ରାହୁଲଙ୍କୁ ପୁଣି ଇଡି ନୋଟିସ, ଜୁନ୍ ୧୩ ରେ ପଚରାଉଚରା ପାଇଁ ଡକାଇଲା
ନୁଆଦିଲ୍ଲୀ: ନେସନାଲ ହେରାଲ୍ଡ ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) କଂଗ୍ରେସ ନେତା ରାହୁଲ ଗାନ୍ଧିଙ୍କୁ ଦ୍ୱିତୀୟ ଥର ପାଇଁ ସମନ ଜାରି କରିଛନ୍ତି। ତାଙ୍କୁ ପଚରାଉଚରା କରିବା ପାଇଁ ଜୁନ୍ ୧୩ ତାରିଖରେ ହାଜର ହେବାକୁ କହିଛନ୍ତି। ଏହା ପୁର୍ବରୁ ଇଡି କଂଗ୍ରେସ ନେତାଙ୍କୁ ଜୁନ୍ ୨ ତାରିଖରେ ହାଜର ହେବାକୁ କହିଥିଲେ। ତେବେ ବିଦେଶରେ ଥିବା କାରଣରୁ ସେ ଇଡି ନିକଟରେ ହାଜର ହୋଇପାରି ନଥିଲେ।
ରାହୁଲ ମେ ୧୯ରେ ବିଦେଶ ଯାତ୍ରା କରିଥିଲେ। ୨୦ରୁ ୨୩ ତାରିଖ ପର୍ଯ୍ୟନ୍ତ ସେ ଲଣ୍ଡନରେ ଆୟୋଜିତ କାର୍ଯ୍ୟକ୍ରମରେ ଯୋଗ ଦେଇଥିଲେ। ପ୍ରାୟ ଜୁନ୍ ୫ ତାରିଖ ପର୍ଯ୍ୟନ୍ତ ରାହୁଲ ସ୍ୱଦେଶ ଫେରିବା ନେଇ ଆଶା କରାଯାଉଛି। ସେହିପରି ଏହି ମାମଲାରେ ସୋନିଆଙ୍କୁ ଇଡି ୮ଜୁନ୍ ରେ ହାଜର ହେବାକୁ ନୋଟିସ କରିଛନ୍ତି।
ତେବେ ଇଡିର ଏହି ନୋଟିସ ପରେ କଂଗ୍ରେସ ଏହାର ଟ୍ୱିଟର ହ୍ୟାଣ୍ଡେଲରେ ଲେଖିଛି ଯେ, ଇଡିର ସମନରେ ରାହୁଲ ଏବଂ ସୋନିଆଙ୍କର ସାହାସ କମ ହେବା ନାହିଁ। ବ୍ରିଟିସଙ୍କ ଅତ୍ୟାଚାର ଆଗରେ କଂଗ୍ରେସ ମୁଣ୍ଡ ନୁଆଁଇ ନଥିଲା। ଆଜି ଇଡିର ନୋଟିସ ଆଗରେ ସୋନିଆ ଏବଂ ରାହୁଲ ମନୋବଳ ଭାଙ୍ଗିବ ନାହିଁ।
ଅନ୍ୟପକ୍ଷରେ କଂଗ୍ରେସର ବରିଷ୍ଠ ମୁଖପାତ୍ର ଅଭିଷେକ ମନୁ ସିଂଭି ବୁଧବାର ମୁଖ୍ୟ ମୁଖପାତ୍ର ରଣଦୀପ ସୁରଜୱାଲାଙ୍କ ସହ ଏକ ସାମ୍ବାଦିକ ସମ୍ମିଳନୀ କରିଛନ୍ତି। ଉଭୟ ନେତା ଇଡି ଆଗରେ ହାଜର ହେବେ ବୋଲି ସେ କହିଛନ୍ତି। ଆମେ ସେମାନଙ୍କୁ ସାମ୍ନା କରିବୁ। ଏହିପରି କୋୖଶଳ ଦ୍ୱାରା ଆମେ ଭୟଭୀତ କିମ୍ବା ଭୟଭୀତ ନୁହଁନ୍ତି। ଏହା ଏକ ରାଜନୈତିକ ଉଦ୍ଦେଶ୍ୟମୂଳକ ବିଷୟ ଏବଂ କୌଣସି ଅନୁସନ୍ଧାନର ଆବଶ୍ୟକତା ନାହିଁ। ସୁରଜେୱାଲା ଏବଂ ସିଂଭି ନିଶ୍ଚିତ କରିଛନ୍ତି ଯେ ଗାନ୍ଧୀ ପରିବାର ଯେତେବେଳେ ଇଡି ଚାହିଁବେ ଏହି ଅନୁସନ୍ଧାନରେ ଯୋଗଦେବେ।
