ବନ୍ଧୁକ ଦେଖାଇ ରାଜସ୍ୱ ନିରୀକ୍ଷକଙ୍କଠୁ ସୁନା ଚେନ୍ ଓ ଟଙ୍କା ଲୁଟି ଚମ୍ପଟ୍ ମାରିଲେ ଦୁର୍ବୃତ୍ତ
ମୟୂରଭଞ୍ଜ: ବନ୍ଧୁକ ଦେଖାଇ ରାଜସ୍ୱ ନିରୀକ୍ଷକଙ୍କ ଅଫିସରୁ ଲୁଟ୍। କରଞ୍ଜିଆ ଥାନା ପାଟ୍ବିଲ୍ RIଙ୍କ ଠାରୁ ଲୁଟିନେଲେ ସୁନା ଚେନ୍ ଓ ଟଙ୍କା। ୨ ଦୁର୍ବୃତ୍ତ ଲୁଟି ଚମ୍ପଟ୍, ଘଟଣାସ୍ଥଳରେ ପୋଲିସର ଛାନ୍ଭିନ୍।
ସୂଚନା ଅନୁସାରେ ମୟୂରଭଞ୍ଜ ଜିଲ୍ଲା କରଞ୍ଜିଆ ଥାନା ପାଟିବିଲ ଆର୍. ଆଇ ନିରୁପମା ନାୟକ କାର୍ଯ୍ୟଳୟରେ ଏକୁଟିଆ ବସି କାର୍ଯ୍ୟ କରୁଥିବା ସମୟରେ ଦୁଇ ଜଣ ବ୍ୟକ୍ତି ଜମିଜମା କିଣା ବିକା ନେଇ କିଛି ସମୟ ଆଲୋଚନା କରିଥିଲେ।
କିଛି ସମୟ ପରେ ମୁଖା ପିନ୍ଧି ଆସି ବନ୍ଧୁକ ଦେଖାଇ ହାର, କାନଫୁଲ, ନଗଦ ଟଙ୍କା ସହିତ ଦୁଇଟି ମୋବଇଲକୁ ଲୁଟିନେଲେ ଦୁଇ ଦୁର୍ବୃତ୍ତ।
ଘଟଣା ସ୍ଥଳରେ ଅତରିକ୍ତ ତହସିଲଦାର ନିତ୍ୟାନନ୍ଦ ସେଠି ପହଂଚି ଆର.ଆଇଙ୍କୁ ପଚରାଉଚରା କରୁଥିବା ବେଳେ ଘଟଣା ସ୍ଥଳରେ ପୋଲିସ ପହଞ୍ଚିଛି।
ବିଭିନ୍ନ ସ୍ଥାନର ସିସିଟିଭି ଯାଞ୍ଚ କରି ତଦନ୍ତ କରୁଛି, ଆର ଆଇ କାର୍ଯ୍ୟଳୟଟି ନିଛାଟିଆ ଏବଂ ଜନଶୂନ୍ୟ ଅଂଚଳରେ ହୋଇଥିବାରୁ ସହଜରେ ଦୁର୍ବୁତ୍ତ ମାନେ ଏମିତି ଡକାୟତି କରିଲୁଟି ନେଇଥିବା କୁହାଯାଉଛି।
