ଫ୍ୟାଶନ ଜଗତରେ ଅପୂରଣୀୟ କ୍ଷତି; ପ୍ରସିଦ୍ଧ ଫ୍ୟାଶନ ଡିଜାଇନର ରୋହିତ ବାଲ୍ଙ୍କ ପରଲୋକ
ନୂଆଦିଲ୍ଲୀ: ଭାରତର ଜଣାଶୁଣା ଫ୍ୟାସନ୍ ଡିଜାଇନର ରୋହିତ ବାଲ୍ଙ୍କ ଶୁକ୍ରବାର ପରଲୋକ ଘଟିଛି । ତାଙ୍କୁ ୬୩ ବର୍ଷ ବୟସ ହୋଇଥିଲା ଏବଂ ସେ ହୃଦ୍ ଜନିତ ରୋଗରେ ପୀଡ଼ିତ ଥିଲେ । ଫ୍ୟାସନ୍ ଡିଜାଇନ୍ କାଉନସିଲ୍ ଅଫ୍ ଇଣ୍ଡିଆ (ଏଫ୍ ଡିସିଆଇ) ନିଜ ଇନଷ୍ଟାଗ୍ରାମ ହ୍ୟାଣ୍ଡେଲରେ ତାଙ୍କ ଦେହାନ୍ତ କୁ ନିଶ୍ଚିତ କରିଛି । ଏଫଡିସିଆଇ ନିଜ ଇନଷ୍ଟାଗ୍ରାମ ପୋଷ୍ଟରେ କହିଛି ଯେ ଏହି କିମ୍ବଦନ୍ତୀ ଡିଜାଇନରଙ୍କ ଦେହାନ୍ତ ହୋଇଛି ।
ରୋହିତ ବାଲ୍ ଏଫ୍ ଡିସିଆଇର ପ୍ରତିଷ୍ଠାତା ସଦସ୍ୟ ଥିଲେ। ପାରମ୍ପରିକ ପୋଷାକକୁ ଆଧୁନିକ ଶୈଳୀରେ ଉପସ୍ଥାପିତ କରିବା ପାଇଁ ସେ ଜଣାଶୁଣା ଥିଲେ। ବାଲଙ୍କ କାର୍ଯ୍ୟ ଭାରତୀୟ ଫ୍ୟାସନର ପରିଚୟ ଦେଇଛି ଏବଂ ପିଢ଼ିକୁ ପ୍ରେରଣା ଦେଇଛି । ପ୍ରସିଦ୍ଧ ପୋଷାକ ବ୍ରାଣ୍ଡ ରେମଣ୍ଡର ସିଇଓ ଗୌତମ ସିଂହାନିଆ ଏକ୍ସରେ ପୋଷ୍ଟ କରି ଲେଖିଛନ୍ତି, ଜଣେ ମହାନ ବନ୍ଧୁଙ୍କୁ ବିଦାୟ ଦେବା ହୃଦୟ ବିଦାରକ ।
ତୁମେ ତୁମ ଆଖପାଖରେ ଥିବା ଲୋକଙ୍କ ଜୀବନରେ ବହୁତ ଆଲୋକ, ହସ ଏବଂ କରୁଣା ଆଣିଛ । ଆପଣଙ୍କ ସହ ବିତାଇଥିବା ପ୍ରତ୍ୟେକ ମୁହୂର୍ତ୍ତ, ପ୍ରତ୍ୟେକ କଥାବାର୍ତ୍ତା ପାଇଁ ମୁଁ କୃତଜ୍ଞ । ତୁମ୍ଭକୁ ଶବ୍ଦ ବ୍ୟତୀତ ଭୁଲିଯିବ, କିନ୍ତୁ ତୁମ୍ଭର ଆତ୍ମା ଆମ ସମସ୍ତଙ୍କ ଭିତରେ ବଞ୍ଚି ରହିବ ।
