ଖୋ ଖୋ ବିଶ୍ଵକପ୍: ଓଡ଼ିଆ ଖେଳାଳି ପବନି ଶବର ଶ୍ରେଷ୍ଠ ଆଟାକର

ନୂଆଦିଲ୍ଲୀ: ଚଳିତ ପ୍ରଥମ ଖୋ ଖୋ ବିଶ୍ୱକପ୍‌ରେ ଭାରତୀୟ ମହିଳା ଦଳ ବୃହତ୍ ବିଜୟ ସହ ଅଭିଯାନ ଆରମ୍ଭ କରିଛି। ଦଳ ପ୍ରଥମ ମ୍ୟାଟ୍‌ରେ ୧୭୫ -୧୮ ପଏଣ୍ଟରେ ଦକ୍ଷିଣ କୋରିଆକୁ ପରାସ୍ତ କରିଥିଲା । ଦଳ ପକ୍ଷରୁ ନସରିନ୍ ଶୈଫ, ପ୍ରିୟଙ୍କା ଇଙ୍ଗଲେ ପ୍ରଭାବୀ ଖେଳ ପ୍ରଦର୍ଶନ କରିଥିଲେ। ଭାରତର ନିର୍ମଳା ଭାଟି ଶ୍ରେଷ୍ଠ ଆଟାକର, ନସରିନ୍‌ ଶ୍ରେଷ୍ଠ ଖେଳାଳି ଏବଂ ଦକ୍ଷିଣ କୋରିଆର ଇସ୍କର କିମ୍ ଶ୍ରେଷ୍ଠ ଡିଫେଣ୍ଡର ବିବେଚିତ ହୋଇଥିଲେ । ଭାରତୀୟ ମହିଳା ଦଳରେ ଓଡ଼ିଶାରୁ ଶୁଭଶ୍ରୀ ସିଂହ ଓ ମାଗାଇ ମାଝୀ ସାମିଲ ରହିଛନ୍ତି।

ସେହିପରି ଭାରତୀୟ ପୁରୁଷ ଦଳ କ୍ରମାଗତ ଦ୍ଵିତୀୟ ବିଜୟ ହାସଲ କରିଛି। ଆଜି ଦଳ ୬୪-୩୪ ପଏଣ୍ଟରେ ବ୍ରାଜିଲ୍‌କୁ ପରାଜିତ କରିଥିଲା। ଦଳରେ ସାମିଲ ଥିବା ଓଡ଼ିଆ ଖେଳାଳି ପବନି ଶବର ଶ୍ରେଷ୍ଠ ଆଟାକର ପୁରସ୍କାର ପାଇଥିଲେ।