Ind vs Pak ମ୍ୟାଚରେ ‘ବିରାଟ’ ଭୁଲ କରିଦେଲେ କୋହଲି: ସଙ୍ଗେ ସଙ୍ଗେ ପଡ଼ିଆରୁ ବାହାରି ଚାଲିଗଲେ
ଗୁଜୁରାଟ: ଭାରତ-ପାକିସ୍ତାନ ମଧ୍ୟରେ ଚଳତ ବିଶ୍ୱକପର ସବୁଠାରୁ ବଡ଼ ମ୍ୟାଚ ଖେଳାଯାଉଛି । ତେବେ ଏହି ମ୍ୟାଚରେ ପାକିସ୍ତାନ ଉପରେ ଖୁବ ଭାରୀ ପଡ଼ିଛି ଭାରତର ବୋଲିଂ ଆଟାକ୍ । ବିଶେଷ କରି ଦଳର ପେସ୍ ଡିପାର୍ଟମେଣ୍ଟ ଆଗରେ ତିଷ୍ଠି ପାରୁନାହାନ୍ତି ପାକିସ୍ତାନର ଖେଳାଳି । ଏହାପରେ ମଧ୍ୟ ସମସ୍ତଙ୍କ ନଜର ରହିଛି ଭାରତର ଷ୍ଟାର କ୍ରିକେଟର ବିରାଟ କୋହଲିଙ୍କ ଉପରେ । ପୁଣିଥରେ ପାକିସ୍ତାନ ବିରୋଧରେ ତାଙ୍କ ବ୍ୟାଟରୁ ଆଉ ଏକ ଐତିହାସିକ ଇନିଂସ ଦେଖିବାକୁ ମିଳିବ ବୋଲି ଆଶା କରି ରହିଛନ୍ତି କ୍ରିକେଟ ପ୍ରେମୀ । କିନ୍ତୁ ମ୍ୟାଚ ପୂର୍ବରୁ ବିରାଟ ଏକ ବଡ଼ ଭୁଲ କରି ଦେଇଛନ୍ତି । ଯେଉଁଥିପାଇଁ ସେ ତତକ୍ଷଣାତ୍ ପଡ଼ିଆ ବାହାରକୁ ଚାଲି ଯାଇଛନ୍ତି ।
ପାକିସ୍ତାନ ବିପକ୍ଷ ଏହି ହାଇଭୋଲ୍ଟେଜ ମ୍ୟାଚ ଦେଖିବା ପାଇଁ ପଡ଼ିଆରେ ପହଞ୍ଚିଛନ୍ତି ଦଳର ପୂର୍ବତନ କ୍ରିକେଟର ସଚିନ୍ ତେନ୍ଦୁଲକର । ମ୍ୟାଚ ପୂର୍ବରୁ ସେ କ୍ରିକେଟରମାନଙ୍କ ସହ ସାକ୍ଷାତ ମଧ୍ୟ କରିଛନ୍ତି । କିନ୍ତୁ ଏହାର କିଛି ସମୟ ପରେ ଦଳର ଷ୍ଟାର କ୍ରିକେଟର ବିରାଟ କୋହଲି ପଡ଼ିଆରୁ ବାହାରି ପାଭିଲିୟନକୁ ଚାଲିଯାଇଥିଲେ । ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରି ଦେଇଛି । କିଛି ସମୟ ପାଇଁ ଭାରତୀୟ କ୍ରିକେଟ ଫ୍ୟାନ୍ସ ଆଶ୍ଚର୍ଯ୍ୟ ହୋଇଯାଇଛନ୍ତି । କିନ୍ତୁ ବିରାଟଙ୍କ ନିଜର ଏକ ଭୁଲ ପାଇଁ ସେ ବାହାରକୁ ଯାଇଥିବା ଜାଣିବାକୁ ମିଳିଛି । ପାକିସ୍ତାନ ବିପକ୍ଷ ମ୍ୟାଚରେ ବିରାଟ ଭୁଲ ଜର୍ସି ପିନ୍ଧି ପଡ଼ିଆ ଭିତରକୁ ଚାଲି ଆସିଥିଲେ । ଭାରତର ବିଶ୍ୱକପ ଜର୍ସିରେ ତ୍ରିରଙ୍ଗାର ଷ୍ଟ୍ରିପ୍ କୁ ସ୍ଥାନ ଦିଆଯାଇଛି । କିନ୍ତୁ ବିରାଟ ଭୁଲବଶତଃ ଯେଉଁ ଜର୍ସି ପିନ୍ଧିଥିଲେ, ସେଥିରେ ତ୍ରିରଙ୍ଗା ବଦଳରେ ଧଳା ରଙ୍ଗର ଆଦିଦାସ ଷ୍ଟ୍ରିପ ରହିଥିଲା । ତେବେ ନିଜର ଏହି ଭୁଲକୁ ଦେକିବା ପରେ ବିରାଟ ସଙ୍ଗେ ସଙ୍ଗେ ପଡ଼ିଆ ବାହାରକୁ ଚାଲିଯାଇଛନ୍ତି ।
Virat Kohli by mistake comes on the field by wearing the white stripes jersey instead of the tricolour one. pic.twitter.com/sv09MalH3X
— Mufaddal Vohra (@mufaddal_vohra) October 14, 2023
Virat Kohli comes back wearing the tricolor jersey after he accidentally came wearing the wrong jersey to the field. pic.twitter.com/4Q8GyMkXtX
— Virat Kohli Updates (@VK18Updates) October 14, 2023
ଯିବା ପୂର୍ବରୁ କୋହଲି ତାଙ୍କ ଜର୍ସିର କାନ୍ଧରେ ଥିବା ପଟିକୁ ଦେଖାଇଥିଲେ । ପରେ ଡ୍ରେସିଙ୍ଗରୁମରେ ଠିକ୍ ଜର୍ସି ପିନ୍ଧି ପଡ଼ିଆକୁ ଫେରିଛନ୍ତି କିଙ୍ଗ କୋହଲି । ଏହି ମ୍ୟାଚରେ ସଚିନଙ୍କ ସହ ସାକ୍ଷାତ କରିବା ସମୟରେ ଏବଂ ଜାତୀୟ ସଙ୍ଗୀତ ଗାନ ସମୟରେ ମଧ୍ୟ ବିରାଟଙ୍କୁ ଏହି ଭୁଲ ଜର୍ସିରେ ଦେଖିବାକୁ ମିଳିଥିଲା । କିନ୍ତୁ ପରେ ବିରାଟ ଠିକ୍ ଜର୍ସି ପିନ୍ଧି ପଡ଼ିଆକୁ ଫେରିଛନ୍ତି । ଏହାର କିଛି ଫଯୋ ଏବଂ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଫ୍ୟାନ୍ସମାନେ ଏହାକୁ ଖୁବ ପସନ୍ଦ କରିବା ସହ ଏହା ମନୋରଞ୍ଜନର ଖୁରାକ ଯୋଗାଇଛି ।
