ବୃଦ୍ଧି ପାଇବ ଭାରତୀୟ ନୌସେନାର ଶକ୍ତି: ୨୦ ହଜାର କୋଟି ଟଙ୍କାରେ ନିର୍ମାଣ ହେବ ୫ ଟି ଜାହାଜ, ମିଳିଲା କେନ୍ଦ୍ର ସରକାରଙ୍କ ଅନୁମତି
ନୂଆଦିଲ୍ଲୀ: ଭାରତୀୟ ନୌସେନାର ଦକ୍ଷତା ବୃଦ୍ଧି ପାଇଁ ଏକ ବଡ ପଦକ୍ଷେପ ନେଇ କେନ୍ଦ୍ର ସରକାର ୨୦,୦୦୦କୋଟି ଟଙ୍କା ମୂଲ୍ୟର ପ୍ରତିରକ୍ଷା ପ୍ରକଳ୍ପକୁ ସବୁଜ ସଙ୍କେତ ଦେଇଛନ୍ତି। ପ୍ରତିରକ୍ଷା କ୍ଷେତ୍ରରେ ‘ମେକ୍ ଇନ୍ ଇଣ୍ଡିଆ’ ମିଶନ୍ ପ୍ରତି ପ୍ରତିବଦ୍ଧତାକୁ ଦୃଷ୍ଟିରେ ରଖି କେନ୍ଦ୍ର ସରକାର ଭାରତୀୟ ନୌସେନା ପାଇଁ ପାଞ୍ଚଟି ଫ୍ଲାଇଟ୍ ସପୋର୍ଟ ଜାହାଜ ନିର୍ମାଣକୁ ଅନୁମୋଦନ କରିଛନ୍ତି। ଏହି ଜାହାଜଗୁଡ଼ିକ ପ୍ରସ୍ତୁତ ହେବା ପରେ ସମୁଦ୍ରରେ ନିୟୋଜିତ ନୌସେନା ଜାହାଜକୁ ଇନ୍ଧନ, ଅସ୍ତ୍ରଶସ୍ତ୍ର ଏବଂ ଖାଦ୍ୟ ଯୋଗାଇବାରେ ସାହାଯ୍ୟ କରାଯିବ।
ନ୍ୟୁଜ୍ ଏଜେନ୍ସି ANI ଅନୁଯାୟୀ, କ୍ୟାବିନେଟ ବୈଠକରେ ଅନୁମୋଦିତ ଏହି ଗୁରୁତ୍ୱପୂର୍ଣ୍ଣ ପ୍ରକଳ୍ପର ଆନୁମାନିକ ମୂଲ୍ୟ ପ୍ରାୟ ୨୦,୦୦୦ କୋଟି ଟଙ୍କା, ଯେଉଁଥିରେ ପାଞ୍ଚଟି ଉନ୍ନତ ଜାହାଜ ନିର୍ମାଣ ହେବ। ଏହି ପାଞ୍ଚଟି ଜାହାଜ ବିଶାଖାପାଟନମରେ ପ୍ରତିରକ୍ଷା ମନ୍ତ୍ରଣାଳୟର ହିନ୍ଦୁସ୍ତାନ ସିପିୟାର୍ଡ ଲିମିଟେଡ୍ (HSL) ଦ୍ୱାରା ନିର୍ମାଣ ହେବ।
୮ ବର୍ଷରେ ପ୍ରସ୍ତୁତ ହେବ ଏହି ଜାହାଜ।
ପାଞ୍ଚଟି ଫ୍ଲାଇଟ୍ ସପୋର୍ଟ ଜାହାଜ ନିର୍ମାଣ ପାଇଁ ଭାରତୀୟ ନୌସେନା ଦ୍ୱାରା HSL ମନୋନୀତ ହୋଇଥିଲା। ହିନ୍ଦୁସ୍ତାନ ସିପିୟାର୍ଡ ଲିମିଟେଡ୍ ଆସନ୍ତା 8 ବର୍ଷ ମଧ୍ୟରେ ଏହି ଜାହାଜ ନିର୍ମାଣ କରି ନୌସେନାକୁ ଦେବା ପାଇଁ ଲକ୍ଷ୍ୟ ରଖାଯାଇଛି। ଏହି ଜାହାଜଗୁଡ଼ିକର ପ୍ରତ୍ୟେକର ଓଜନ ପ୍ରାୟ ୪୫,୦୦୦ ଟନ୍ ହେବ।
ANI କହିଛନ୍ତି, “ପ୍ରାୟ ୨୦,୦୦୦କୋଟି ଟଙ୍କା ମୂଲ୍ୟର ଏହି ପ୍ରକଳ୍ପକୁ ବୁଧବାର ଦିନ ଏକ ଉଚ୍ଚ ସ୍ତରୀୟ ବୈଠକରେ କେନ୍ଦ୍ର ସରକାର ଚୂଡ଼ାନ୍ତ ନିଷ୍ପତି ଶୁଣାଇଛନ୍ତି। ଏହି ପାଞ୍ଚଟି ଜାହାଜ ସହାୟତା ଜାହାଜ HSL ଦ୍ୱାରା ଅନେକ ଭାରତୀୟ ବେସରକାରୀ କ୍ଷେତ୍ର ନିର୍ମାଣ ହେବ। ଏବଂ ମଧ୍ୟମ ଉଦ୍ୟୋଗଗୁଡିକର ସହଯୋଗରେ କରାଯିବ। ସ୍ୱଦେଶୀ ନିର୍ମିତ ଜାହାଜଗୁଡ଼ିକ ମଧ୍ୟ ସରକାରୀ ନିର୍ଦ୍ଦେଶନାମା ଅନୁଯାୟୀ ଭାରତୀୟ ନୌସେନାର ଆତ୍ମନିର୍ଭରତା ଲକ୍ଷ୍ୟକୁ ବୃଦ୍ଧି କରିବ।
