍ମ ‘ବିକ୍ରମ ବେଧା’ରେ ପରଦାରେ ଦେଖାଦେବେ । ଏହି ଫିଲ୍ମଟି ପ୍ରସିଦ୍ଧ ତାମିଲ ଫିଲ୍ମର ରିମେକ୍ ଅଟେ । ଏଥିସହ ଫିଲ୍ମ ‘ଫାଇଟର’ରେ ହ୍ରିତିକ ପ୍ରଥମ ଥର ପାଇଁ ଅଭିନେତ୍ରୀ ଦୀପିକା ପାଦୁକୋନଙ୍କ ସହ ସ୍କ୍ରିନରେ ଆସିବେ, ଯାହାକି ଆସନ୍ତା ବର୍ଷ ରିଲିଜ୍ ହେବାର ଯୋଜନା ରହିଛି । ଅନ୍ୟପଟେ ସବା ମହାନ ଭାରତୀୟ ବୈଜ୍ଞାନିକ ହୋମୀ ଜାହାଙ୍ଗୀର ଭାବା ଓ ବିକ୍ରମ ସାରାଭାଇଙ୍କ ଜୀବନ ଉପରେ ଆଧାରିତ ୱେବ ସିରିଜ୍ ‘ରକେଟ୍ ବଏଜ’ରେ ଦେଖାଦେଇଥିଲେ ।