Video: ମ୍ୟାଚ ପରେ ଗାଙ୍ଗୁଲିଙ୍କ ସହିତ ହାତ ମିଳାଇଲେନି ବିରାଟ କୋହଲି: ମ୍ୟାଚ୍ ମଝିରେ ଗାଙ୍ଗୁଲିଙ୍କୁ କାହିଁକି ଏପରି ଚାହିଁଲେ ବିରାଟ
ନୂଆଦିଲ୍ଲୀ : ଆଇପିଏଲର ୧୬ ତମ ସିଜନରେ ବେଙ୍ଗାଲୁରୁ ଏବଂ ଦିଲ୍ଲୀ କ୍ୟାପିଟାଲସ ମଧ୍ୟରେ ତୃତୀୟ ମ୍ୟାଚରେ ଏକପାଖିଆ ବିଜୟ ହାସଲ କରିଛି ବେଙ୍ଗାଲୁରୁ। ଏହି ମ୍ୟାଚରେ ଆରସିବି ଚମତ୍କାର ପ୍ରଦର୍ଶନ କରିଥିଲା ଏବଂ ଏହି ସିଜନରେ ଦ୍ୱିତୀୟ ବିଜୟ ହାସଲ କରିଥିଲା। ଏହି ମ୍ୟାଚ୍ରେ ବିରାଟ କୋହଲିଙ୍କ ଚମତ୍କାର ଇନିଂସ ଯୋଗୁଁ ଆରସିବି ଦଳର ବ୍ୟାଟିଂ ପ୍ରଥମେ ୧୭୪ ରନ୍ ସ୍କୋର କରିଥିଲା ଏବଂ ଏହା ପରେ ଦଳର ବୋଲରଙ୍କ ଉତ୍କୃଷ୍ଟ ପ୍ରଦର୍ଶନ ହେତୁ ଆରସିବି ୨୩ ରନ୍ ବ୍ୟବଧାନରେ ଜିତିଥିଲା। କିନ୍ତୁ ଏହି ମ୍ୟାଚ୍ ଶେଷ ହେବା ପରେ ଏକ ଦୃଶ୍ୟ ଦେଖିବାକୁ ମିଳିଥିଲା ଯାହାକୁ କେହି ଆଶା କରିନଥିଲେ କାରଣ ମ୍ୟାଚ୍ ପରେ ବିରାଟ କୋହଲି ଏବଂ ସୌରଭ ଗାଙ୍ଗୁଲିଙ୍କ ମଧ୍ୟରେ ମୁହାଁମୁହିଁ ପରିସ୍ଥିତି ଦେଖିବାକୁ ମିଳିଥିଲା।
Virat kohli Ignore Ganguly not even handshake .its call karma ganguly never mess with king kohli👍👍👍 pic.twitter.com/IeHjmvI32S
— Radhe krishna🇮🇳 (@king_Virat140) April 15, 2023
ବିସିସିଆଇର ପୂର୍ବତନ ସଭାପତି ସୌରଭ ଗାଙ୍ଗୁଲି ମଧ୍ୟ ଏହି ମ୍ୟାଚରେ। ମ୍ୟାଚ ଶେଷ ପରେ ଯେଉଁ ସମୟରେ ଉଭୟ ପକ୍ଷର ଖେଳାଳି ପରସ୍ପର ସହ ହାତ ମିଳାଇଥିଲେ(ହ୍ୟାଣ୍ଡସେକ) ସେତେବେଳେ ବିରାଟ ଗାଙ୍ଗୁଲିଙ୍କ ସହିତ ହାତ ମିଳାଇ ନଥିଲେ। ଯାହାର ଭିଡିଓ ଏବେ ଭାଇରାଲ ହେଉଛି। ଖେଳ ପରେ ଉଭୟଙ୍କୁ ଭେଟିବା ନିଶ୍ଚିତ ଥିଲା। ଖେଳ ସମାପ୍ତ ହେବା ମାତ୍ରେ ଉଭୟ ଦଳର ଖେଳାଳି ଏବଂ ସପୋର୍ଟ ଷ୍ଟାଫ୍ ପାରମ୍ପାରିକ ହ୍ୟାଣ୍ଡସେକ ପାଇଁ ଯାଇଥିଲେ। କୋହଲି ଆରସିବି ଅଧିନାୟକ ଫାଫ୍ ଡୁ ପ୍ଲେସିସଙ୍କ ପଛରେ ଥିବାବେଳେ ଗାଙ୍ଗୁଲି ଦିଲ୍ଲୀର ମୁଖ୍ୟ ପ୍ରଶିକ୍ଷକ ରିକି ପଣ୍ଟିଙ୍ଗଙ୍କ ପଛରେ ଆସୁଥିଲେ।
Virat Kohli stares towards Sourav Ganguly and Ricky Ponting after takes the catch. 🔥 pic.twitter.com/EmuAzzzzMb
— S. (@Sobuujj) April 15, 2023
ଏହାପୂର୍ବରୁ ମ୍ୟାଚ୍ ବେଳେ କୋହଲି ଏକ କ୍ୟାଚ ଧରିବା ପରେ ଦିଲ୍ଲୀ କ୍ୟାପିଟାଲସର ପ୍ୟାଭିଲିଅନରେ ବସିଥିବା ଗାଙ୍ଗୁଲିଙ୍କ ଆଡକୁ ଏକ ତୀକ୍ଷ୍ଣ ନଜର ଦେଇଥିଲେ। ଦିଲ୍ଲୀ କ୍ୟାପିଟାଲସ ଇନିଂସର ୧୮ ତମ ଓଭରରେ ଏହା ଦେଖିବାକୁ ମିଳିଥିଲା।
