ଭାରତର ପ୍ରଥମ ମଙ୍କିକ୍ସ ରୋଗୀ ସଂପୂର୍ଣ୍ଣ ଆରୋଗ୍ୟ, ଖୁବଶୀଘ୍ର ହସ୍ପିଟାଲରୁ ହେବେ ଡିସଚାର୍ଜ
ଥିରୁବାନ୍ତପୁରମ୍: ଦେଶର ପ୍ରଥମ ମଙ୍କିକ୍ସ ରୋଗୀ ତଥା ଥିରୁବାନ୍ତପୁରମ୍ ସରକାରୀ ମେଡିକାଲ୍ କଲେଜରେ ଚିକିତ୍ସିତ ହେଉଥିବା କେରଳର ଜଣେ ବ୍ୟକ୍ତି ଏହି ରୋଗରୁ ମୁକ୍ତି ପାଇଛନ୍ତି ବୋଲି ରାଜ୍ୟ ସ୍ୱାସ୍ଥ୍ୟମନ୍ତ୍ରୀ ଭେନା ଜର୍ଜ କହିଛନ୍ତି । କେରଳର କୋଲାମରୁ ଆସିଥିବା ୩୫ ବର୍ଷୀୟଙ୍କୁ ଖୁବଶୀଘ୍ର ଡିସଚାର୍ଜ କରାଯିବ ବୋଲି ସେ କହିଛନ୍ତି । ଏହା ଦେଶରେ ମଙ୍କିକ୍ସର ପ୍ରଥମ ମାମଲା ହୋଇଥିବାରୁ ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଭାଇରୋଲୋଜିର ନିର୍ଦ୍ଦେଶ ଅନୁଯାୟୀ ୭୨ ଘଣ୍ଟା ବ୍ୟବଧାନରେ ଆକ୍ରାନ୍ତଙ୍କର ଦୁଇଥର ପରୀକ୍ଷା କରାଯାଇଥିଲା ବୋଲି ସେ କହିଛନ୍ତି । “ସମସ୍ତ ନମୁନା ଦୁଇଥର ନକାରାତ୍ମକ ଥିଲା । ରୋଗୀ ଶାରୀରିକ ଏବଂ ମାନସିକ ସ୍ତରରେ ସୁସ୍ଥ ଅଛନ୍ତି ।
ଚର୍ମରୋଗ ସମ୍ପୂର୍ଣ୍ଣ ଭଲ ହୋଇଯାଇଛି ବୋଲି ଶ୍ରୀମତୀ ଜର୍ଜ କହିଛନ୍ତି । ତାଙ୍କ ସହ ପ୍ରାଥମିକ ଯୋଗାଯୋଗ ତାଲିକାରେ ଥିବା ତାଙ୍କ ପରିବାର ସଦସ୍ୟଙ୍କ ପରୀକ୍ଷା ଫଳାଫଳ ମଧ୍ୟ ନକାରାତ୍ମକ ବୋଲି ମନ୍ତ୍ରୀ କହିଛନ୍ତି । ସଂକ୍ରମିତ ଅନ୍ୟ ଦୁଇ ଜଣଙ୍କ ସ୍ୱାସ୍ଥ୍ୟ ଅବସ୍ଥା ମଧ୍ୟ ସନ୍ତୋଷଜନକ ରହିଛି ବୋଲି ମନ୍ତ୍ରୀ କହିଛନ୍ତି । ବିଦେଶରୁ କେରଳକୁ ଫେରିଥିବା ଏବଂ ମଙ୍କିକ୍ସର ଲକ୍ଷଣ ଦେଖାଯିବା ପରେ ଡାକ୍ତରଖାନାରେ ଭର୍ତ୍ତି ହୋଇଥିବା କୋଲାମ ମୂଳ ବାସିନ୍ଦା ଜୁଲାଇ ୧୪ ରେ ଏହି ରୋଗ ପାଇଁ ପଜିଟିଭ୍ ହୋଇଥିଲେ।
