ଅବିଶ୍ୱାସ ଭୋଟ ପୁର୍ବରୁ ଇମ୍ରାନଙ୍କୁ ବିରୋଧୀଙ୍କ ଟାର୍ଗେଟ, ଇମ୍ରାନ୍ ପାକିସ୍ତାନକୁ ଭାଗ ଭାଗ କରି ଦେଇଛନ୍ତି
ପାକିସ୍ତାନ ସୁପ୍ରିମକୋର୍ଟଙ୍କ ଆଦେଶ ପରେ ଆଜି ସଂସଦରେ ଇମ୍ରାନ ସରକାରଙ୍କ ବିରୁଦ୍ଧରେ ଅବିଶ୍ୱାସ ପ୍ରସ୍ତାବ ଉପରେ ଭୋଟ ହେବ । ଏହା ପୁର୍ବରୁ ସଂସଦରେ ଜୋରଦାର ତର୍କ ବିତର୍କ ଜାରି ରହିଛି । ଗତକାଲି ଦେଶର ଜନତା ତାଙ୍କ ସହିତ ଥିବା କହୁଥୁିବା ଇମ୍ରାନଙ୍କୁ ଆଜି ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେବାକୁ ପଡିପାରେ ।
ଆଜି ସଂସଦରେ ବିରୋଧୀ ଦଳର ନେତା ତଥା ପାକିସ୍ତାନ ପିପୁଲ୍ସ ପାର୍ଟି (ପିପିପି) ଦଳର ଅଧ୍ୟକ୍ଷ ବିଲାବଲ ଭୁଟ୍ଟୋ ଇମ୍ରାନଙ୍କ ଜୋରଦାର ସମାଲୋଚନା କରିଛନ୍ତି । ସେ କହିଛନ୍ତି ଯେ ଇମ୍ରାନଙ୍କ ଆଗରେ ଭୋଟିଂରୁ ପଳାୟନ କରିବାର କୌଣସି ବାଟ ନାହିଁ । ଏହା ପରେ ସେ କହିଛନ୍ତି ଯେ ଯଦି ବାଚସ୍ପତି ଅବିଶ୍ୱାସ ପ୍ରସ୍ତାବ ଉପରେ ଭୋଟିଂ ନକରାନ୍ତି । ତେବେ ଏହା କୋର୍ଟଙ୍କ ଅପମାନ ହେବ । ଏଥି ସହିତ ସେ କହିଛନ୍ତି ଯେ ଇମ୍ରାନ ପାକିସ୍ତାନକୁ ଭାଗ ଭାଗ କରି ଦେଇଛନ୍ତି । ବର୍ତ୍ତମାନ ସମୟରେ ତାଙ୍କ ନିକଟରେ ବହୁମତ ନଥିବାରୁ ସେ ଅବିଶ୍ୱାସ ଭୋଟିଂରୁ ପଳାୟନ କରୁଥିବା ସେ କହିଛନ୍ତି ।
ସେ ଏହା ମଧ୍ୟ କହିଛନ୍ତି ଯେ ଇମ୍ରାନ୍ କ୍ଷମତାର ଚୌକିକୁ ଜାବୁଡ଼ି ଧରିଛନ୍ତି । ଏଥିରେ ତାଙ୍କୁ ବାଚସ୍ପତି ସାହାଯ୍ୟ କରୁଛନ୍ତି । ଯାହା ପାକିସ୍ତାନର ଗଣତନ୍ତ୍ରକୁ ବିପଦରେ ପକାଇଛି । ଏଥିରୁ ବାଚସ୍ପତି ନିଜକୁ ବଞ୍ଚାନ୍ତୁ ଏବଂ ଜାତୀୟ ସଂସଦର ସମ୍ନାନକୁ ରକ୍ଷା କରନ୍ତୁ ।
