ନିର୍ବାଚନ ଫଳାଫଳ ଉପରେ ପ୍ରଧାନମନ୍ତ୍ରୀ ମୋଦୀଙ୍କ ପ୍ରତିକ୍ରିୟା; କହିଲେ- ଏହି ଜନାଦେଶର ପ୍ରତିଫଳନ ବହୁ ଦୂରକୁ ଯିବ
ନୂଆଦିଲ୍ଲୀ: ହରିୟାଣା ଓ ଜମ୍ମୁ-କଶ୍ମୀର ବିଧାନସଭା ନିର୍ବାଚନ ଫଳାଫଳ କୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦିଲ୍ଲୀସ୍ଥିତ ବିଜେପି ମୁଖ୍ୟାଳୟରେ ଦଳୀୟ କର୍ମୀଙ୍କୁ ସମ୍ବୋଧିତ କରିଛନ୍ତି। “ଏହି ଜନାଦେଶର ପ୍ରଶଂସା ବହୁ ଦୂରକୁ ଯିବ। ହରିୟାଣାର କୃଷକମାନେ କଂଗ୍ରେସକୁ କଡ଼ା ଜବାବ ଦେଇଛନ୍ତି। ଭାଷଣ ଆରମ୍ଭ କରି ସେ କହିଥିଲେ, “ଜାହାଁ ଦୁଧ ଦହି କା ଖାନା, ୱେସା ହି ହେ ହରିୟାଣା।” ପ୍ରଧାନମନ୍ତ୍ରୀ ମୋଦୀ କହିଛନ୍ତି, “ଜମ୍ମୁ-କଶ୍ମୀରରେ ଏଥର ହୋଇଥିବା ନିର୍ବାଚନ ଐତିହାସିକ। ଏହା ଥିଲା ପ୍ରଥମ ନିର୍ବାଚନ ଯେତେବେଳେ ଭାରତର ସମ୍ବିଧାନକୁ ସମ୍ପୂର୍ଣ୍ଣ ରୂପେ କାର୍ଯ୍ୟକାରୀ କରାଯାଇଥିଲା।
ସ୍ୱାଧୀନତାର ଏତେ ବର୍ଷ ପରେ ମଧ୍ୟ ଜମ୍ମୁ-କଶ୍ମୀରରେ ଅନେକ ଲୋକ ଭୋଟ୍ ଦେଇପାରିନଥିଲେ, କିନ୍ତୁ ଏଥର ତାହା ହୋଇନାହିଁ। ଏହି ସମୟରେ ପ୍ରଧାନମନ୍ତ୍ରୀ କଂଗ୍ରେସକୁ ଘେରି କହିଥିଲେ, ଅଧିକାଂଶ ରାଜ୍ୟର ଲୋକମାନେ କଂଗ୍ରେସ ପାଇଁ ନୋ ଏଣ୍ଟ୍ରି ବୋର୍ଡ ଲଗାଇଛନ୍ତି। କଂଗ୍ରେସ ଯେଉଁଠି ଯାଉଛି, ସେଠାକୁ ଫେରିପାରୁନାହିଁ। ଗୁଜରାଟ ଓ ମଧ୍ୟପ୍ରଦେଶବାସୀ ଦୁଇ ଦଶନ୍ଧିରୁ ଅଧିକ ସମୟ ଧରି ଆଶୀର୍ବାଦ ବଜାୟ ରଖିଛନ୍ତି କାରଣ ବିଜେପି କଂଗ୍ରେସର କୁଶାସନରୁ ମୁକ୍ତି ପାଇଛି। ସେ କହିଛନ୍ତି, ପୂର୍ବରୁ କଂଗ୍ରେସ ଭାବୁଥିଲା ଯେ ସେ କାମ କରିବ କି ନ କରିବ ଲୋକେ ତାଙ୍କୁ ଭୋଟ୍ ଦେବେ।
କିନ୍ତୁ ଏବେ କଂଗ୍ରେସର ପର୍ଦ୍ଦାଫାସ ହୋଇଛି। ନିଜ ଭାଷଣରେ ପ୍ରଧାନମନ୍ତ୍ରୀ ମୋଦୀ କହିଛନ୍ତି, କିଛି ଦିନ ହେବ ଭାରତ ବିରୋଧରେ ବିଭିନ୍ନ ଷଡ଼ଯନ୍ତ୍ର ଚାଲିଥିଲା। ଭାରତର ଗଣତନ୍ତ୍ର, ଅର୍ଥନୀତି ଓ ସାମାଜିକ ଢାଞ୍ଚାକୁ ଦୁର୍ବଳ କରିବା ପାଇଁ ଷଡ଼ଯନ୍ତ୍ର ଚାଲିଛି। ଅନ୍ତର୍ଜାତୀୟ ଷଡ଼ଯନ୍ତ୍ର ଚାଲିଛି। ଏହି ଖେଳରେ କଂଗ୍ରେସ ଓ ଏହାର ଦୁର୍ବୃତ୍ତମାନେ ସାମିଲ ଅଛନ୍ତି। ଏଭଳି ଷଡ଼ଯନ୍ତ୍ରର କଡ଼ା ଜବାବ ଦେଇଛି ହରିୟାଣା। ପ୍ରଧାନମନ୍ତ୍ରୀ ମୋଦୀ କହିଛନ୍ତି, କଂଗ୍ରେସର ଏହି ରାଜ ପରିବାର ସଂରକ୍ଷଣକୁ ଶେଷ କରିଦେବେ ବୋଲି କହିଛନ୍ତି। ଦଳିତ ଓ ଓବିସିଙ୍କ ସଂରକ୍ଷଣ ଛଡ଼ାଇ ନେଇ କଂଗ୍ରେସ ନିଜର ଭୋଟ୍ ବ୍ୟାଙ୍କ ଦେବାକୁ ଚାହୁଁଥିଲା।
ସୂଚନାଯୋଗ୍ୟ, ଆମେରିକା ଗସ୍ତ ସମୟରେ ରାହୁଲ ଗାନ୍ଧି ସଂରକ୍ଷଣ କୁ ନେଇ ଏକ ବୟାନ ଦେଇଛନ୍ତି, ଯାହା ପରେ ବିଜେପି ଅଭିଯୋଗ କରିଥିଲା ଯେ ସଂରକ୍ଷଣ ଉଚ୍ଛେଦ କରିବାକୁ କଂଗ୍ରେସର ଉଦ୍ଦେଶ୍ୟ ରହିଛି। ତେବେ ରାହୁଲ ଗାନ୍ଧି ତାଙ୍କ ବୟାନକୁ ବିଭ୍ରାନ୍ତ ବୋଲି କହିଥିଲେ। ହରିୟାଣାରେ ବିଜେପି ୯୦ଟି ଆସନରୁ ୪୮ଟିରେ ବିଜୟୀ ହୋଇଛି। ସେହିପରି କଂଗ୍ରେସ ଖାତାରେ ୩୬ଟି ଆସନ ଥିବା ବେଳେ ଗୋଟିଏଆସନରେ ଆଗୁଆ ରହିଛି। ଜମ୍ମୁ-କଶ୍ମୀରରେ ନ୍ୟାସନାଲ କନଫରେନ୍ସ ୪୨ଟି ଓ କଂଗ୍ରେସ ୬ଟି ଆସନରେ ବିଜୟୀ ହୋଇଛି। ଅନ୍ୟପକ୍ଷରେ ବିଜେପି ୨୯ଟି ଆସନରେ ବିଜୟୀ ହୋଇଛି। ପିଡିପିକୁ ୩ଟି ଆସନରେ ସୀମିତ ରଖାଯାଇଛି।
