ମିଆଁମାର ଭୂକମ୍ପ ଘଟଣା, ଏବେବି ମାଟିତଳୁ ବାହାରୁଛି ଶବ, ଉଦ୍ଧାର କାର୍ଯ୍ୟରେ ଲାଗିଛନ୍ତି ଭାରତୀୟ ଯବାନ

ମିଆଁମାର: ସେଦିନର ହୃଦୟ ବିଦାରକ ଦୃଶ୍ୟ। ଏବେବି ଆଖି ଆଗରେ ନାଚି ଉଠୁଛି। କିପରି ତାସ ଘର ଭଳି ବଡ଼ ବଡ଼ କୋଠା ଆଖି ପିଛୁଳାକେ ଭାଙ୍ଗି ମାଟିରେ ମିଶିଗଲା। ଆଉ ସେହି ଭଙ୍ଗା କୋଠା ତଳେ ଚାପି ହୋଇ ଚାଲିଗଲା ହଜାର ହଜାର ଜୀବନ।

ହଁ ଆପଣମାନେ ଠିକ୍ ଅନୁମାନ କରୁଛନ୍ତି, ଆମେ କହୁଛୁ ସେଦିନର ମିଆଁମାରରେ ହୋଇଥିବା ଭୂମିକମ୍ପର କଥା। ଯେଉଁଠାରେ ଭୂମିକମ୍ପ ପାଇଁ ହଜାର ହଜାର ଜୀବନ ଚାଲି ଯାଇଥିବା ବେଳେ ଏବେବି ମାଟି ତଳେ ଅନେକ ଜୀବନ ରହିଥିବା ଆଶଙ୍କା କରାଯାଉଛି।

ଆଉ ଉଦ୍ଧାର କାର୍ଯ୍ୟ ବି ଏବେ ସୁଦ୍ଧା ଜାରି ରହିଛି। ମିଆଁମାରକୁ ଖୋଲା ହୃଦୟରେ ସାହାଯ୍ୟ କରୁଛି ଭାରତ। ଆଉ ଅପରେସନ ବ୍ରହ୍ମା ଜରିଆରେ ମିଆଁମାରରେ ପୁନଃରୁଦ୍ଧାରରେ ଲାଗି ପଡିଛନ୍ତି ଭାରତୀୟ ଯବାନ ମାନେ।

ମୃତ୍ୟୁସ୍ଥଳୀରୁ ଜୀବନ ଉଦ୍ଧାର କରିବାରେ ପ୍ରାଣମୂର୍ଚ୍ଛା ଉଦ୍ୟମ କରୁଛନ୍ତି ଏନଡିଆରଏଫ ଟିମ୍। ଭୁଶୁଡି ପଡିଥିବା ମନ୍ଦିର, ମସଜିଦ, ଅଟ୍ଟାଳିକା ତଳୁ ଜୀବିତ ହେଉ କି ମୃତ,  ଲୋକଙ୍କୁ ଉଦ୍ଧାର କାମରେ ଲାଗିଛନ୍ତି ସମସ୍ତେ। ଯାହାର ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।