କଟକରେ ଜଳୁଛି ‘ମୋ ବସ୍’: ରାସ୍ତା ମଝିରେ ବସ୍ ରେ ଲାଗିଗଲା ନିଆଁ

କଟକ: କଟକ ଲିଙ୍କ ରୋଡରେ ହୁତୁହୁତୁ ହୋଇ ଜଳୁଛି ‘ମୋ ବସ୍’ । ରାସ୍ତା ମଝିରେ ଅଚାନକ ମୋ ବସ୍ ରେ ଘଟିଯାଇଛି ଅଗ୍ନିକାଣ୍ଡ । କଟକର ଲିଙ୍କ ରୋଡ ଛକ ନିକଟରେ ବସରେ ଅଚାନକ ନିଆଁ ଧରି ଯାଇଥିଲା । ତେବେ ଅଗ୍ନିକାଣ୍ଡ ଅଧିକ ଭୟଙ୍କର ହେବା ପୂର୍ବରୁ ସମସ୍ତ ଯାତ୍ରୀଙ୍କୁ ସୁରକ୍ଷିତ ଭାବରେ ଉଦ୍ଧାର କରାଯାଇଛି । ଏହି ଅଗ୍ନିକାଣ୍ଡରେ କୌଣସି ଯାତ୍ରୀ ଆହତ ହୋଇ ନଥିବା ସୂଚନା ମିଳିଛି । ଭୁବନେଶ୍ୱରରୁ କଟକ ଫେରୁଥିବା ବେଳେ ବସ୍ ରେ ନିଆଁ ଲାଗିଯାଇଛି । ତେବେ ବର୍ତ୍ତମାନ ସୁଦ୍ଧା ଅଗ୍ନିକାଣ୍ଡର କାରଣ ଜଣା ପଡ଼ିନାହିଁ । ନିଆଁ ଲିଭାଇବା ପାଇଁ ଅଗ୍ନିଶମ ବାହିନୀ ତରଫରୁ ଉଦ୍ୟମ ଜାରି ରହିଛି ।