ସେଲଫି ନେବା ବେଳେ ଜଣେ ବ୍ୟକ୍ତିଙ୍କୁ ଧକ୍କା ମାରିଲେ ଏମପି ଜୟା ବଚ୍ଚନ
ପଶ୍ଚିମବଙ୍ଗ, ୯ା୪ (ଓଡିଶା ଭାସ୍କର): ବଲିଉଡ୍ ଅଭିନେତ୍ରୀ ତଥା ସମାଜବାଦୀ ପାର୍ଟି ଏମପି ଜୟା ବଚ୍ଚନ ଅନେକ ସମୟରେ ତାଙ୍କ ରୁକ୍ଷ ବ୍ୟବହାର ପାଇଁ ଚର୍ଚ୍ଚାରେ ଥାନ୍ତି । ତେବେ ପୁଣି ଥରେ ସେ ସେହି ଭଳି କିଛି ବିଷୟ ପାଇଁ ସମାଜିକ ଗଣମାଧ୍ୟମରେ ପୁଣି ଚର୍ଚ୍ଚାର ବିଷୟ ପାଲଟିଛନ୍ତି । ଜଣେ ବ୍ୟକ୍ତି ତାଙ୍କ ସହ ସେଲଫି ନେବାକୁ ଯାଉଥିବା ବେଳେ ସେ ଏଭଳି କିଛି ବ୍ୟବହାର କଲେ ଯାହା ତାଙ୍କୁ ପୁଣି ଥରେ ଚର୍ଚ୍ଚାର ପରିସରକୁ ନେଇଆସିଛି ।
ନିକଟରେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ସପକ୍ଷରେ କୋଲକାତାରେ ରୋଡ ସୋ କରୁଥିବା ବେଳେ ଜଣେ ବ୍ୟକ୍ତି ତାଙ୍କ ସେଲଫି ନେବା ପାଇଁ ଚେଷ୍ଟା କରିଥିଲେ । ହେଲେ ଏହା ଜୟାଙ୍କୁ ଆଦୌ ପସନ୍ଦ ନ ଆସିବାରୁ ହଠାତ୍ ଉକ୍ତ ଲୋକକୁ ସେ ଠେଲି ଦେଇଥିଲେ । ଆଉ ଏହି ସମୟର ଭିଡିଓ ସେଠାରେ ଥିବା ପ୍ରତ୍ୟକ୍ଷଦର୍ଶୀ ମାନେ ଉତ୍ତୋଳନ କରିଥିଲେ । ବର୍ତ୍ତମାନ ଏହା ସୋସିଆଲ ମିଡିଆରେ ଖୁବ୍ ଜୋରରେ ଭାଇରାଲ ହେବାରେ ଲାଗିଛି ।
No wonder why Didi chooses arrogant & rude ppl like #JayaBachchan for campaign as TMC is all about misbehaving,arrogance & rudeness.Ppl open ur eyes & brain before voting such party.
& don't know y ppl want selfies such so called arrogant celebs. pic.twitter.com/cpVNWJabia
— Vandana ?? India First ?? (@im_vandy) April 8, 2021
ଜୟାଙ୍କ ଏହି ଭିଡିଓ ଟି ଭାଇରାଲ୍ ହେବାପରେ ଅନେକେ ତାଙ୍କୁ ସମାଲୋଚନା କରିବା ଆରମ୍ଭ କରିଦେଇଛନ୍ତି । ଅନ୍ୟପଟେ ତାଙ୍କର ଏହି ରୁକ୍ଷ ବ୍ୟବହାର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ନିର୍ବାଚନୀ ପ୍ରଚାର ଉପରେ ମଧ୍ୟ ପ୍ରଭାବ ପକାଇଛି । କାରଣ ଏହି ଭାଇରାଲ୍ ଭିଡିଓରେ ଜଣେ ୟୁଜର୍ କମେଣ୍ଟ କରି କହିଛନ୍ତି ଯେ, “କେଜାଣି କାହିଁକି ଦିଦି ଏପରି ଲୋକଙ୍କୁ ଅର୍ଥାତ୍ ଜୟା ବଚ୍ଚନଙ୍କୁ ପ୍ରଚାର କରିବାକୁ ଦେଉଛନ୍ତି । ଟିଏମସି ଦଳ ଖରାପ ବ୍ୟବହାର, ଗର୍ବ ଆଦିରେ ଭରପୁର । ତେଣୁ ଆପଣ ମାନେ ଏହି ଭଳି ଦଳକୁ ଭୋଟ୍ ଦେବା ପୁର୍ବରୁ ଆଖି ଏବଂ ନିଜର ବ୍ରେନ୍ ବ୍ୟବହାର କରି ଭୋଟ୍ ଦିଅନ୍ତୁ’ ।
Kis cheez ka arrogance hai yaar???
Pushing a man rudely just because he was taking selfie? #JayaBachchan pic.twitter.com/f01X7gkh7o
— Sameet Thakkar (@thakkar_sameet) April 8, 2021
ସେହିଭଳି ଆଉ ଜଣେ ୟୁଜର୍ ଟୁଇଟ୍ କରି କହିଛନ୍ତି ଯେ, “କେଉଁ ଜିନିଷ ପାଇଁ ଏତେ ଗର୍ବ କରୁଛନ୍ତି । ଜଣେ ଲୋକକୁ ଆପଣ ସେଲଫି ନେବାରୁ ଧକ୍କା ଦେଲେ ??’ । ଏତିକି ବେଳେ ଆଉ ଜଣେ ଟୁଇଟ୍ କରିଛନ୍ତି ଯେ, “ଯଦି ଜଣେ ପୁରୁଷ ନେତା, ମହିଳାଙ୍କ ପ୍ରତି ଏପରି ବ୍ୟବହାର କରିଥାଆନ୍ତା ତେବେ କଣ ହୋଇଥାଆନ୍ତା?’ ବୋଲି ପ୍ରଶ୍ନ କରିଛନ୍ତି ।
ଅନ୍ୟପଟେ ଜଣେ ନାରିନେତ୍ରୀ ହିସାବରେ ସାଧାରଣ ଲୋକଙ୍କ ପ୍ରତି ଏପରି ବ୍ୟବହାର କେତେ ଗ୍ରହଣୀୟ ବୋଲି ପ୍ରଶ୍ନ ଉଠିବାରେ ଲାଗିଛି । ତେବେ ସୁଚନା ଯେ, ଅଭିନେତ୍ରୀ ଜୟା ବଚ୍ଚନ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ସପକ୍ଷରୁ କୋଲକାତା ହାୱଡାରେ ଏକ ରାଲିରେ ଯୋଗ ଦେଇଥିଲେ ।