ଭୁବନେଶ୍ୱରରେ ଚାଞ୍ଚଲ୍ୟ: ବାଣୀ ବିହାର ରେଳ ଧାରଣା କଡ଼ରେ କ୍ଷତାକ୍ତ ମୃତଦେହ, ତନାଘନା ଆରମ୍ଭ

ଭୁବନେଶ୍ୱର: ପୁଣିଥରେ ରାଜଧାନୀ ଭୁବନେଶ୍ୱରରେ ପଡ଼ିଛି ଚହଳ । ରାଜଧାନୀର ରେଳ ଧାରଣାରେ ପଡ଼ିଛି ଅଜଣା ଅଚିହ୍ନା ମୃତଦେହ । ବାଣୀବିହାର ରେଲୱେ ଷ୍ଟେସନ ନିକଟରେ ଏକ ଅଜଣା ମୃତଦେହ ଉଦ୍ଧାର କରାଯାଇଛି । ଷ୍ଟେସନ ପାଖ ରେଳ ଧାରଣା କଡ଼ରେ ଜଣେ ବ୍ୟକ୍ତିଙ୍କର କ୍ଷତାକ୍ତ ମୃତଦେହ ଉଦ୍ଧାର କରିଛି ପୋଲିସ । ସାରା ଦେହରେ କ୍ଷତ ଚିହ୍ନ ଥିବାରୁ ବଢିଛି ସସପେନ୍ସ । ତେବେ ବର୍ତ୍ତମାନ ସୁଦ୍ଧା ମୃତକଙ୍କ ପରିଚୟ ମିଳି ପାରିନାହିଁ । ତେବେ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିବା ସହ ତଦନ୍ତ ଆରମ୍ଭ କରିଛି ।