ଆଇସୋଲେସନରେ ବ୍ରିଟେନର ଯୁବରାଣୀ କେଟ୍; ଜାଣନ୍ତୁ କାହିଁକି
ଲଣ୍ଡନ: ବ୍ରିିଟେନ୍ ରାଜ ପରିବାରର ଡଚେସ୍ ଅଫ୍ କେମ୍ବ୍ରିଜ୍(ଯୁବରାଣୀ) କେଟ୍ ମିଡିଲଟନ୍ ଆଇସୋଲେସନରେ ରହିଛନ୍ତି । ଜଣେ କୋଭିଡ ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିବା ନେଇ ଯୁବରାଣୀ ବର୍ତ୍ତମାନ ସେଲ୍ଫ ଆଇସୋଲେସନରେ ରହିଛନ୍ତି । ବ୍ରିଟେନରେ ଜାରି ରହିଥିବର ୱିମ୍ବେଲଡନ ଟେନିସ ଟୁର୍ଣ୍ଣାମେଣ୍ଟ ଦେଖିବାକୁ ଯାଇଥିଲେ କେଟ୍ । ଏହି ମ୍ୟାଚ୍ ଦେଖିବା ସମୟରେ କେଟ୍ ଜଣେ କୋଭିଡ୍ ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିଲେ । କେଟ୍ ଆକ୍ରାନ୍ତ ସଂସ୍ପର୍ଶରେ ଆସିଥିବା ନେଇ ଜାଣିବା ପରେ ତୁରନ୍ତ ନିଜକୁ ଆଇସୋଲେଟ୍ କରି ରଖିଥିବା ଜଣାପଡିଛି ।
With the tournament having to be cancelled last year, it’s amazing to see fans and players back inside these iconic grounds. #Wimbledon pic.twitter.com/9bzeLjalKt
— The Duke and Duchess of Cambridge (@KensingtonRoyal) July 2, 2021
କେଟଙ୍କ ନିକଟରେ ସଂକ୍ରମଣର କୌଣସି ଲକ୍ଷଣ ନଥିବା ଜଣାପଡିଛି । ତେବେ ସରକାରୀ ଗାଇଡଲାଇନ୍ ଅନୁଯାୟୀ ସେ ସମସ୍ତ କାର୍ଯ୍ୟକ୍ରମରୁ ନିଜକୁ ଦୂରେଇ ରଖିଛନ୍ତି । ଏହା ସହିତ ବ୍ରିଟେନର ୭୩ତମ ଜାତୀୟ ସ୍ୱାସ୍ଥ୍ୟ ସେବା କାର୍ଯ୍ୟକ୍ରମରୁ ମଧ୍ୟ କେଟ୍ ଓହରିବା ସ୍ପଷ୍ଟ ହୋଇଛି । ଉଲ୍ଲେଖଯୋଗ୍ୟ ଯେ, ଉଭୟ କେଟ୍ ଓ ପ୍ରିନ୍ସ ୱିଲିୟମ୍ସ ପ୍ରଥମ ଡୋଜର କରୋନା ଟିକା ନେଇ ସାରିଛନ୍ତି । ମେ ୨୯ ତାରିଖରେ କେଟ୍ ପ୍ରିନ୍ସ ୱିଲିୟମଙ୍କ ସହିତ ନିଜର ପ୍ରଥମ ଡୋଜର ଟିକା ଗ୍ରହଣ କରିଥିଲେ ।
Yesterday I received my first dose of the COVID-19 vaccine at London’s Science Museum. I’m hugely grateful to everyone who is playing a part in the rollout – thank you for everything you are doing. pic.twitter.com/h427iT0n4x
— The Duke and Duchess of Cambridge (@KensingtonRoyal) May 29, 2021
