ପାଣି ଗରମ କରିବାକୁ ରଡ୍ ବ୍ୟବହାର କରୁଛନ୍ତି କି ? ତେବେ ଏହି ଦିଗ ପ୍ରତି ଦିଅନ୍ତୁ ଧ୍ୟାନ୍
ଶୀତଦିନେ ଥଣ୍ଡା ପାଣିରେ ଗାଧୋଇବାର ଡ଼ର ରହିଥାଏ ଏବଂ ଏଥିରୁ ରକ୍ଷା ପାଇବା ପାଇଁ କିଛି ଲୋକ ଗିଜର ବ୍ୟବହାର କରୁଥିବାବେଳେ ଅଧିକାଂଶ ଲୋକ ପାଣି ଗରମ କରିବା ପାଇଁ ୱାଟର ହିଟର ରଡ ବ୍ୟବହାର କରନ୍ତି ।
ଏହାର ବ୍ୟବହାର କରିବା ଦ୍ୱାରା ବିଦ୍ୟୁତ୍ ବିଲ୍ ମଧ୍ୟ କମ୍ ଆସିଥାଏ, କିନ୍ତୁ ଆପଣ ଜାଣନ୍ତି କି ୱାଟର ହିଟର ରଡ୍ ବ୍ୟବହାର କରିବାରେ ଅନେକ ସତର୍କତା ଅବଲମ୍ବନ କରିବାକୁ ପଡିବ । କାରଣ ଏହା ଏକ ଅତ୍ୟନ୍ତ ବିପଦପୂର୍ଣ୍ଣ କାମ ଭାବରେ ବିବେଚନା କରାଯାଏ ଏବଂ ଏକ ଛୋଟ ଭୁଲ ମଧ୍ୟ କ୍ଷତିକାରକ ବୋଲି ପ୍ରମାଣିତ ହୋଇପାରେ ।
ଏହି ଉପାୟରେ ରଡ଼ ବ୍ୟବହାର କରନ୍ତୁ :-
ୱାଟର ହିଟର ରଡଗୁଡିକ ଦୀର୍ଘ ସମୟ ଧରି ଚାଲିଆସିଛି ଏବଂ ତାହା ବର୍ଷ ବର୍ଷ ଧରି ନଷ୍ଟ ମଧ୍ୟ ହୋଇନଥାଏ । କିନ୍ତୁ ୨ ବର୍ଷ ପୁରୁଣା ହିଟର ରଡ ବ୍ୟବହାର କରିବାରେ ବହୁତ ବିପଦ ଅଛି, କାରଣ ଏଥିରେ କରେଣ୍ଟ ଲାଗିପାରେ ।
ବାଲ୍ଟିରେ ରଖିବା ପରେ ରଡ଼ ଅନ୍ କରନ୍ତୁ :-
ବାସ୍ତବରେ ଅନେକ ଲୋକ ରଡ଼ଟିକୁ ଭୁଲ ଉପାୟରେ ବ୍ୟବହାର କରନ୍ତି । କାରଣ ଏହାକୁ ଅନ୍ କରିବା ପରେ ବାଲ୍ଟିରେ ରଖନ୍ତି, କିନ୍ତୁ ଏହାଦ୍ୱାରା କଣ୍ଟେ ମାରିବାର ବିପଦ ରହିଛି । ତେଣୁ ପ୍ରଥମେ ରଡ଼ଟିକୁ ପାଣି ଭର୍ତ୍ତି ବାଲ୍ଟିରେ ରଖି ତା’ପରେ ଏହାକୁ ଅନ୍ କରିବା ଠିକ୍ ।
ରଡ଼୍ ସଫା କର :-
ସମୟ ସମୟରେ ୱାଟର ହିଟର ରଡକୁ ସଫା କରିବା ମଧ୍ୟ ଆବଶ୍ୟକ । କାରଣ ଏହା ଖରାପ ହୋଇଗଲେ ପାଣିକୁ ଅଧିକ ଗରମ କରିବାରେ ସକ୍ଷମ ହୁଏ ନାହିଁ ।
ପ୍ଲାଷ୍ଟିକ୍ ବାଲ୍ଟି ବ୍ୟବହାର କରନ୍ତୁ :-
ଅନେକ ଲୋକ ପାଣି ଗରମ କରିବା ପାଇଁ ଏକ ଲୁହା ବାଲ୍ଟିରେ ରଡ଼ ବ୍ୟବହାର କରନ୍ତି । କିନ୍ତୁ ଏଥିରେ କରେଣ୍ଟ ମାରିବାର ଭୟ ରହିଛି । ଏପରି ପରିସ୍ଥିତିରେ କେବଳ ପ୍ଲାଷ୍ଟିକ୍ ବାଲ୍ଟି ବ୍ୟବହାର କରିବା ଉଚିତ୍ ।
