Cochin Shipyard Limited ପକ୍ଷରୁ ବାହାରିଲା ୩୫୬ଟି ପଦବୀ, ଅକ୍ଟୋବର ୨୬ ଆବେଦନର ଅନ୍ତିମ ତାରିଖ
ନୂଆଦିଲ୍ଲୀ: ଚାକିରି ଖୋଜୁଥିବା ଯୁବକ, ଯୁବତୀଙ୍କ ପାଇଁ ଏକ ବଡ଼ ଖୁସି ଖବର ଆସିଛି । କୋଚିନ ଶିପୟାର୍ଡ ଲିମିଟେଡ (ସିଏସଏଲ) ପକ୍ଷରୁ ଅନେକ ପଦବୀ ପାଇଁ ବିଜ୍ଞାପନ ବାହାରିଛି । ପ୍ରାର୍ଥୀମାନଙ୍କୁ ଆଇଟିଆଇ ଟ୍ରେଡ ଆପ୍ରେଣ୍ଟାଇସ ଓ ଟେକ୍ନିସିଆନ (ଭୋକେସନାଲ) ଆପ୍ରେଣ୍ଟାଇସ ଭାବେ ନିଯୁକ୍ତି ଦିଆଯିବ । ଇଚ୍ଛୁକ ପ୍ରାର୍ଥୀମାନେ ତଳେ ଦିଆଯାଇଥିବା ନୋଟିଫିକେସନ ଲିଙ୍କକୁ ଯାଇ ନିଯୁକ୍ତି ସମ୍ପର୍କିତ ସମସ୍ତ ସୂଚନା ପାଇପାରିବେ ।
ଗତ ୧୨ ତାରିଖରୁ ଅନଲାଇନ ଆବେଦନ ପ୍ରକ୍ରିୟା ଆରମ୍ଭ ହୋଇସାରିଛି । ଆସନ୍ତା ୨୬ ତାରିଖ ପର୍ଯ୍ୟନ୍ତ ଏହି ଆବେଦନ ଓ ପେମେଣ୍ଟ ପ୍ରକ୍ରିୟା ଜାରି ରହିବ । ପ୍ରାର୍ଥୀଙ୍କର ସର୍ବନିମ୍ନ ବୟସ ୧୮ ବର୍ଷ ହୋଇଥିବା ଆବଶ୍ୟକ । ନିୟମ ଅନୁଯାୟୀ ପ୍ରାର୍ଥୀଙ୍କର ବୟସ କୋହଳ କରାଯିବ । ପ୍ରାର୍ଥୀ ଦଶମ, ଭିଏଚଏସସି, ଆଇଟିଆଇ-ଏନଟିସି (ପ୍ରାସଙ୍ଗିକ ଟ୍ରେଡ)ରେ ପାସ୍ କରିଥିବା ଦରକାର । ମୋଟ ୩୫୬ଟି ପଦବୀ ରହିଥିବା ବେଳେ ଆଇଟିଆଇ ଟ୍ରେଡ ପାଇଁ ୩୪୮ଟି ଓ ଟେକ୍ନିସିଆନ ପାଇଁ ୮ଟି ପଦବୀ ରହିଛି ।
ଅନଲାଇନ ଆବେଦନ ଲିଙ୍କ: https://cochinshipyard.in/careersummary/career_locations/1
ନୋଟିଫିକେସନ ଲିଙ୍କ: https://img.freejobalert.com/uploads/2022/10/Notification-Cochin-Shipyard-Limited-Apprentice-Vacancy.pdf
ଅଫିସିଆଲ ୱେବସାଇଟ ଲିଙ୍କ: https://cochinshipyard.in/
