ନାବାଳିକାକୁ ବିବାହର ପ୍ରତିଶ୍ରୁତି ଦେଇ ବାରମ୍ବାର ଶାରୀରିକ ସମ୍ପର୍କ ରଖିଥିଲା ଯୁବକ, ଧରାପଡିବା ପରେ ବାହା ହେବାକୁ ରୋକଠୋକ ମନା କରି ବନ୍ଦ ହେଲା ରୋମିଓ
ପୁରୀ (ଓଡ଼ିଶା ଭାସ୍କର) : ଜଣେ ନାବାଳିକାକୁ ପ୍ରେମ କରି ବିବାହର ପ୍ରତିଶ୍ରୁତି ଦେଇ ବାରମ୍ବାର ଦୁଷ୍କର୍ମ କରିବା ଅଭିଯୋଗରେ ସମୁଦ୍ରକୂଳ ଥାନା ପୋଲିସ ଜଣେ ଯୁବକକୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ହୋଇଥିବା ଅଭିଯୁକ୍ତର ପରିଚୟ ହେଲା ଚକ୍ରତୀର୍ଥ ରୋଡସ୍ଥିତ ତଳ ନୂଆସାହିର ରାଜୁ ବେହେରା (୨୯)।
ପୋଲିସ ସୂଚନା ମୁତାବକ ଅଭିଯୁକ୍ତ ରାଜୁ ସେହି ସାହିର ଜଣେ ୧୫ବର୍ଷର ନାବାଳିକାକୁ ପ୍ରେମ କରିଥିଲା । ବିବାହ କରିବାର ପ୍ରତିଶ୍ରୁତି ଦେଇ ଘର ପାଖରେ ଥିବା ଅନ୍ୟ ଏକ ଘରେ ରାଜୁ ନାବାଳିକା ସହିତ ବାରମ୍ବାର ଶାରୀରିକ ସମ୍ପର୍କ ରଖିଥିଲା । ଏ ଘଟଣା ସମ୍ପର୍କରେ ନାବାଳିକାର ପରିବାର ଜାଣିବାକୁ ପାଇଥିଲେ । ନାବାଳିକାର ପରିବାର ଲୋକମାନେ ପୀଡିତାକୁ ଘଟଣା ସମ୍ପର୍କରେ ପଚାରିଥିଲୋ।
ସେ କହିଥିଲା ଯେ, ଆଜକୁ ୨ମାସ ହେବ ଅଭିଯୁକ୍ତ ରାଜୁ ତା ସହିତ ବିଭିନ୍ନ ସମୟରେ ଶାରୀରିକ ସମ୍ପର୍କ ରଖିଛି। ଏ ନେଇ ନାବାଳିକାର ପରିବାର ପକ୍ଷରୁ ରାଜୁକୁ ପଚରା ଉଚରା କରାଯାଇଥିଲା । ନାବାଳିକାକୁ ବିବାହ କରିବା ପାଇଁ ତାର ପରିବାର ପକ୍ଷରୁ ରାଜୁକୁ କୁହାଯାଇଥିଲେ।। ସେ ମନା କରିବାରୁ ନାବାଳିକା ପରିବାର ପକ୍ଷରୁ ସାହି କମିଟିକୁ ଜଣାଇ ଦିଆଯାଇଥିଲା । ଏ ନେଇ ସାହିରେ ଏକ ବୈଠକ ଅନୁଷ୍ଠିତ ହୋଇ ରାଜୁକୁ ନାବାଳିକାକୁ ବିବାହ କରିବା ପାଇଁ କୁହାଯାଇଥିଲା ।
ଅପର ପକ୍ଷରେ ଅଭିଯୁକ୍ତ ରାଜୁ ପୀଡିତା ନାବାଳିକାକୁ ବିବାହ କରିବା ପାଇଁ ରୋକଠୋକ ମନା କରିଦେଇଥିଲ।। ଫଳରେ ନାବାଳିକାର ପିତା ଘଟଣା ସମ୍ପର୍କରେ ସମୁଦ୍ରକୂଳ ଥାନାରେ ଅଭିଯୁକ୍ତ ରାଜୁ ବିରୁଦ୍ଧରେ ଏକ ଲିଖିତ ଏତଲା ଦାଏର କରିଥିଲେ । ନାବାଳିକା ପିତାଙ୍କ ଅଭିଯୋଗ କ୍ରମେ ସମୁଦ୍ର କୂଳ ଥାନା ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା । ପୋଲିସ ରାଜୁକୁ ଗତକାଲି ଥାନାକୁ ଆଣି ଘଟଣା ସମ୍ପର୍କରେ ପଚରା ଉଚରା କରିଥିଲା ପରେ ଉଭୟଙ୍କର ଡାକ୍ତରୀ ମାଇନା ଜିଲ୍ଲା ମୁଖ୍ୟ ଚିକିତ୍ସାଳୟରେ କରାଯାଇ ରାଜୁକୁ ଗିରଫ କରି ଆଜି କୋର୍ଟ ଚାଲାଣ କରିଛି।
