ଏଣିକି ସ୍ୱାମୀ-ସ୍ତ୍ରୀ ଉଭୟଙ୍କୁ ମିଳିବ ୬୦୦୦ ଟଙ୍କା! ଜାଣନ୍ତୁ PM Kisanର ନୂଆ ନିୟମ
ନୂଆଦିଲ୍ଲୀ: ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି ଯୋଜନା ଅଧୀନରେ ସରକାର ବାର୍ଷିକ ୬୦୦୦ ଟଙ୍କା ଅର୍ଥାତ୍ ୨୦୦୦ ଟଙ୍କାର ୩ଟି କିସ୍ତି ଚାଷୀଙ୍କ ଆକାଉଣ୍ଟକୁ ପଠାଉଛନ୍ତିି । କିନ୍ତୁ ବର୍ତ୍ତମାନ ସୁଦ୍ଧା ଏହି ଯୋଜନାରେ ଅନେକ ପରିବର୍ତ୍ତନ ହୋଇଛି । କେବେ ଆବେଦନକୁ ନେଇ ତ ‘ଆଉ କେବେ ଯୋଗ୍ୟପାତ୍ରଙ୍କୁ ନେଇ, ପିଏମ ଯୋଜନାରେ ଅନେକ ପରିବର୍ତ୍ତନ ହୋଇଛି । ଏବେ ଏହି ଯୋଜନାରେ ସ୍ୱାମୀ-ସ୍ତ୍ରୀ ଉଭୟଙ୍କୁ ପିଏମ କିଷାନ ସମ୍ମାନ ନିଧି ଯୋଜନାର ଲାଭ ମିଳିବା ବିଷୟରେ ଆଲୋଚନା ଚାଲିଛି । ଆସନ୍ତୁ ଜାଣିବା କ’ଣ ରହିଛି ନୂଆ ନିୟମ…
ପ୍ରଧାନମନ୍ତ୍ରୀ କିଷାନ ଯୋଜନା ଅନୁଯାୟୀ, ଉଭୟ ସ୍ୱାମୀ-ସ୍ତ୍ରୀ ପିଏମ କିଷାନ ସମ୍ମାନ ନିଧି ଯୋଜନାର ଲାଭ ଉଠାଇ ପାରିବେ ନାହିଁ । ଯଦି କେହି ଏପରି କରନ୍ତି, ତେବେ ସରକାର ତାଙ୍କୁ ଫେକ୍ ବୋଲି କହି ତାଙ୍କଠାରୁ ଟଙ୍କା ଫେରାଇ ଆଣିବ । ଏହା ବ୍ୟତୀତ ଏପରି ଅନେକ ଜିନିଷ ଅଛି, ଯାହା କୃଷକମାନଙ୍କୁ ଅଯୋଗ୍ୟ କରିଥାଏ । ଯଦି ଅଯୋଗ୍ୟ କୃଷକମାନେ ଏହି ଯୋଜନାର ଲାଭ ଉଠାନ୍ତି, ତେବେ ସେମାନଙ୍କୁ ସମସ୍ତ କିସ୍ତି ସରକାରଙ୍କୁ ଫେରସ୍ତ କରିବାକୁ ପଡ଼ିବ । ଏହି ଯୋଜନାର ନିୟମ ଅନୁଯାୟୀ, ଯଦି କୃଷକ ପରିବାରରେ କେହି ଟ୍ୟାକ୍ସ ଦିଅନ୍ତି, ତେବେ ଏହି ଯୋଜନାର ଲାଭ ଉଠାଇ ପାରିବେ ନାହିଁ । ଅର୍ଥାତ୍ ଯଦି ପତି-ପତ୍ନୀଙ୍କ ମଧ୍ୟରୁ କେହି ଗତ ବର୍ଷ ଇନକମ୍ ଟ୍ୟାକ୍ସ ଦେଇଛନ୍ତି, ତେବେ ସେମାନେ ଏହି ଯୋଜନାର ଲାଭ ପାଇବେ ନାହିଁ ।
କିଏ ଅଯୋଗ୍ୟ?
ନିୟମ ଅନୁଯାୟୀ, ଯଦି ଜଣେ କୃଷକ ନିଜର ଚାଷ ଜମିକୁ କୃଷି କାର୍ଯ୍ୟ ପାଇଁ ବ୍ୟବହାର କରୁନାହାଁନ୍ତି ବରଂ ଅନ୍ୟ କାମ ପାଇଁ କିମ୍ବା ଅନ୍ୟମାନଙ୍କ କ୍ଷେତରେ ଚାଷ କାର୍ଯ୍ୟ କରନ୍ତି, ଏବଂ ସେହି କ୍ଷେତ୍ରଟି ତାଙ୍କର ନୁହେଁ, ଏହିପରି ଚାଷୀମାନେ ମଧ୍ୟ ଏହି ଯୋଜନାର ଲାଭ ଉଠାଇବାକୁ ହକଦାର ହେବେନାହିଁ । ଯଦି ଜଣେ କୃଷକ ଚାଷ କରୁଛନ୍ତି, କିନ୍ତୁ କ୍ଷେତ ତାଙ୍କ ନାମରେ ନୁହେଁ ବରଂ ତାଙ୍କ ପିତା କିମ୍ବା ଜେଜେବାପାଙ୍କ ନାମରେ ଅଛି, ତେବେ ସେ ମଧ୍ୟ ଏହି ଯୋଜନାର ଲାଭ ଉଠାଇପାରିବେ ନାହିଁ ।
ଯଦି କେହି କୃଷି ଜମିର ମାଲିକ ଅଛନ୍ତି, କିନ୍ତୁ ସେ ଜଣେ ସରକାରୀ କର୍ମଚାରୀ କିମ୍ବା ଅବସରପ୍ରାପ୍ତ, ଏବେକାର କିମ୍ବା ପୂର୍ବତନ ସାଂସଦ, ବିଧାୟକ, ମନ୍ତ୍ରୀ ଅଛନ୍ତି ତେବେ କିଷାନ ଯୋଜନା ପାଇଁ ମଧ୍ୟ ଏହିପରି ବ୍ୟକ୍ତି ଅଯୋଗ୍ୟ ଅଟନ୍ତି । ବୃତ୍ତିଗତ ପଞ୍ଜୀକୃତ ଡାକ୍ତର, ଇଞ୍ଜିନିୟର, ଆଇନଜୀବୀ, ଚାର୍ଟାର୍ଡ ଆକାଉଣ୍ଟାଣ୍ଟ କିମ୍ବା ସେମାନଙ୍କ ପରିବାର ସଦସ୍ୟ ମଧ୍ୟ ଅଯୋଗ୍ୟ ତାଲିକାରେ ଆସିଥାନ୍ତିି । ଇନକମ୍ ଟ୍ୟାକ୍ସ ଦେଉଥିବା ପରିବାରଙ୍କୁ ମଧ୍ୟ ଏହି ଯୋଜନାର ଲାଭ ମିଳିବ ନାହିଁ ।
