ଉଚ୍ଚ ଶିକ୍ଷାନୁଷ୍ଠାନ କ୍ୟାମ୍ପସ୍ରେ ଅଣବିଘଟନ ପ୍ଲାଷ୍ଟିକ ମନା; ନିର୍ଦ୍ଦେଶାବଳୀ ଜାରି କଲା UGC
ନୂଆଦିଲ୍ଲୀ: ଉଚ୍ଚ ଶିକ୍ଷାନୁଷ୍ଠାନ କ୍ୟାମ୍ପସ୍ରେ ଅଣବିଘଟନ ପ୍ଲାଷ୍ଟିକ ମନା । ଛାତ୍ରଛାତ୍ରୀ କିଭଳି ପ୍ଲାଷ୍ଟିକ ବ୍ୟବହାର ନ କରିବେ ସଚେତନ କରାଯିବ । କଲେଜ କ୍ୟାଣ୍ଟିନ୍, ହଷ୍ଟେଲକୁ ଏକକ ବ୍ୟବହାର ପ୍ଲାଷ୍ଟିକ ଆସିବନି । ପ୍ଲାଷ୍ଟିକ ବୋତଲ ବଦଳରେ ଅନ୍ୟ ଧାତୁର ବୋତଲ ବ୍ୟବହାର ହେବ । ବିଶ୍ୱବିଦ୍ୟାଳୟ ଅନୁଦାନ ଆୟୋଗ (UGC) ପକ୍ଷରୁ ନିର୍ଦ୍ଦେଶାବଳୀ ଜାରି । ଏନେଇ ସମସ୍ତ ବିଶ୍ୱବିଦ୍ୟାଳୟ କୁଳପତି, କଲେଜ ଅଧ୍ୟକ୍ଷଙ୍କୁ ଚିଠି ।
UGC କହିଛି ଯେତେବେଳେ ଆମେ ମହାତ୍ମା ଗାନ୍ଧୀଙ୍କ ୧୫୦ତମ ଜୟନ୍ତୀ ପାଳନ କରିବୁ, ଆମେ ଭାରତକୁ ପ୍ଲାଷ୍ଟିକ୍ ମୁକ୍ତ କରିବା ପାଇଁ ଏକ ଜନ ଆନ୍ଦୋଳନ ଆରମ୍ଭ କରିବୁ। ଭାରତ ମାତାଙ୍କୁ ପ୍ଲାଷ୍ଟିକ ମୁକ୍ତ କରି ଗାନ୍ଧୀ ଜୟନ୍ତୀ ପାଳନ କରିବାକୁ ମୁଁ ସମସ୍ତଙ୍କୁ ନିବେଦନ କରୁଛି। ମହାତ୍ମା ଗାନ୍ଧୀଙ୍କ ୧୫୦ତମ ଜୟନ୍ତୀ ଅବସରରେ ମୋଦୀ ଅକ୍ଟୋବର ୨ତାରିଖରୁ ସିଙ୍ଗଲ୍ ୟୁଜ୍ ପ୍ଲାଷ୍ଟିକ୍ ବିରୋଧରେ ଜନ ବିପ୍ଳବ ଆରମ୍ଭ କରିବେ ।
- ୧. ଏକକ ବ୍ୟବହୃତ ପ୍ଲାଷ୍ଟିକର କ୍ଷତିକାରକ ପ୍ରଭାବ ସମ୍ପର୍କରେ ସଚେତନତା ଅଭିଯାନ ଏବଂ ସଚେତନତା କର୍ମଶାଳା ଆୟୋଜନ କରିବା ।
- ୨. ଅନୁଷ୍ଠାନରେ ଅଣବିଘଟନ ପ୍ଲାଷ୍ଟିକ ସାମଗ୍ରୀ ନ ଆଣିବାକୁ ସମସ୍ତ ଛାତ୍ରଛାତ୍ରୀଙ୍କୁ ନିର୍ଦ୍ଦେଶ ଦିଆଯାଇଛି।
- ୩. ପ୍ଲାଷ୍ଟିକ ବ୍ୟବହାରରୁ ବର୍ତ୍ତିବା ପାଇଁ ପାଣି ୟୁନିଟ୍ ଭଳି ଆବଶ୍ୟକ ବିକଳ୍ପ ସୁବିଧା ସ୍ଥାପନ କରନ୍ତୁ। ପ୍ଲାଷ୍ଟିକର କ୍ଷତିକାରକ ପ୍ରଭାବ ବିଷୟରେ ନିଜ ନିଜ ପରିବାରକୁ ସଚେତନ କରିବା ଏବଂ ନିଜ ପରିବାରକୁ ପ୍ଲାଷ୍ଟିକ ମୁକ୍ତ କରିବା ପାଇଁ ଛାତ୍ରଛାତ୍ରୀମାନଙ୍କୁ ଉତ୍ସାହିତ କରନ୍ତୁ ।
- ୪. ଉନ୍ନତ ଭାରତ ଅଭିଯାନ ଅଧୀନରେ ଗାଁକୁ ପୋଷ୍ୟ ଭାବେ ଗ୍ରହଣ କରିଥିବା ଉଚ୍ଚ ଶିକ୍ଷାନୁଷ୍ଠାନଗୁଡ଼ିକ ‘ପ୍ଲାଷ୍ଟିକ୍ ମୁକ୍ତ ଗାଁ’ରେ ପରିଣତ ନ ହେବା ପର୍ଯ୍ୟନ୍ତ ନିଜ ପୋଷ୍ୟ ଗ୍ରାମରେ ଅଭିଯାନ ଆରମ୍ଭ କରନ୍ତୁ।
- ୫. ସ୍ବଚ୍ଛ ଓ ପ୍ଲାଷ୍ଟିକ୍ ମୁକ୍ତ କ୍ୟାମ୍ପସ୍ ଦିଗରେ ବିଶ୍ବବିଦ୍ୟାଳୟ ଓ ମହାବିଦ୍ୟାଳୟଗୁଡ଼ିକୁ ନୀତି ଓ ଅଭ୍ୟାସ ଗ୍ରହଣ କରିବାକୁ ପ୍ରୋତ୍ସାହିତ କରିବା ପାଇଁ ଏହି ମାର୍ଗଦର୍ଶିକା ପ୍ରସ୍ତୁତ କରାଯାଇଛି।
