(Video) IPL-2025 ପୂର୍ବରୁ ‘ଦେଶୀ ଠୁମକା’ ଲଗାଇଲେ M.S Dhoni: ସାଙ୍ଗରେ ନାଚୁଛନ୍ତି ପତ୍ନୀ ସାକ୍ଷୀ
ନୂଆଦିଲ୍ଲୀ: ମେଗା ଅକ୍ସନ ପରେ ଆଇପିଏଲ-୨୦୨୫କୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଗଲାଣି । ଏହାଭିତରେ ଟିମ ଇଣ୍ଡିଆର ପୂର୍ବତନ ଅଧିନାୟକ ଏମ.ଏସ ଧୋନୀ ପୁଣିଥରେ ଚର୍ଚ୍ଚାରେ ରହିଛନ୍ତି । ଅନେକ ସମୟରେ ଏକା ସ୍ଥାନରେ ରହିବାକୁ ପସନ୍ଦ କରନ୍ତି ମାହି । ସୋସିଆଲ ମିଡିଆରୁ ପ୍ରାୟତଃ ଦୂରରେ ରହୁଥିବା କ୍ୟାପଟେନ୍ କୁଲ ମାହିଙ୍କର ଏକ ଭିଡିଓ ଏବେ ଜୋରଦାର ଭାଇରାଲ ହେବାରେ ଲାଗିଛି । ବର୍ତ୍ତମାନ ସୋସିଆଲ ମିଡିଆରେ ପୂର୍ବତନ କ୍ରିକେଟର ଏମ.ଏସ ଧୋନୀଙ୍କ ଡାନ୍ସ ଭିଡିଓ ଖୁବ ଭାଇରାଲ ହେଉଛି । ଅନେକ ସମୟ ପରେ ମାହିଙ୍କ ଏହି ଅନ୍ଦାଜକୁ ଦେଖି ପାଗଳ ହୋଇ ଯାଇଛନ୍ତି ଫ୍ୟାନ୍ସ ।
ଆଇପିଏଲ-୨୦୨୫ରେ ଧୋନୀଙ୍କୁ ପୁଣିତରେ ୟେଲୋ ଜର୍ସିରେ ଦେଖିବା ପାଇଁ କ୍ରିକେଟପ୍ରେମୀ ଉତ୍ସୁକ ଥିବା ବେଳେ ଧୋନୀଙ୍କୁ ଏକ ନୂଆ ଅନ୍ଦାଜରେ ଦେଖିବାକୁ ମିଳିଛି । ପତ୍ନୀ ସାକ୍ଷୀ ସିଂ ଙ୍କ ସହ ଧୋନୀ ପାହାଡ଼ି ଗୀତର ତାଳେ ତାଳେ ଠୁମକା ଲଗାଉଥିବାର ଭିଡିଓ ଏବେ ଭାଇରାଲ ହେଉଛି । ଏକ ପାହାଡ଼ି ଅଞ୍ଚଳରେ ଧୋନୀ ସେଠାକାର ବାସିନ୍ଦାଙ୍କ ସହ ମିଶି ଡାନ୍ସ କରୁଥିବା ଦେଖାଯାଇଛି । ଇନଷ୍ଟାଗ୍ରାମରେ ଖୁବ ଲୋକପ୍ରିୟ ହାସଲ କରିଥିବା ‘ଠୁମକ-ଠୁମକ’ ଗୀତରେ ମାହି ଡାନ୍ସ କରିବା ପରେ ଏହା ଆହୁରି ଭାଇରାଲ ହେଉଛି । ମାହିଙ୍କ ସହ ପତ୍ନୀ ସାକ୍ଷୀ ଏବଂ ସ୍ଥାନୀୟ ଲୋକେ ମଧ୍ୟ ଏହି ଗୀତରେ ତାଳେ ତାଳେ ଝୁମି ଯାଇଛନ୍ତି । ଧୋନୀଙ୍କ ଏହି ଭିଡିଓକୁ ଅନେକ ଲୋକ ବେଶ୍ ପସନ୍ଦ କରିଛନ୍ତି ।
Thala dance #MSDhoni #Pushpa2 #CSK #Dhoni #IPLAuction2025 #IPLAuction #IPLauctions2025 #IPL2025 pic.twitter.com/VYVd8kPZmQ
— suriya (@SuriyaInsights) December 3, 2024
ସୋସିଆଲ ମିଡିଆରେ ମାହିଙ୍କ ଏପରି ଅନ୍ଦାଜ ଖୁବ କମ୍ ଦେଖିବାକୁ ମିଳିଥାଏ । ତେଣୁ ଏହିଭିଡିଓକୁ ଦେଖି ମାହିଙ୍କ ଫ୍ୟାନ୍ସ ଖୁବ ପସନ୍ଦ କରିଛନ୍ତି । ତେବେ ସୋସିଆଲ ମିଡିଆର ବିଭିନ୍ନ ପ୍ଲାଟଫର୍ମରେ ଧୋନୀଙ୍କ ଏହି ଭିଡିଓ ଭାଇରାଲ ହେଉଥିବା ବେଳେ ଲୋକେ ଏହାକୁ ଲାଇକ୍ କରିବା ସହ ଭିନ୍ନ ଭିନ୍ନ କମେଣ୍ଟ କରିଛନ୍ତି । ତେବେ ୨୦୨୫ ଆଇପିଏଲରେ ମାହିଙ୍କ ଖେଳିବା ନେଇ ଦ୍ୱନ୍ଦ୍ୱ ରହିଥିବା ବେଳେ ଚେନ୍ନାଇ ତାଙ୍କୁ ୪ କୋଟିରେ ଦଳରେ ରିଟେନ୍ କରିଛି । ଅର୍ଥାତ୍ ଆଗାମୀ ସିଜନରେ ମାହି ପୁଣିଥରେ ୟେଲୋ ଜର୍ସିରେ ନଜର ଆସିବେ ।
