Video; କୁକୁରକୁ ଧରି ପାଣିରେ ଖେଳୁଥିଲା କଙ୍ଗାରୁ, ଭିଡିଓ କରୁ କରୁ ରାଗରେ ଛଡ଼ାଇ ନେଲା କ୍ୟାମେରା

ନୂଆଦିଲ୍ଲୀ: କଙ୍ଗାରୁର ଦେଶ କହିଲେ ଅଷ୍ଟ୍ରେଲିଆକୁ ବୁଝାଏ। ସୋସିଆଲ ମିଡିଆରେ ଗୋଟିଏ କଙ୍ଗାରୁକୁ ନେଇ ଏକ ଭିଡିଓ ଭାଇରାଲ ହେବାରେ ଲାଗିଛି । ଏଥିରେ ଏକ କଙ୍ଗାରୁ କୁକୁର ତା’ର ପଞ୍ଜାରେ ଧରିଥିବା ଦେଖିବାକୁ ମିଳୁଛି। ପୋଖରୀ ଭିତରେ କୁକୁରକୁ ଧରି ବୁଡ଼ାଇ ବୁଡ଼ାଇ ଖେଳୁଛି । କୁକୁରଟି ଏତେ ଅସହାୟ ହୋଇପଡିଛି ଯେ ସେ ଚାହିଁଲେ ମଧ୍ୟ ଏଥିରୁ ମୁକ୍ତି ପାଇ ପାରୁନାହିଁ । ଏକ୍ସରେ ଭାଇରାଲ ହୋଇଥିବା ଏହି କ୍ଲିପ୍କୁ @AMAZlNGNATURE ନାମକ ଏକ ଆକାଉଣ୍ଟ ପୋଷ୍ଟ କରିଛି ।

୨୮ ସେକେଣ୍ଡର ଏହି ଭିଡିଓରେ ଆପଣ ଦେଖିପାରିବେ- ଦୁଇ ମିଟର ଲମ୍ବର କଙ୍ଗାରୁ ଏକ କୁକୁରକୁ ପୋଖରୀ ଭିତରକୁ ଟାଣି ଆଣି ଭିଡ଼ି ଧରି ରଖିଥିଲା । କୁକୁରଟି ମିକ୍ ମୋଲୋନି ନାମକ ଜଣେ ବ୍ୟକ୍ତିଙ୍କର ଥିଲା, ଯିଏ ତାଙ୍କୁ ମୁରେ ନଦୀକୁ ବୁଲିବାକୁ ଆଣିଥିଲେ । ଏହି ସମୟରେ କୁକୁରଟି କେଉଁଠି ନିଖୋଜ ହୋଇଯାଇଥିଲା । ଖୋଜାଖୋଜି କରିବା ପରେ ସେ କଙ୍ଗାରୁଙ୍କ କବଳରେ ଫସି ରହିଥିବା ଦେଖିବାକୁ ମିଳିଥିଲେ । କୁକୁର ମାଲିକଙ୍କ ପାଇଁ ସବୁଠାରୁ ବଡ ଚିନ୍ତା ଥିଲା ତାକୁ ମୁକ୍ତ କରିବା ।

କଙ୍ଗାରୁ ତା’ ଆଡ଼କୁ ଚାହିଁ ତା’ ଆଡ଼କୁ ଚାହିଁ ରହିଲା । କଙ୍ଗାରୁ କୁକୁରର ପାଟିର ଅଧା ଅଂଶ ପାଣି ତଳେ ବୁଡ଼ାଇ ଦେଇଥିଲା। ମୋଲୋନୀ ନିଜ ପୋଷା କୁକୁରକୁ ବଞ୍ଚାଇବା ପାଇଁ ଦ୍ୱିତୀୟ ଥର ଚିନ୍ତା ନକରି ପାଣିଭିତରକୁ ପଶି ନିଜ କ୍ୟାମେରା ଅନ୍ କରନ୍ତି । ଏହା ଦେଖି କଙ୍ଗାରୁଟି କ୍ରୋଧିତ ହୋଇ ମୋଲୋନୀଙ୍କୁ ଆକ୍ରମଣ କରିଥିଲା। କିନ୍ତୁ ଏହା ଭିତରେ କୁକୁରଟିକୁ ଖସିପଳାଇ ଯଆଇଛି । ଭିଡ଼ିଓଟିକୁ ସୋସିଆଲ ମିଡିଆ ପ୍ଲାଟଫର୍ମ ଟ୍ୱିଟରରେ ଭାଇରାଲ ହେଉଛି ।

Kangaroos always got beef 😭😭 pic.twitter.com/HZbbxsDMGC

— Nature is Amazing ☘️ (@AMAZlNGNATURE) June 30, 2024